लाँच होताच गायब झाला Nothing चा Warp अ‍ॅप! यूजर्सना बसला धक्का, नेमकं प्रकरण काय? जाणून घ्या

नथिंगने अलीकडेच Warp नावाचा नवीन फाईल शेअरिंग अ‍ॅप लाँच केला, मात्र काही वेळातच तो प्ले स्टोअरवरून हटवण्यात आला. कंपनीकडून कोणतेही अधिकृत कारण न दिल्यामुळे या निर्णयामागील कारणांबाबत चर्चा रंगली आहे.

• Warp अ‍ॅप लाँच झाल्यानंतर काही वेळातच Play Store आणि Chrome Extension वरून हटवण्यात आला.
• कंपनीने अधिकृत स्पष्टीकरण दिले नसले तरी तांत्रिक बिघाड किंवा सिक्युरिटी कारणांमुळे हा निर्णय घेतल्याची शक्यता आहे.
• हा अ‍ॅप Android आणि ब्राउझर एक्सटेंशनद्वारे फाईल शेअरिंग सोपं करण्यासाठी डिझाइन करण्यात आला होता.

लोकप्रिय टेक कंपनी नथिंगने अलीकडेच Warp नावाचा एक नवीन अ‍ॅप लाँच केला होता. मात्र लाँच झाल्यानंतर अगदी काही वेळातच कोणतेही अधिकृत वक्तव्य न करता कंपनीने हा अ‍ॅप बंद केला. प्ले स्टोअरवरून Warp अ‍ॅपचे लिस्टिंग अशा सर्व लोकांसाठी गायब झाले आहे, ज्यांनी हा अ‍ॅप पूर्वी इंस्टॉल केला नव्हता. तसेच या अ‍ॅपचे क्रोम एक्सटेंशन देखील हटवण्यात आले आहे. याबाबत सविस्तर जाणून घेऊया.

लाँचिंगपूर्वीच क्रिकेटर श्रेयस अय्यरच्या हातात दिसला Vivo चा Ultra फोन! फोटोग्राफीसमोर DSLR पडेल फीका, असे असू शकतात तगडे फीचर्स

असे अनेक लोकं आहेत, जे मॅकसह अँड्रॉईड फोनचा वापर करतात, अशा लोकांना दोन्ही डिव्हाईसदरम्यान फाईल्स पाठवण्यात अनेक अडचणी येतात. यामुळे यूजर्सना सहसा थर्ड-पार्टी टूल्स किंवा क्लाउड सर्विसेजवर अवलंबून राहावे लागते. यूजर्सच्या याच समस्यांचा विचार करून टेक कंपनी नथिंगने Warp अ‍ॅपसह एक नवीन सॉल्यूशन आणले आहे. याचा उद्देश फाईल्स ट्रांसफर करण्याची प्रोसेस अधिक सोपं करण्याचा आहे. डेटा शेअर करणं अधिक सोपं आणि जलद व्हावं यासाठी कंपनीने हा अ‍ॅप डिझाईन केला आहे. मात्र लाँचिंगनंतर अत्यंत कमी वेळातच प्ले स्टोअरवरून अ‍ॅप डिलीट करण्यात आला आहे. यामागील कारण अद्याप समोर आलं नाही. तसेच कंपनीने देखील याबाबत कोणतीही माहिती शेअर केली नाही. (फोटो सौजन्य – Pinterest) 

Warp अ‍ॅप टू-पार्ट सिस्टिम म्हणून लाँच करण्यात आले आहे. हा अँड्रॉईड अ‍ॅप आहे, ज्यासोबत एक ब्राऊझर एक्सटेंशन देखील आहे. कारण नथिंगने लाँच केलेले Warp ब्राउझरद्वारे चालत असल्यामुळे, ते macOS पुरते मर्यादित नाही. तसेच यूजर्स क्रोमियम-आधारित ब्राउझर वापरत असल्यास, नथिंगचे Warp अ‍ॅप विंडोज आणि लिनक्स मशीनवर देखील काम करते. या अधिक सुसंगततेमुळे त्याला परिसंस्थे-विशिष्ट साधनांपेक्षा एक फायदा मिळतो. Warp अ‍ॅपच्या मदतीने यूजर्स फोटो, व्हिडीओ, डॉक्यूमेंट, लिंक आणि प्लेन टेक्स्ट देखील अधिक वेगाने पाठवू शकणार आहेत.

ChatGPT Down : AI चॅटबोट अचानक झाले डाऊन, यूजर्सच्या समस्या वाढल्या! कामं झाली ठप्प

Warp अ‍ॅप नथिंगने लाँच केले आहे. या अ‍ॅपच्या मदतीने यूजर्स वेगवेगळ्या प्रकारच्या फाइल्स जसे लिंक, इमेज, टेक्स्ट इत्यादी शेअर करू शकणार आहेत. हा एक प्रकारचा डेटा शेयरिंग अ‍ॅप आहे. हा अ‍ॅप मोबाइल आणि तुमच्या ब्राउजर एक्सटेंशनवर काम करतो. म्हणजेच यूजर्सना फाईल पाठण्यासाठी आता ईमेल, मेसेजिंग अ‍ॅप किंवा यूएसबी केबलची गरज पडणार नाही. कंपनीने दिलेल्या माहितीनुसार, यामध्ये डाटा ट्रांसफरसाठी गूगल ड्राईव्हचा वापर केला जातो. यामुळे यूजरचा डेटा सुरक्षित राहतो. कंपनी स्वतः यूजरचा डेटा स्टोअर करत नाही. हे ॲप अजूनही सुरुवातीच्या टप्प्यात आहे आणि भविष्यात यूजरच्या सूचनांनुसार त्यात नवीन वैशिष्ट्ये जोडली जातील, जेणेकरून त्याचा वापर आणखी सुधारता येईल.