UPI वापरण्यापूर्वी या गोष्टी लक्षात ठेवा, नाहीतर तुमच्यासोबतही होऊ शकतो स्कॅम, कधीही करू नका ही चूक

जसजशी UPI पेमेंटची संख्या झपाट्याने वाढली आहे, त्याच प्रकारे UPI स्कॅम्स देखील वाढू लागले आहेत.तुम्ही केलेली एक चूक तुम्हाला महागात पडू शकते. अशा परिस्थितीत काही गोष्टी ध्यानात ठेवून तुम्ही फसवणुकीपासून वाचू शकता.

Follow Us:

Follow Us:

भारतात UPI सर्वाधिक वापरले जाते. NPCI च्या म्हणण्यानुसार, UPI पेमेंट करणाऱ्या लोकांच्या संख्येत तसेच त्याद्वारे केलेल्या पेमेंटच्या संख्येत आता विक्रमी वाढ झाली आहे. डिजिटल पेमेंट करणारे बहुतांश युजर्स UPI ला प्राधान्य देत आहेत. त्याच्या लोकप्रियतेमुळे यूपीआयशी संबंधित अनेक घोटाळेही समोर येत आहेत. हा घोटाळे केवळ सामान्य युजर्ससोबतच केले जात नाही, तर स्कॅमर्स व्यापाऱ्यांची म्हणजेच UPI पेमेंट स्वीकारणाऱ्यांचीही फसवणूक करत आहेत. ही बाब फार चिंताजनक असून आज आम्ही तुम्हाला युपीआय स्कॅम्सपासून आपल्याला सुरक्षित कसं करायचं यासाठीच्या काही टिप्स सांगणार आहोत.

काही गोष्टींची वेळीच काळजी घेतली नाही तर हॅकर्स तुमची मोठी फसवणूक करू शकतात. डिजिटल कनेक्टिव्हिटी आणि स्मार्टफोनचा वापर वाढल्याने गेल्या काही वर्षांत ऑनलाइन पेमेंट करण्याची पसंती पूर्णपणे बदलली आहे. ऑनलाइन पेमेंटच्या वाढत्या संख्येमुळे डिजिटल फसवणुकीतही तुफान वाढ झाली आहे.

अशाप्रकारे केली जात आहे फसवणूक

अलीकडच्या काळात उघडकीस आलेली प्रकरणे पाहिल्यास, स्कॅमर UPI व्यवहार इंटरफेससह बनावट ॲप्स वापरत आहेत. हे इंटरफेस इतके वास्तविक दिसतात की आपण चुका देखील करू शकता. यामध्ये बनावट ट्रानजॅक्शन दाखवून मर्चंट्सची फसवणूक केली जाते. याशिवाय स्कॅमर ऑटोपे फीचर आणि क्यूआर कोड रिप्लेसमेंट सारख्या पद्धतींचा अवलंब करत आहेत. तथापि आम्ही तुम्हाला सांगतो की, आपण घेतलेली दक्षता आपल्याला अशा घोटाळ्यांपासून वाचवू शकते.

या गोष्टी ध्यानात असूद्यात

• तुमच्यासोबत अशा प्रकारची फसवणूक होऊ नये यासाठी तुम्हाला UPI ॲपमधील प्रत्येक ट्रानजॅक्शनचे
• व्हेरिफिकेशन करावे लागेल. कोणीतरी तुम्हाला UPI द्वारे पैसे देताच, UPI ॲप ओपन करा आणि तो ट्रानजॅक्शन तपासा
• याशिवाय तुम्हाला तुमचे बँक अकाउंटदेखील नियमितपणे तपासावे लागेल. तुम्हाला प्रत्येक ट्रानजॅक्शन बँक स्टेटमेंटशी जुळवावा लागेल. असे केल्याने तुमच्यासोबत झालेली कोणतीही फसवणूक ट्रॅक केली जाईल
• तुम्ही UPI मर्चंट असाल तर तुम्ही तुमचा QR कोड स्कॅनर खुल्या भागात ठेवू नये. ते खुल्या भागात ठेवल्यामुळे, घोटाळे करणारे त्यात छेडछाड करू शकतात आणि त्यांच्या खात्याचा QR स्कॅनर ठेवू शकतात. यामुळे, प्रत्येक UPI पेमेंट स्कॅमरच्या खात्यात जाईल
• याशिवाय आणखी एक महत्त्वाची गोष्ट म्हणजे तुमच्याकडे कमीत कमी UPI ​​अकाउंट्स ठेवावे लागतील. असे केल्याने तुम्हाला व्यवहाराचे व्हेरिफिकेशन करण्यात कोणतीही अडचण येणार नाही
• एकाधिक UPI अकाउंट्स असल्यामुळे, ट्रानजॅक्शन ट्रॅक करण्यात अडचण निर्माण होऊ शकतात

Web Title: Upi scam merchants needs to be careful about these things check details

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com