सार्वजनिक WI-FI चा वापर करत असाल तर आत्ताच सावध व्हा! सरकारने जारी केला अलर्ट

आपला इंटरनेट डेटा संपवण्यापेक्षा अनेक लोकं फ्री WI-FI वापरण्याला प्राधान्य देतात. रेल्वे स्टेशन, बस स्टॉप किंवा मॉल अशा अनेक ठिकाणी सार्वजनिक WI-FI लावले जातात. काही लोकं तासंतास हा फ्रीचा सार्वजनिक WI-FI आपल्या फोनला कनेक्ट करून ठेवतात. पण हा फ्रीचा सार्वजनिक WI-FI तुमच्या फोनसाठी धोकादायक ठरू शकतो. सार्वजनिक WI-FI तुमच्या फोनला कनेक्ट केल्यास तुमचा फोन हॅक देखील होऊ शकतो.

फोटो सौजन्य - pinterest

Follow Us:

Follow Us:

फ्री WI-FI वापरणं कोणाला नाही आवडत? आपला इंटरनेट डेटा संपवण्यापेक्षा अनेक लोकं फ्री WI-FI वापरण्याला प्राधान्य देतात. रेल्वे स्टेशन, बस स्टॉप किंवा मॉल अशा अनेक ठिकाणी सार्वजनिक WI-FI लावले जातात. आपल्याला नेटवर्क नसेल किंवा आपल्या फोनमधील रिचार्ज संपला असेल तर बऱ्याचदा आपण या WI-FI ला कनेक्ट करतो. WI-FI मुळे आपली अनेक कामं अगदी सहज होतात. इतकंच काय तर ह्या WI-FI वर आपण युट्यूब व्हिडीओ किंवा इंस्टाग्रामच्या रिल्स देखील पाहू शकतो.

हेदेखील वाचा- Jio ने 1799 च्या किंमतीत लाँच केला UPI सपोर्ट आणि मोठी स्क्रीन असलेला फोन

काही लोकं तासंतास हा फ्रीचा सार्वजनिक WI-FI आपल्या फोनला कनेक्ट करून ठेवतात. पण हा फ्रीचा सार्वजनिक WI-FI तुमच्या फोनसाठी धोकादायक ठरू शकतो. सार्वजनिक WI-FI तुमच्या फोनला कनेक्ट केल्यास तुमचा फोन हॅक देखील होऊ शकतो. तुमच्या फोनमधील डेटा अगदी सहज हॅकर्सपर्यंत पोहोचतो. सार्वजनिक ठिकाणी लावण्यात आलेल्या WI-FI वर नेहमीच हॅकर्सचे लक्ष असते. हॅकर्स सार्वजनिक WI-FI च्या मदतीने लोकांचे फोन हॅक करू शकतात. सार्वजनिक ठिकाणी WI-FI वापरणाऱ्या युजर्सना माहितीही नसते आणि हॅकर्स त्यांच्या डिव्हाइसमधून त्यांचा वैयक्तिक आणि महत्त्वाचा डेटा चोरतात.

हेदेखील वाचा- लवकरच लाँच होणार आहे Xiaomi 14 Civi Limited Edition! पांडाप्रेमींसाठी असेल खास डिझाईन

याबाबत आता इलेक्ट्रॉनिक्स आणि माहिती तंत्रज्ञान मंत्रालयाने लोकांना सार्वजनिक WI-FI वापरताना सावधगिरी बाळगण्याचा इशारा दिला आहे. मंत्रालयाच्या वतीने, कॉम्प्युटर इमर्जन्सी रिस्पॉन्स टीम (CERT-In) ने सार्वजनिक WI-FI चा वापर करणाऱ्यांसाठी काही टीप्स शेअर केल्या आहेत. या टिप्स लक्षात ठेवून, तुम्ही स्वतःला आणि तुमचे डिव्हाइस हॅकर्सपासून सुरक्षित ठेवू शकता. याबाबत CERT-In ने एक पोस्ट केली आहे.

CERT-In ने शेअर केलेल्या टीप्स-

• नेहमी लक्षात ठेवा की, तुमचे डिव्हाइस सार्वजनिक WI-FI शी कनेक्ट करण्यापूर्वी, नेटवर्कचं नाव आणि तेथील कर्मचाऱ्यांकडून
  संबंधित WI-FI सोबत लॉग-इन करण्याची योग्य पद्धत जाणून घ्या.
• सार्वजनिक WI-FI वापरताना कधीही ऑनलाइन शॉपिंग, बँकिंग किंवा कोणतीही संवेदनशील ॲक्टिव्हिटी करू नका.
• ऑनलाइन शॉपिंग आणि बँकिंगसाठी, नेहमी लक्षात ठेवा की फक्त त्याच साइट वापरा ज्या http:// ने सुरू होतात.
• काही महत्त्वाचे काम असल्याशिवाय सार्वजनिक WI-FI चा वापर करणं टाळा.
• तुमचं काम पूर्ण होताच तुमच्या डिव्हाइसवरून सार्वजनिक WI-FI ताबडतोब डिस्कनेक्ट करा.
• तुमच्या डिव्हाइसमध्ये OS आणि अँटी-व्हायरस नेहमी अपडेट ठेवा. ज्यामुळे तुमच्या फोनचं हॅकर्सपासून संरक्षण होण्यासाठी मदत होईल.
• मोबाइल हॉटस्पॉट आणि होम WI-FI नेटवर्कसाठी मजबूत पासवर्ड वापरा.
• तुमच्या डिव्हाइसमध्ये ऑटोकनेक्ट पर्याय नेहमी बंद ठेवा.
• तुमची ऑनलाईन फसवूणक झाली असल्यास किंवा कोणत्याही प्रकारचा सायबर गुन्हा घडल्यास तुम्ही @cert-in.org.in वर तुमची तक्रार नोंदवू शकता.
• याशिवाय यूजर्स 1930 वर कॉल करून त्यांची तक्रार नोंदवू शकतात.

Web Title: The government has issued a warning on using public wifi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com