13 इंचाचा डिस्प्ले आणि 13000mAh ची तगडी बॅटरी! मार्केटमध्ये धुमाकूळ घालणार ‘हा’ नवीन टॅबलेट, फीचर्स झाले लीक

'ओप्पो' (OPPO) लवकरच आपला नवीन फ्लॅगशिप टॅबलेट 'Oppo Pad 5 Pro' लाँच करण्याच्या तयारीत आहे. या टॅबलेटचे काही खास स्पेसिफिकेशन्स ऑनलाइन लीक झाले असून, तो बाजारातील आतापर्यंतचा सर्वात दमदार मॉडेल ठरू शकतो.

• OPPO नवीन ‘Oppo Pad 5 Pro’ लाँच करण्याच्या तयारीत
• मोठी १३,००० mAh बॅटरी असण्याची अपेक्षा
• मोठ्या बॅटरीसोबतच टॅबलेटमध्ये मोठा डिस्प्ले

Oppo Pad 5 Pro spec leak: जर तुम्हीही स्मार्ट आणि फास्ट टॅबलेटच्या शोधत असाल, तर तुमच्यासाठी एक आनंदाची बातमी आहे. टेक जगतातील मोठी कंपनी ‘ओप्पो’ (OPPO) लवकरच आपला नवीन फ्लॅगशिप टॅबलेट ‘Oppo Pad 5 Pro’ लाँच करण्याच्या तयारीत आहे. या टॅबलेटचे काही खास स्पेसिफिकेशन्स ऑनलाइन लीक झाले असून, तो बाजारातील आतापर्यंतचा सर्वात दमदार मॉडेल ठरू शकतो. या टॅबलेटमध्ये मोठी १३,००० एमएएच बॅटरी असण्याची अपेक्षा आहे. याचा अर्थ असा की जर तुम्हाला वारंवार रिचार्ज करण्याचा त्रास नको असेल आणि दीर्घ बॅटरी लाइफ असलेला टॅबलेट शोधत असाल, तर ओप्पोचा हा येणारा टॅबलेट परिपूर्ण पर्याय असू शकतो. मोठ्या बॅटरीसोबतच, टॅबलेटमध्ये मोठा डिस्प्ले आणि तगडी रॅम देखील असेल.

Jio आणि Airtel दोन्ही कंपन्यांचा 1199 रुपयांचा प्लॅन, पण ‘ही’ कंपनी देतेय 35000 रुपयांपेक्षा जास्त फायदा!

मोठा आणि चमकदार डिस्प्ले

मिळालेल्या माहितीनुसार, या टॅबलेटमध्ये १३.२ इंचाचा एक मोठा डिस्प्ले असेल. हा टॅबलेट ‘अँड्रॉइड’ विभागात सर्वात मोठ्या स्क्रीन असलेल्या डिव्हाइसेसपैकी एक असेल. हाय रिझोल्यूशन आणि उत्तम रिफ्रेश रेटमुळे चित्रपट पाहणे किंवा गेमिंग करणे हा एक वेगळाच अनुभव ठरणार आहे.

सुपरफास्ट परफॉर्मन्स

या टॅबलेटला क्वालकॉमचा शक्तिशाली ‘स्नॅपड्रॅगन ८ एलीट जेन ५’ प्रोसेसर मिळण्याची शक्यता आहे. यामुळे गेमिंग, व्हिडिओ एडिटिंग किंवा मल्टीटास्किंग अत्यंत स्मूथ आणि वेगाने करता येणार आहे. यात १६ जीबीपर्यंत रॅम आणि ५१२ जीबीपर्यंत स्टोअरेजचे पर्याय मिळतील. त्यामुळे स्टोअरेजची चिंता मिटली. तुम्हाला हवी तेवढी रॅम यात वापरता येते.

बॅटरीचा बाप

या टॅबलेटचे सर्वात मोठे आकर्षण म्हणजे त्याची १३,०००mAh ची महाकाय बॅटरी. यामुळे वारंवार चार्जिंगचा झंझट कायमचा मिटणार आहे. यात ६७ वॅटची फास्ट चार्जिंग सुविधा असेल, जी मोठ्या बॅटरीलाही लवकर चार्ज करण्यास मदत करेल.

कॅमेरा आणि इतर फीचर्स

डॉक्युमेंट स्कॅनिंग आणि व्हिडिओ कॉलिंगसाठी यात ८ मेगापिक्सेलचा फ्रंट आणि १३ मेगापिक्सेलचा रियर कॅमेरा दिला जाण्याची शक्यता आहे. त्यामुळे फोटोसोबतच इतर आवश्यक गोष्टींसाठी हा टॅबलेट चांगला ऑपशन आहे.

लाँच कधी होणार?

लीक झालेल्या माहितीनुसार, हा टॅबलेट एप्रिल २०२६ च्या आसपास मार्केटमध्ये येण्याची शक्यता आहे. कदाचित ओप्पो आपल्या नवीन फ्लॅगशिप स्मार्टफोनसोबतच याला लाँच करणार असल्याची शक्यता आहे.

जर तुम्हालाही अभ्यासासाठी, ऑफिसच्या कामासाठी किंवा मनोरंजनासाठी एक हाय-एंड टॅबलेट हवा असेल, तर ‘Oppo Pad 5 Pro’ एक उत्तम पर्याय ठरू शकतो. त्याच्या मोठ्या स्क्रीनमुळे आणि शक्तिशाली बॅटरीमुळे हा टॅबलेट लॅपटॉपलाही तगडी टक्कर देऊ शकेल.

Elon Musk यांच्या ‘सुपरइंटेलिजन्स’ मिशनमध्ये भारतीयाची एन्ट्री! कोण आहेत देवेंद्र सिंह चपलोत?