पासवर्डची गरज संपणार! हृदयाचे ठोके आणि श्वासावरून फोन अनलॉक होणार, वैज्ञानिकांनी शोधले नवे तंत्रज्ञान

स्मार्टफोन अनलॉक करण्यासाठी पासवर्ड, पिन किंवा फिंगरप्रिंट लक्षात ठेवण्याची गरज भविष्यात कमी होऊ शकते. कारण वैज्ञानिकांनी विकसित केलेले वाइटल आईडी तंत्रज्ञान आता एक मोठा बदल घडवणार आहे.

• ‘वाइटल आईडी’ नावाचे नवीन तंत्रज्ञान हृदयाचे ठोके आणि श्वासाच्या हालचालींवरून युजरची ओळख पटवते.
• या सिस्टीमला नवीन हार्डवेअरची गरज नाही, विद्यमान मोशन सेंसर्सच्याच मदतीने ती काम करते.
• चाचण्यांमध्ये 95% पेक्षा जास्त अचूकता आणि 98% पेक्षा जास्त अनऑथराइज्ड एक्सेस ब्लॉक करण्यात यश मिळाले.

आजच्या काळात तंत्रज्ञान प्रचंड प्रगत झाले आहे. प्रत्येक क्षेत्रात तंत्रज्ञानाचा वापर केला जात आहे. आपण आपल्या रोजच्या जीवनात देखील वेगवेगळ्या वस्तूंचा वापर करतो, ज्या तंत्रज्ञानावर आधारित आहे. उदाहरणार्थ आपण रोजच्या जीवनात स्मार्टफोन वापरतो. सकाळी उठल्यापासून रात्री झोपेपर्यंत सतत स्मार्टफोन आपल्या हातात असतो. एखाद्या व्यक्तीला मेसेज करण्यापासून ऑनलाईन शॉपिंग करण्यापर्यंत स्मार्टफोनद्वारे आपण आपली अनेक कामं अगदी सहज पूर्ण करू शकतो. पूर्वीपेक्षा आज स्मार्टफोनमध्ये खूप जास्त प्रगती झाली आहे. स्मार्टफोन अ‍ॅडव्हान्स झाले आहेत. हेच स्मार्टफोन अधिक प्रगत व्हावेत यासाठी वैज्ञानिक सतत प्रयत्न करत असतात.

देशी कंपनीने केली कमाल! केवळ 7,399 रुपयांत लाँच केला नवा स्मार्टफोन; 5,000mAh बॅटरी आणि ऑक्टा-कोर प्रोसेसरने सुसज्ज

स्मार्टफोन किंवा इतर उपकरणांसाठी आता तुम्हाला पासवर्ड, पिन किंवा बायोमेट्रिक लॉक लक्षात ठेवण्याची गरज भासणार नाही. शास्त्रज्ञांनी अशा एका नवीन लॉग-इन तंत्रज्ञानाचा शोध लावला आहे, जे तुमच्या हृदयाचे ठोके आणि श्वासाच्या हालचालींवरून तुमचा डिव्हाइस लॉक किंवा अनलॉक करू शकेल. या तंत्रज्ञानाला ‘व्हायटल आयडी’ असे नाव देण्यात आले आहे.  (फोटो सौजन्य – AI Created)

कसे काम करते हे तंत्रज्ञान?

हे तंत्रज्ञान मानवी श्वासोच्छास आणि हृदयाच्या ठोक्यांमुळे निर्माण होणाऱ्या सूक्ष्म कंपनांचा वापर करते. ही कंपने मानेद्वारे मेंदूपर्यंत पोहोचतात. प्रत्येक व्यक्तीच्या हाडांची रचना आणि टीश्यू वेगळ्या असतात, त्यामुळे या कंपनांची पद्धतही प्रत्येकासाठी वेगळी असते. यामुळेच हे तंत्रज्ञान अत्यंत सुरक्षित मानले जात आहे. विशेष म्हणजे, यासाठी फोनमध्ये कोणत्याही नवीन हार्डवेअरची गरज नाही. सध्याच्या प्रीमियम फोन्समध्ये असलेल्या मोशन सेन्सर्सच्या साहाय्याने हे सॉफ्टवेअर काम करू शकते. ‘२०२५ एसीएम कॉन्फरन्स ऑन कॉम्प्युटर अँड कम्युनिकेशन्स सिक्युरिटी’ मध्ये हे तंत्रज्ञान सादर करण्यात आले होते. भविष्यात विविध अ‍ॅप्स, वेबसाइट्स आणि पेमेंट सिस्टीममध्ये लॉग-इन करण्याची पद्धत यामुळे पूर्णपणे बदलून जाईल.

Tech Tips: आयफोनवरून अँड्रॉईडमध्ये WhatsApp चॅट्स ट्रान्सफर करायच्या? चिंता सोडा अन् फॉलो करा ही सोपी प्रोसेस

संशोधनातील महत्त्वाचे निष्कर्ष

न्यूजर्सी इन्स्टिट्यूट ऑफ टेक्नॉलॉजी, टेम्पल युनिव्हर्सिटी आणि टेक्सास ए अँड एम युनिव्हर्सिटीच्या संशोधकांनी हा शोध लावला आहे. १० महिन्यांच्या चाचणीत ५२ सहभागी व्यक्तीवर ‘एक्सआर हेडसेटचा वापर करण्यात आला. यात सिस्टीमने ९५ टक्क्यांहून अधिक वेळा योग्य युजरची ओळख पटवली. ९८ टक्क्यांहून अधिक प्रकरणांमध्ये अनधिकृत युजर्सना प्रवेश नाकारण्यात आला. संशोधकांनी एक ‘फिल्टरिंग सिस्टीम’ तयार केली आहे, जी डोक्याची हालचाल किंवा जागा बदलल्यामुळे निर्माण होणारे अडथळे दूर करून केवळ हृदयाचे ठोके आणि श्वासावर लक्ष केंद्रित करते.