भारतातील ‘या’ ठिकाणी पाहायला मिळेल इंग्लंड-स्वित्झर्लंडसारखे दृश्य, सहल बनेल संस्मरणीय

विदेशी पर्यटनाचे अनेकांचे स्वप्न असते मात्र बजेटमुळे अनेकांची ही इच्छा अपूर्णच राहतेच. आज आम्ही तुम्हाला भारतातील अशा काही ठिकाणांविषयी माहिती सांगत आहोत जिथे तुम्ही परदेशी सौंदर्याचा अनुभव घेऊ शकता.

प्रवास म्हटलं की, कोणत्या सुंदर ठिकाणी जाण्याचा अनेकांचा विचार असतो. आयुष्यात एकदा तरी आपण परदेश प्रवास करावा अशी अनेकांची इच्छा असते. मात्र बजेटमुळे अनेकांचे स्वप्न स्वप्नच बनून राहते. पण आम्ही तुम्हाला सांगतो की, कमी बजेटमध्येही तुमचे परदेशी प्रवासाचे स्वप्न पूर्ण होऊ शकते. आज आम्ही तुम्हाला यालेखात भारतातील अशा काही ठिकाणांविषयी माहिती सांगत आहोत जिथे तुम्हाला विदेशी पर्यटनाचा अनुभव घेता येईल. भारतातील या ठिकाणांना भेट दिल्याने तुमची सहल केवळ अविस्मरणीयच बनणार नाही तर तुम्ही निसर्गाच्या अनमोल परंपरेशी जोडले जाल. चला तर मग आज या लेखाद्वारे भारतातील अशा ठिकाणांबद्दल जाणून घेऊया, ज्यांची तुलना जगातील प्रसिद्ध ठिकाणांशी केली जाते.

Manali Trip Planning: फक्त 10,000 रुपयांत कपल्स फिरू शकतात मनाली; अशा प्रकारे करा सहलीचे नियोजन

श्रीनगर

जम्मू-काश्मीरच्या श्रीनगरचे दृश्य अतिशय सुंदर आणि प्रेक्षणीय आहे. श्रीनगरमधील शिकारा राईड, दल सरोवर आणि ट्यूलिप फुलांच्या बागेचे दृश्य हुबेहूब परदेशासारखे आहे. श्रीनगरमधील दल सरोवराच्या किनाऱ्यावर फुललेली ट्यूलिप फुलांची बाग आणि आजूबाजूचे शांत वातावरण तुम्हाला मोहून टाकेल. येथील दृश्ये तुम्हाला नेदरलँडमधील ॲमस्टरडॅमची आठवण करून देतील. आशियातील सर्वात मोठे ट्यूलिप गार्डन येथे आहे. श्रीनगरच्या या बागेला ‘इंदिरा गांधी मेमोरियल ट्यूलिप गार्डन’ म्हणतात.

गुलमर्ग, जम्मू-कश्मीर

जम्मू-काश्मीरच्या गुलमर्ग नावाचे सुंदर ठिकाण आहे ज्याला ‘भारताचे स्वित्झर्लंड’ असे म्हटले जाते. येथे तुम्हाला बर्फाच्छादित पर्वत, स्कीइंग रिसॉर्ट्स आणि सुंदर गवताळ प्रदेश आढळतील. येथील पर्यटकांमध्ये गोंडोला राईड आणि विंटर स्पोर्ट्स खूप लोकप्रिय आहेत.

व्हॅली ऑफ फ्लॉवर्स, उत्तराखंड

उत्तराखंडच्या व्हॅली ऑफ फ्लॉवर्समध्ये पावसाळ्यात हजारो रंगीबेरंगी फुले उमलतात. येथील दृश्य अमेरिकेतील कॅलिफोर्नियामधील अँटिलोप व्हॅलीशी अगदी जुळते. निसर्गप्रेमींसाठी हे ठिकाण नंदनवन आहे. फोटोग्राफीच्या शौकीन लोकांची येथे मोठी गर्दी पाहायला मिळते.

भारतात Haunted Places ची क्रेझ वाढत आहे, या झपाटलेल्या ठिकाणांना मिळाली लोकांची पहिली पसंती

थार वाळवंट, राजस्थान

आम्ही तुम्हाला सांगतो की राजस्थानचे थारचे वाळवंट तुम्हाला सहारा वाळवंटाची आठवण करून देईल. येथे तुम्हाला वाळूचे ढिगारे, उंटाची सवारी आणि वाळवंट संस्कृती पाहायला मिळेल. जैसलमेर आणि काही वाळूचे ढिगारे ही येथील प्रमुख आकर्षणे आहेत.