15 हजारांहून कमी किंमतीत नवा Redmi स्मार्टफोन लाँच! दमदार बॅटरी आणि 120Hz डिस्प्ले करणार कमाल, डिझाईन एकदा पाहाच

Redmi A7 Pro 5G Launched:नवीन डिव्हाईस लेटेस्ट अँड्रॉईड 16-बेस्ड HyperOS 3 वर आधारित आहे. कंपनीने लाँच केलेल्या नव्या डिव्हाईसची किंमत आणि फीचर्स सविस्तर जाणून घेऊया. तसेच यामध्ये 4GB पर्यंत रॅम सपोर्ट मिळणार आहे.

• Redmi A7 Pro 5G लाँच – ₹11,499 पासून किंमत, 15 एप्रिलपासून Flipkart आणि Mi Store वर विक्री
• दमदार फीचर्स बजेटमध्ये – 6.9-इंच डिस्प्ले, 120Hz रिफ्रेश रेट आणि Unisoc T8300 प्रोसेसर
• पॉवरफुल बॅटरी आणि AI सपोर्ट – 6300mAh बॅटरी, 32MP कॅमेरा आणि Google AI फीचर्स

Redmi Smartphone Launched: टेक कंपनी रेडमीने आज 13 एप्रिल रोजी भारतात Redmi A7 Pro 5G हा नवा स्मार्टफोन लाँच केला आहे. कंपनीने लाँच केलेल्या नवीन स्मार्टफोनची किंमत 15 हजार रुपयांहून कमी आहे. तसेच या स्मार्टफोनमध्ये अनेक दमदार फीचर्स देण्यात आले आहे. कंपनीने त्यांच्या वेबसाईटवर या स्मार्टफोनचे पोस्टर शेअर केले आहे. किंग ऑफ पावर अँड स्टाईल या टॅगलाईनसह नव्या स्मार्टफोनचे पोस्टर शेअर करण्यात आले आहे. कंपनीने यापूर्वीच काही निवडक ग्लोबल मार्केटमध्ये हा स्मार्टफोन लाँच केला होता. रेडमीने लाँच केलेल्या नव्या हँडसेटमध्ये 6.9-इंच HD+ LCD स्क्रीन आणि 120Hz पर्यंत रिफ्रेश रेट सपोर्ट मिळणार आहे. तसेच हे डिव्हाईस ऑक्टा-कोर युनिसॉक चिपसेटने देखील सुसज्ज आहे.

अखेर तो क्षण आलाच! नव्या स्मार्टफोनसह Infinix चा भारतात धमाका; पावरफुल स्नॅपड्रॅगन प्रोसेसरसह मिळणार हे खास फीचर्स

Redmi A7 Pro 5G ची किंमत आणि उपलब्धता

Redmi A7 Pro 5G स्मार्टफोन 2 स्टोरेज व्हेरिअंटमध्ये लाँच करण्यात आला आहे. ज्यामध्ये 64GB आणि 128GB यांचा समावेश आहे. डिव्हाईसच्या 4GB रॅम आणि 64GB इंटरनल स्टोरेज व्हेरिअंटची किंमत 11,499 रुपये आहे. तसेच या डिव्हाईसच्या 128GB व्हेरिअंटची किंमत 12,499 रुपये ठेवण्यात आली आहे. ग्राहक हा स्मार्टफोन ब्लॅक, मिस्ट ब्लू आणि सनसेट ऑरेंज कलर ऑप्शनमध्ये खरेदी करू शकणार आहेत. फोनची विक्री 15 एप्रिल रोजी ई कॉमर्स प्लॅटफॉर्म फ्लिपकार्ट आणि शाओमीच्या ऑनलाईन स्टोअरवर सुरु होणार आहे. (फोटो सौजन्य – Redmi)

Redmi A7 Pro 5G चे स्पेसिफिकेशन्स आणि फीचर्स

स्पेसिफिकेशन्सबद्दल बोलायचं झालं तर, Redmi च्या नव्या हँडसेटमध्ये 6.9-इंच HD+ LCD स्क्रीन दिली आहे. तसेच या डिव्हाईसमध्ये 120Hz पर्यंत रिफ्रेश रेट सपोर्ट देखील मिळणार आहे. नुकत्याच लाँच करण्यात आलेल्या रेडमी डिव्हाईसमध्ये 800 निट्सपर्यंत पीक ब्राइटनेस देखील दिली आहे. तसेच या डिव्हाईसमध्ये

अँड्रॉईड 16-बेस्ड हायपर ओएस 3 दिला आहे. कंपनीने दावा केला आहे की, या स्मार्टफोनला 4 वर्षांपर्यंत अँड्रॉईड आणि 6 वर्षांपर्यंत सिक्योरिटी पॅच मिळणार आहे. परफॉर्मंससाठी या डिव्हाईसमध्ये 6nm ऑक्टा-कोर युनिसॉक T8300 प्रोसेसर दिला आहे. तसेच कंपनीच्या या स्मार्टफोनमध्ये 4GB एलपीडीडीआर4एक्स रॅम आणि 128GB पर्यंत UFS 2.2 इंटरनल स्टोरेज देखील मिळणार आहे. हँडसेटमध्ये जेमिनी आणि गुगलचे सर्कल टू सर्चसारखे काही AI फीचर्स देखील देण्यात आले आहेत.

Xiaomi Fan Festival: ग्राहकांनोsss घाई करा! स्मार्टफोन स्वस्तात खरेदी करण्याची शेवटची संधी, अशा आहेत ऑफर्स

फोटोग्राफीसाठी, या डिव्हाइसमध्ये ड्युअल रियर कॅमेरा सेटअप आहे, ज्यामध्ये f/2.0 अपर्चर असलेला 32-मेगापिक्सलचा प्रायमरी कॅमेरा आणि एक सेकंडरी कॅमेरा आहे. समोरच्या बाजूला, फोनमध्ये 8-मेगापिक्सलचा फ्रंट कॅमेरा आहे. याव्यतिरिक्त, फोनमध्ये 15W वायर्ड चार्जिंग सपोर्टसह मोठी 6,300mAh बॅटरी आहे.