Tech Tips: YouTube Shorts पाहून कंटाळलात? एका सेटिंगने बंद करा Shorts Feed, आत्ताच फॉलो करा या सोप्या स्टेप्स

YouTube Shorts: युट्यूबवरील शॉर्ट्स व्हिडीओ पाहताना वेळ कसा निघून जातो आपल्याला देखील समजत नाही. पण शॉर्ट्स व्हिडीओ स्क्रोल करताना आपण आपली इतर कामं विसरतो. अनेक यूजर्सना या समस्येचा सामना करावा लागतो. यूजर्सच्या याच समस्येवर युट्यूबवर एक फीचर उपलब्ध आहे.

• YouTube च्या टाईम मॅनेजमेंट फीचरमध्ये शॉर्ट्स फीड लिमिट शून्य मिनिटांवर सेट करून होम पेजवरील शॉर्ट्सच्या शिफारसी कमी करता येतात.
• ही सेटिंग सुरू केल्यानंतरही सर्च, सब्सक्रिप्शन किंवा थेट लिंकद्वारे शॉर्ट्स पाहता येतात.
• अँड्रॉईड आणि आयफोन दोन्हीवर ही सेटिंग वापरून अनावश्यक शॉर्ट्स स्क्रोलिंग आणि स्क्रीन टाइमवर नियंत्रण ठेवता येते.

व्हिडीओ स्ट्रिमिंग प्लॅटफॉर्म युट्युबवर आपण वेगवेगळ्या प्रकारचे व्हिडीओ पाहू शकतो. कुकिंग, शिक्षण, क्राफ्ट, कॉमेडी असे विविध व्हिडीओ युट्यूबवर अपलोड केले जातात. या मोठ्या व्हिडीओसोबतच युट्युबवरील शॉर्ट व्हिडीओची क्रेझ देखील मोठ्या प्रमाणात आहे. एकदा युट्यूबवर शॉर्ट व्हिडीओ बघायला सुरुवात केली की, आपण तासंतास स्क्रोल करत बसतो आणि वेळ कशी निघून जाते आपल्याला समजत देखील नाही. यामुळे आपली इतर कामं अपूर्ण राहतात. यूजर्सची हीच समस्या सोडवण्यासाठी युट्यूब त्यांच्या यूजर्सना टाईम मॅनेजमेंट नावाचे एक फीचर ऑफर करते. हे फीचर आयफोन आणि अँड्रॉईड दोन्ही यूजर्ससाठी उपलब्ध आहे. युट्यूबवरील टाईम मॅनेजमेंट फीचर कसे काम करते आणि यूजर्स त्याचा वापर कशा पद्धतीने करू शकतात, याबाबत आता जाणून घेऊया.

5G नेटवर्कबाबत केंद्र सरकारचा मोठा निर्णय! टॉवरची EMF मर्यादा होणार दुप्पट; आता एकाच टॉवरमधून मिळणार अधिक कव्हरेज

टाईम मॅनेजमेंट फीचर

टाईम मॅनेजमेंट फीचर यूजर्सना शॉर्ट्स फीड लिमिट शुन्य करण्याचा पर्याय ऑफर करते. यामुळे यूजर्स अखंड शॉर्ट्स फीडवर नियंत्रण ठेऊ शकतात. युट्यूबरील टाईम मॅनेजमेंट फीचरमुळे यूजर्सना स्क्रीन टाईम कमी करण्याचा आणि विनाकारण स्क्रोलिंगपासून सुटका मिळवण्याचा पर्याय मिळतो. तसेच, यूजर्स जेव्हा ही सेटिंग ऑन करतात तेव्हा त्यांना होम पेजवर शॉर्ट्स फीड दिसणार आहे. यामुळे तुमचे लक्ष शॉर्ट्स व्हिडीओकडे आकर्षित होणार नाही आणि तुम्ही विनाकारण स्क्रोलिंग थांबवू शकता.  (फोटो सौजन्य: Pinterest) 

युट्यब शॉर्ट व्हिडीओ

हे फीचर चालू केल्यानंतर तुम्हाला युट्यबवर शॉर्ट व्हिडीओ दिसणं पूर्णपणे बंद होणर नाही. युजर्स युट्यूब सर्च रिझल्ट पेजवर आणि सब्सक्रिप्शन फीडमध्ये शॉर्ट व्हिडीओ पाहू शकतात. तसेच शॉर्ट व्हिडीओच्या लिंकवर क्लिक करून देखील यूजर्स शॉर्ट व्हिडीओ पाहू शकणार आहेत. याचा अर्थ असा आहे की, टाईम मॅनेजमेंट फीचर चालू केल्यानंतर देखील यूजर्सना शॉर्ट व्हिडीओ पाहण्याची इच्छा असेल तर पाहू शकतात.

Apple Maps मध्ये मोठा बदल! भारतात आले ‘Transit’ फीचर, आता बस-ट्रेनचा प्रवास होणार सोपा

युट्यबवरील शॉर्ट व्हिडीओ बंद करण्यासाठी फॉलो करा या स्टेप्स

• सर्वात आधी तुमच्या स्मार्टफोनमध्ये युट्यूब ॲप ओपन करा.
• वरच्या बाजूला दिसणाऱ्या प्रोफाईल फोटोवर क्लिक करा.
• आता सेटिंग पर्याय निवडा आणि टाईम मॅनेजमेंट ऑप्शनवर क्लिक करा.
• आता खाली स्क्रोल करा आणि डेली लिमिट सेक्शनवर क्लिक करा.
• या पर्यायामध्ये, तुम्हाला ‘शॉर्ट्स फीड लिमिट’ चालू करायचा आहे आणि टायमर शून्य मिनिटांवर सेट करायचा आहे.

हे सेटिंग चालू केल्याने आणि टायमर शून्य मिनिटांवर सेट केल्याने युट्यबवरील ‘एंडलेस शॉर्ट्स फीड’ बंद होते. परिणामी, वापरकर्त्यांना युट्यबच्या होम पेजवर यापुढे शॉर्ट्स व्हिडिओंच्या शिफारसी दिसणार नाहीत.