डिझाईन पाहताच प्रेमात पडाल! 50MP कॅमेऱ्यासह Oppo चा तगडा स्मार्टफोन लाँच, जाणून घ्या फीचर्स आणि किंमत

Oppo F33 Pro 5G Launched: ओप्पोने भारतात नवा स्मार्टफोन लाँच करत सर्वांची झोप उडवली आहे. नव्या स्मार्टफोनची डिझाईन अतिशय कूल आणि आकर्षक आहे. तसेच यामध्ये पावरफुल फीचर्स देण्यात आले आहेत.

• Oppo F33 Pro 5G मिड-रेंज सेगमेंटमध्ये ₹37,999 पासून उपलब्ध असून 8GB RAM आणि 256GB पर्यंत स्टोरेजसह येतो.
• या स्मार्टफोनमध्ये 6.57-इंच अमोलेड डिस्प्ले, 120Hz रिफ्रेश रेट आणि मीडियाटेक डेमेन्सिटी चिपसेटमुळे दमदार परफॉर्मन्स मिळतो.
• 50MP कॅमेरा आणि 7,000mAh बॅटरीसह 80W फास्ट चार्जिंगमुळे हा फोन कॅमेरा आणि बॅटरी दोन्हीसाठी मजबूत पर्याय ठरतो.

Oppo Smartphone Launched: टेक कंपनी ओप्पोने भारतात त्यांच्या F सीरीजचा विस्तार केला आहे. कंपनीने भारतीय स्मार्टफोन मार्केटमध्ये एक मोठा धमाका करत नवीन Oppo F33 Pro 5G लाँच केला आहे. कंपनीने हा नवीन हँडसेट स्टँडर्ड Oppo F33 5G सह लाँच केला आहे. देशातील ई कॉमर्स प्लॅटफॉर्म फ्लिपकार्ट आणि कंपनीच्या ऑनलाईन स्टोअरवरून ग्राहक हा स्मार्टफोन खरेदी करू शकतात. तीन कलर ऑप्शन आणि दोन रॅम आणि स्टोरेज व्हेरिअंटमध्ये हा स्मार्टफोन लाँच करण्यात आला आहे. कंपनीने या स्मार्टफोनमध्ये पावरफुल प्रोसेसर आणि तगडी बॅटरी दिली आहे.

Redmi गुपचूप लाँच केले दोन नवे स्मार्टफोन्स! मोठी बॅटरी आणि पावरफुल फीचर्सने सुसज्ज, किती आहे डिव्हाईसची किंमत? जाणून घ्या

Oppo F33 Pro 5G ची किंंमत आणि उपलब्धता

Oppo F33 Pro 5G स्मार्टफोन 8GB + 128GB आणि 8GB + 256GB या दोन व्हेरिअंटमध्ये लाँच केला आहे. हा स्मार्टफोन मिड रेंज सेगमेंटमध्ये लाँच करण्यात आला आहे. स्मार्टफोनच्या 8GB + 128GB व्हेरिअंटची किंमत 37,999 रुपये आणि 8GB + 256GB व्हेरिअंटची किंमत 40,999 रुपये ठेवण्यात आली आहे. हे डिव्हाइस फ्लिपकार्ट आणि ओप्पो इंडियाच्या ऑनलाइन स्टोअरवरून खरेदी करता येईल. हा फोन मिस्टी फॉरेस्ट, पॅशन रेड आणि स्टारी ब्लू या तीन रंगांच्या पर्यायांमध्ये उपलब्ध आहे. (फोटो सौजन्य – X)

Oppo F33 Pro 5G चे स्पेसिफिकेशन्स आणि फीचर्स

डिस्प्ले

नव्या स्मार्टफोनच्या स्पेसिफिकेशन्स आणि फीचर्सबद्दल बोलायचं झालं तर Oppo F33 Pro 5G मध्ये 6.57-इंच फुल-एचडी+ अमोलेड डिस्प्ले देण्यात आला आहे. तसेच या फोनमध्ये 120Hz पर्यंत रिफ्रेश रेट सपोर्ट आणि 1,400 निट्स पर्यंत पीक ब्राइटनेस दिली आहे. हा हँडसेटला धूळ आणि पाण्यापासून सुरक्षेसाठी IP66 + IP68 + IP69K रेटिंग दिली आहे.

प्रोसेसर

फोनमध्ये ऑक्टा-कोर मीडियाटेक डेमेन्सिटी 6360 मॅक्स चिपसेट दिला आहे, जो 6nm प्रोसेसवर तयार करण्यात आला आहे. तसेच या फोनमध्ये माली-जी57 एमसी2 जीपीयू, 8 जीबी एलपीडीडीआर4एक्स रॅम आणि 256GB पर्यंत यूएफएस 2.2 स्टोरेज दिले आहे.

कॅमेरा

फोटोग्राफीसाठी Oppo F33 Pro 5G मध्ये डुअल रियर कॅमेरा दिला आहे. यामध्ये 50-मेगापिक्सेलचा प्रायमरी कॅमेरा आहे. तसेच फोनमध्ये ओवी50डी40 सेंसर, f/1.8 अपर्चर, 76-डिग्री फील्ड ऑफ व्यू आणि ऑटोफोकसची सुविधा दिली जाणार आहे. फोनमध्ये सेल्फी आणि व्हिडीओ कॉलिंगसाठी 50-मेगापिक्सेलचा कॅमेरा आहे, जो f/2.0 अपर्चरसह येतो.

Tech Tips: कोण वापरतंय तुमच्या iPhone चा हॉटस्पॉट डेटा? क्षणार्धात लावा शोध, फॉलो करा ही सोपी प्रोसेस

बॅटरी

ओप्पोच्या नव्या फोनमध्ये 80W सुपरवूक वायर्ड फास्ट चार्जिंग सपोर्टसह 7,000mAh बॅटरी दिली आहे.