शनिवार, 24 ऑक्टोबर 2026
मुंबई : रेस्टॉरंट्समध्ये (Restaurants) जेवणासह (Meals) ग्राहकांना सर्वोत्तम सेवा (Best Service To Customers) देण्याचा वेटर्सचा (Waiters) प्रयत्न असतो. याकरिता दिवसभर रेस्टॉरंटमध्ये अनेक ग्राहकांसाठी खाण्यापिण्याचे ट्रे घेऊन ते धावत असतात.
वेटर दररोज रेस्टॉरंटमध्ये सरासरी ५-७ किमी चालत स्वयंपाकघरात आणि ग्राहकांच्या टेबलवर अनेकदा जा-ये करत असतात. यात त्यांचा बराचसा वेळ खर्ची पडतो. या समस्येचे निराकरण करण्यासाठी, अत्याधुनिक पीओएस (पॉइंट ऑफ सेल) सॉफ्टवेअर पासून ते रेस्टॉरंट बिलिंग, इन्व्हेंटरी, ऑनलाइन ऑर्डर, मेनू आणि ग्राहक व्यवस्थापन करणाऱ्या पेटपूजा या नव्या पिढीतील रेस्टॉरंट व्यवस्थापन मंचाने वेटर कॉलिंग उपकरण लाँच केले आहे. हे एक साधे आणि किफायतशीर असे तंत्रज्ञान असून ते वेटर्सची मेहनत, धावपळ कमी करून त्यांचे काम अधिक सोपे करते.
प्रत्येक ग्राहकाच्या टेबलवर ठेवलेले पेटपूजाचे हे एक छोटे, वायरलेस वेटर कॉलिंग उपकरण ग्राहकांना वेटरला कॉल करण्यास किंवा बिलाची विनंती करण्यास किंवा बटण दाबल्यावर पाणी मागण्याची परवानगी देते. प्रत्येकवेळी बटण दाबून विनंती करताना त्या बटणातून एक विशिष्ट प्रकारचा दिवा पेटतो, जो उपकरणाला एक स्टायलिश लुक देतो आणि कर्मचाऱ्यांना ग्राहकाच्या विनंतीचा दृष्यदृष्ट्या अर्थ लावणे देखील सोपे करते.
[read_also content=”पेटीएमची IRCTC च्या सहयोगाने डिजिटल तिकिटिंग सेवा; रेल्वे स्टेशन्सवरील एटीव्हीएमवर पेटीएम क्यूआरची सुविधा https://www.navarashtra.com/technology/paytms-digital-ticketing-service-in-association-with-irctc-paytm-qr-facility-on-atvms-at-railway-stations-nrvb-248676.html”]
एकदा ग्राहकाने विनंती केल्यावर, पेटपूजाच्या पीओएस तसेच वेटरच्या ॲपवर (कॅप्टन ॲप) एक सूचना सूचना तयार केली जाते. ही सूचना वेटर्सना विशिष्ट टेबलच्या गरजांबद्दल माहिती देते, जे त्यांना ग्राहकांच्या टेबलवर असंख्य फेऱ्या मारण्याऐवजी त्यांच्या विनंत्या जाणून घेण्यासाठी विविध कामे पूर्ण करण्यास सक्षम करते. पेटपूजाने टीव्ही-आधारित ॲप देखील आणले आहे जे टीव्ही स्क्रीनवर कोणत्या टेबलची सेवा आवश्यक आहे हे प्रदर्शित करते . जे कोणत्याही वेटरला ते टेबल सेवा देण्यास परवानगी देते.
पेटपूजाच्या वृद्धी विभागाचे उपाध्यक्ष शैवल देसाई सांगतात, “वेटर्स, विशेषत: मोठ्या, व्यस्त रेस्टॉरंट्समध्ये, ग्राहकांच्या टेबलवरील ऑर्डरची पूर्तता करण्यासाठी दिवसभर धावपळ करून शेवटी थकतात. विशेषतः रेस्टॉरंटमध्ये गर्दीच्या वेळी ग्राहकांनाही बऱ्याचदा प्रतीक्षा करत थांबावे लागते. कोविडचा प्रादुर्भाव कमी होत असून रेस्टॉरंट्स गर्दीने गजबजत आहेत. कारण ग्राहकांना जेवणाचा परिपूर्ण अनुभव घ्यायचा आहे. आमचे नवीन वेटर कॉलिंग डिव्हाइस ग्राहकांना सेवा देण्यासाठी वाढीव कार्यक्षमता सुनिश्चित करेल. कारण ते वेटरना ग्राहकांच्या विनंतीबद्दल त्वरित सूचित करते आणि ग्राहक सेवा प्रक्रिया अधिक सुरळीत करते. रेस्टॉरंट्समध्ये प्रतीक्षा करण्याची वेळ घेणारी आणि कठीण प्रक्रिया सुव्यवस्थित करण्यात डब्ल्यूडीसी मदत करते. उपकरण लहान आणि स्टायलिश आहेत आणि आधीच अनेक रेस्टॉरंटमध्ये सज्ज ठेवण्यात आली आहेत. डब्ल्यूडीसीला रेस्टॉरंट्स आणि त्यांच्या ग्राहकांकडून सकारात्मक प्रतिसाद मिळाला आहे. यामुळे ग्राहक सेवा जलद मिळते आणि रेस्टॉरंटसाठी हा एक मोठा बदल असल्याचे सिद्ध होत आहे. रेस्टॉरंट्सना त्यांच्या कामकाजात सुधारणा करून अधिक सक्षम होण्यासाठी आम्ही उपकरणांचे उत्पादन आणि वितरण वाढवत आहोत.”
[read_also content=”एसर ने निरोगी जीवाणू मुक्त वातावरणासाठी ओझोन अँटीबॅक्टेरियल सॅनिटायझर लाँच केले https://www.navarashtra.com/technology/acer-launches-ozone-antibacterial-sanitizer-for-a-healthy-bacteria-free-environment-nrvb-248650.html”]
आजपर्यंत १,५०० हून अधिक उपकरणांची निर्मिती आणि वितरण केल्यानंतर पेटपूजा उत्पादन वाढवण्याच्या मार्गावर आहे आणि पुढील महिन्यात किमान २,००० उपकरणे वितरित करण्याची योजना आखत आहे. मंचाने यासाठी एका नामांकित निर्मात्याशी भागीदारी केली आहे. प्रत्येकी ७५० रुपये किंमत असलेले हे उपकरण परवडणारे आहे आणि यम यमचा, बर्कोस, इंडियन समर यांसारख्या प्रसिद्ध रेस्टॉरंटमध्ये आधीच देण्यात आली आहे. होक्को आणि बीअर कॅफे येथे प्रायोगिक टप्प्यात आहेत.
