शनिवार, 22 ऑगस्ट 2026
बुलढाणा जिल्ह्यातील मेहकर शहराला मोठा ऐतिहासिक वारसा लाभला आहे. याच ऐतिहासिक वारशाची साक्ष देणारा तब्बल चारशे वर्षांपूर्वीचा कंचनी महाल आज मात्र दुरवस्थेच्या विळख्यात सापडला आहे. काळाच्या ओघात या ऐतिहासिक वास्तूची पडझड होत असून, तिच्या संवर्धनाकडे प्रशासनाचे दुर्लक्ष होत असल्याची भावना नागरिक आणि इतिहासप्रेमींकडून व्यक्त केली जात आहे. या कंचनी महालामागे एक अनोखी ऐतिहासिक कहाणी असल्याचे इतिहास जाणकार सांगतात. कंचनी नावाची एक नर्तिका होती. तिला मेहकर येथील या महालावरून लोणार सरोवरातील कमळजा माता मंदिराच्या शिखरावरील दिवा पाहण्याचा हट्ट होता. मात्र, मेहकरहून तो दिवा पाहता यावा, यासाठी तिने तत्कालीन राजाकडे आपली इच्छा व्यक्त केली.नर्तिकेचा हा हट्ट पूर्ण करण्यासाठी राजाने तिला साथ दिली आणि तिच्या इच्छेनुसार उंच इमारत अर्थात कंचनीचा महाल उभारण्यात आल्याचे सांगितले जाते. महालाची उंची एवढी होती की, या ठिकाणाहून लोणार सरोवर परिसरातील कमळजा माता मंदिरावरील दिवा पाहता येत असल्याची आख्यायिका आजही सांगितली जाते.
बुलढाणा जिल्ह्यातील मेहकर शहराला मोठा ऐतिहासिक वारसा लाभला आहे. याच ऐतिहासिक वारशाची साक्ष देणारा तब्बल चारशे वर्षांपूर्वीचा कंचनी महाल आज मात्र दुरवस्थेच्या विळख्यात सापडला आहे. काळाच्या ओघात या ऐतिहासिक वास्तूची पडझड होत असून, तिच्या संवर्धनाकडे प्रशासनाचे दुर्लक्ष होत असल्याची भावना नागरिक आणि इतिहासप्रेमींकडून व्यक्त केली जात आहे. या कंचनी महालामागे एक अनोखी ऐतिहासिक कहाणी असल्याचे इतिहास जाणकार सांगतात. कंचनी नावाची एक नर्तिका होती. तिला मेहकर येथील या महालावरून लोणार सरोवरातील कमळजा माता मंदिराच्या शिखरावरील दिवा पाहण्याचा हट्ट होता. मात्र, मेहकरहून तो दिवा पाहता यावा, यासाठी तिने तत्कालीन राजाकडे आपली इच्छा व्यक्त केली.नर्तिकेचा हा हट्ट पूर्ण करण्यासाठी राजाने तिला साथ दिली आणि तिच्या इच्छेनुसार उंच इमारत अर्थात कंचनीचा महाल उभारण्यात आल्याचे सांगितले जाते. महालाची उंची एवढी होती की, या ठिकाणाहून लोणार सरोवर परिसरातील कमळजा माता मंदिरावरील दिवा पाहता येत असल्याची आख्यायिका आजही सांगितली जाते.
