‘सर आम्हाला सोडून जाऊ नका…’; शिक्षकाचे ट्रान्सफर अन् मिठी मारून ढसाढसा रडले विद्यार्थी, Video Viral

School Viral Video : शिक्षकांच्या बदलीवर भावूक झाले अन् शाळेतच प्रवेशद्वार अडवत विद्यार्थ्यांनी दर्शवला विरोध. व्हिडिओमध्ये आपल्या आवडत्या सरांना रोखण्यासाठी मुलांची मोठी गर्दी दिसून येते तर काहींच्या डोळ्यातून यावेळी अश्रूंच्या धारा देखील वाहत असतात.

• शिक्षकाच्या बदलीने विद्यार्थी भावूक
• लाडक्या गुरुजींसाठी विद्यार्थ्यांचा विरोध
• शिक्षक-विद्यार्थ्यांच्या नात्याचा भावूक व्हिडिओ

शिक्षक दिनीनिमित्त विद्यार्थी शिक्षकांना भेटवस्तू देतात आणि गुरु म्हणून त्यांचे आभार मानतात. शिक्षक आणि विद्यार्थ्याचे नाते हे फक्त क्लासरुम, होमवर्क आणि पुस्तकांपर्यंत मर्यादित राहत नाही तर शिक्षक हा विद्यार्थ्याच्या आयुष्यातील एक अविभाज्य घटक असतो. जगात आपल्याला यशस्वी व्यक्ती बनवण्यासाठी शिक्षकांचा मोठा वाटा असतो. अनेकदा शिक्षक विद्यार्थ्यांच्या आयुष्यातील एक असा भाग बनून जातात ज्यातून वेगळं होणं त्यांना फार कठिण जातं. शिक्षक दिनानिमित्त सोशल मिडियावर एक भावूक करणारा व्हिडिओ व्हायरल झाला आहे ज्यात शाळेतील शिक्षकांच्या ट्रान्सफरवर मुलं ढसाढसा रडताना दिसून आले. आपले शिक्षक आपल्याला सोडून दुसऱ्या ठिकाणी जात आहेत याचे दु:ख मुलांना सहन झाले नाही आणि त्यांच्या डोळ्यातून अश्रूंचा धारा वाहू लागल्या.

तरुणाने छेडछाड करताच भडकला रोबोट! रागाच्या भरात घेतला असा बदला; VIDEO पाहाल तर तुम्हीही हादराल

काय घडलं व्हिडिओत?

व्हायरल होत असलेली ही घटना अमरावती शहरात घडल्याची माहिती आहे. व्हायरल झालेल्या पोस्टनुसार, विद्यार्थी त्यांचे लाडके शिक्षक, पवन सुरजुसे यांच्या बदलीचा निषेध करण्यासाठी एकत्र आले होते. त्यांनी शिक्षकांच्या भोवती आणि शाळेच्या प्रवेशद्वारावरही जमून त्यांच्या बदलीला तीव्र विरोध दर्शवला. विद्यार्थ्यांचे अशाप्रकारे एकत्र उभे राहणे हे दर्शवते की, त्यांच्यासाठी ते केवळ पाठ्यपुस्तकातून धडे शिकवणारे शिक्षक नव्हते तर त्यांनी आपल्या विद्यार्थ्यांशी एक घट्ट भावनिक नाते निर्माण केले होते.

See more

वाघाने केला माणसावर जीवघेणा हल्ला; शूर कुत्र्याने प्राणाची बाजी लावून वाचवला मालकाचा जीव, काळजाचा ठोका चुकवणारा Video Viral

व्हिडिओमध्ये विद्यार्थी फारच भावूक होताना दिसून आले. ही घटना दाखवून देते की, एक चांगला शिक्षक विद्यार्थ्यांच्या मनात कशी आपली जागा निर्माण करुन जातो. घटनेचा व्हिडिओ @moneycontrol.com नावाच्या इंस्टाग्राम अकाऊंटवर शेअर करण्यात आले आहे. अनेक यूजर्सने या घटनेवर कमेंट्स करत व्हिडिओतील दृष्यांवर आपले मत मांडले आहे. यात एका यूजरने म्हटले की, “तुम्ही खूप नशीबवाण आहात सर”, दुसऱ्या युजरने लिहिले आहे, “शिक्षकांनी या गुरुजींकडून शिकायला हव, ती मुलं आहेत, त्यांच्याशी प्रेमाने बोला, त्यांना प्रेमाने शिकवा, मुलं आपल्या रंगहीन आयुष्यात रंग भरतात”, आणखी एका यूजरने लिहिले आहे, “यालाच खरा सुपरहिरो म्हणतात”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.