सावधान! केवळ 2 आठवड्यांत बंद होऊ शकतं तुमचं X अकाऊंट, आत्ताच करा हे महत्त्वाचं काम नाहीतर…

2FA, किंवा टूॅ फॅक्टर ऑथेंटिकेशन, तुमच्या अकाउंटची सुरक्षा दुप्पट करते. ते तुमच्या पासवर्डच्या पलीकडे सुरक्षेचा आणखी एक स्तर जोडते, ज्यामुळे हॅकर्स किंवा सायबर गुन्हेगारांना तुमच्या खात्यात प्रवेश मिळवणे अत्यंत कठीण होते

सावधान! केवळ 2 आठवड्यांत बंद होऊ शकतं तुमचं X अकाऊंट, आत्ताच करा हे महत्त्वाचं काम नाहीतर...

Follow Us:

Follow Us:

एलन मस्कच्या मालकीच्या सोशल मीडिया प्लॅटफॉर्म एक्सने एक मोठी घोषणा केली आहे. कंपनीने घोषणा केली आहे की, 10 नोव्हेंबरपासून Twitter.com डोमेन बंद केला जाणार आहे, म्हणजेच आता सर्व सेवा X.com डोमेनवर शिफ्ट केली जाणार आहेत. तथापी जास्त युजर्सवर याचा थेट परिणाम होणार नाही. मात्र काही अंकाऊंट्स असे आहेत ज्यांनी वेळीच योग्य पाऊलं उचलणं गरजेचं आहे, अन्यथा हे अकाऊंट लॉक होऊ शकतात.

iPhone 18 Pro आणि iPhone 17e मॉडेलचे डिझाईन कसं असणार? समोर आली माहिती, जाणून घ्या सविस्तर

कोणत्या युजर्सवर होणार परिणाम?

X Safety टीमने त्यांच्या अधिकृत अकाऊंटवरून सांगितलं आहे की, ज्या युजर्सनी टू-फॅक्टर ऑथेंटिकेशन (2FA) साठी हार्डवेयर सिक्योरिटी की किंवा पासकी चा वापर केला आहे, त्यांना 10 नोव्हेंबरपूर्वी त्यांची सिक्योरिटी X.com डोमेनवर पुन्हा एकदा रजिस्टर करावी लागणार आहे. जर युजर्सनी असं केलं नाही तर त्यांचं अकाऊंट एक्सेस बंद केला जाणार आहे आणि युजर्स पुन्हा लॉगिन करू शकणार नाहीत.  (फोटो सौजन्य – Pinterest) 

कंपनीने काय सांगितलं

X ने स्पष्ट केलं आहे की, हा बदल कोणत्याही सुरक्षेशीसंबंधित धोक्याबाबत नाही तर हे एक टेक्निकल अपडेट आहे. सध्या सिक्योरिटी कीज ट्विटर डॉट कॉम (twitter.com) डोमेनसोबत जोडलेली आहेत. यांना X डॉट कॉम (x.com) सोबत जोडण्यासाठी री-एनरोल करणं गरजेचं आहे, ज्यामुळे आम्ही जुने डोमेन बंद करू.

जर कोणत्या युजरने 10 नोव्हेंबरपर्यंत त्यांची सिक्योरिटी री-एनरोल केली नाही तर त्यांचे अकाऊंट लॉक होणार आहे. जोपर्यंत युजर त्यांची सिक्योरिटी पुन्हा रजिस्टर करत नाही, वेगळी 2FA पद्धत निवडत नाही किंवा 2FA पूर्णपणे बंद करत नाही (जरी कंपनी 2FA चालू ठेवण्याची शिफारस करते).

अशा प्रकारे सुरु ठेऊ शकता तुमचं एक्स अकाऊंट

• जर तुम्हाला X च्या या नवीन पॉलिसीचा त्रास होत असेल, तर खाली दिलेल्या स्टेप्स फॉलो करा.
• X.com वेबसाईट किंवा अ‍ॅप ओपन करा
• Settings मध्ये जा
• Privacy & Security सेक्शन ओपन करा
• Account Access → Security → Two-Factor Authentication वर टॅप करा
• आता उपलब्ध असलेल्या सिक्योरिटी कीला री-एनरोल करा किंवा नवीन रजिस्टर करा

Gmail Data Leak: 183 मिलियन ईमेल पासवर्ड्स लीक! हॅकर्सपासून कसं सुरक्षित ठेवाल तुमचं अकाऊंट? आत्ताच फॉलो करा या Tech Tips

एलन मस्क आणि X.com चा जुना संबंध

एलन मस्क ने 2023 च्या शेवटी Twitter ची खरेदी केली आणि त्यानंतर त्याचं नाव बदलून एक्स असं केलं होतं. खरंतर, मस्कचे X.com शी जुने भावनिक नाते आहे. त्याने 1999 मध्ये X.com नाावाची एक फिनटेक कंपनी सुरु केली होती, नंतर या कंपनीचे नाव PayPal करण्यात आले.

Web Title: Your x account can logout in just two weeks do this important work now tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com