हजारो स्क्वेअर फुटांवर पसरलय कलेचं अनोखं विश्व! जगातील सर्वात मोठ्या आणि अनोख्या संग्रहालयांबद्दल जाणून घ्या
Largest Museums In The World: आपल्या भारतासह जगभरात हजारो म्युझियम आहेत. काही म्युझियम त्यांच्या अनोख्या देखाव्यामुळे प्रसिद्ध आहेत, तर काही म्युझियम त्यांच्या आकारामुळे जगभरात ओळखली जातात. प्रत्येक म्युझियमची एक वेगळी ओळख असते. तिथे ठेवण्यात आलेल्या वस्तू, परिसर, तेथील वातावरण अशा अनेक गोष्टींसाठी म्युझियम प्रसिद्ध आहेत.
ट्रॅव्हलसंबंधित बातम्या वाचण्यासाठी इथे क्लिक करा
मात्र अशी काही म्युझियम आहेत, जी त्याच्या आकारासाठी ओळखली जातात. त्यांची विशालता, कलाकृतींची विविधता आणि इतिहासाचे महत्त्व यामुळे ही म्युझियम इतरांपासून वेगळी ठरतात. अशाच काही निवडक आणि जगातील सर्वात मोठ्या म्युझियमबद्दल आता आम्ही सांगणार आहोत. (फोटो सौजन्य – pinterest)
रशियाचे दुसरे सर्वात मोठे शहर असलेल्या सेंट पीटर्सबर्गची ओळख म्हणजे हे ठिकाण कला आणि संस्कृतीचा खजिना आहे. येथे असलेले स्टेट हर्मिटेज म्युझियम हे जगातील सर्वात मोठ्या आणि प्रतिष्ठित म्युझियमपैकी एक आहे. या भव्य इमारतीत 3 दशलक्षाहून अधिक कलाकृती आहेत, जे मानवी सभ्यतेच्या जवळजवळ प्रत्येक कालखंडाचे प्रतिनिधित्व करतात. येथे तुम्हाला पाषाण युगापासून ते 20 व्या शतकाच्या सुरुवातीपर्यंतच्या कलाकृती पाहायला मिळतील.
स्टेट हर्मिटेज म्युझियमची स्थापना 1764 मध्ये महाराणी कॅथरीन द ग्रेट यांनी तिचा वैयक्तिक कला संग्रह प्रदर्शित करण्यासाठी केली होती. आज ही 6 मजली इमारत कलाप्रेमींसाठी मक्का बनली आहे. या म्युझियममध्ये 50 पेक्षा जास्त मांजरी राहतात, ज्या उंदरांपासून कलाकृतींचे संरक्षण करतात.
अमेरिकेतील स्मिथसोनियन अमेरिकी आर्ट म्युझियम वॉशिंग्टन डी.सी. येथे आहे. हे जगातील सर्वात मोठ्या म्युझियमपैकी एक आहे. इतिहासांतील गोष्टी तुम्ही इथे अनुभवू शकता. 19 संग्रहालये, 21 ग्रंथालये आणि 14 संशोधन केंद्रे असलेले हे म्युझियम ज्ञानाचे विशाल भांडार आहे.
ट्रॅव्हलसंबंधित बातम्या वाचण्यासाठी इथे क्लिक करा
1846 मध्ये जेम्स स्मिथसनच्या उदार योगदानाने स्थापन झालेल्या या म्युझियमने जगभरातील संशोधनात महत्त्वपूर्ण योगदान दिले आहे. प्रत्येकासाठी इथे प्रवेश विनामूल्य आहे, ज्यामुळे ज्ञानाचा हा खजिना सर्वांना उपलब्ध होईल. या म्युझियममध्ये विशाल प्राणी उद्यान देखील आहे.
फ्रान्सची राजधानी पॅरिस येथे स्थित लूव्र म्युझियम हे जगातील सर्वात मोठे कला संग्रहालय आहे. 1793 मध्ये लोकांसाठी उघडलेले, म्युझियम अंदाजे 60,600 चौरस फूटावर पसरलेले आहे. सुरुवातीला येथे केवळ 537 चित्रे प्रदर्शित केली जात होती, परंतु आज 3 लाख 80 हजारांहून अधिक कलाकृती आहेत. लूव्र म्युझियम हे लिओनार्डो दा विंचीच्या मोना लिसा आणि व्हीनस डी मिलोसह जगातील काही प्रसिद्ध कलाकृतींचे घर आहे.
प्राचीन इजिप्त, ग्रीस, रोम आणि इतर सभ्यतेतील कलाकृती देखील येथे प्रदर्शित केल्या आहेत. त्याच्या विशाल संग्रहामुळे आणि प्रसिद्ध कलाकृतींमुळे, लूव्र म्युझियम हे जगातील सर्वाधिक भेट दिलेले म्युझियम आहे. 2022 मध्ये, सुमारे 90 लाख लोकांनी या म्युझियमला भेट दिली. हे म्युझियम इतके मोठे आहे की एका दिवसात याला भेट देणे जवळजवळ अशक्य आहे.
.png "Videos"){kind=small}
