बुधवार, 4 नोव्हेंबर 2026
VIRAL VIDEO : अभियांत्रिकी चमत्कार! आयफेल टॉवरच्या दुप्पट उंचीचा जगातील सर्वात उंच पूल चीनने जनतेसाठी केला खुला ( फोटो सौजन्य : सोशल मीडिया)
Huajiang Grand Canyon Bridge : जगातील अभियांत्रिकी चमत्कारांची यादी नेहमी चीनच्या ( China) नावाने समृद्ध होत असते. आता चीनने आणखी एक जागतिक विक्रम आपल्या नावे केला आहे. गुईझोउ प्रांतात उभारण्यात आलेला हुआइजियांग ग्रँड कॅन्यन ब्रिज (Huajiang Grand Canyon Bridge) हा केवळ चीनचाच नव्हे तर संपूर्ण जगातील सर्वात उंच पूल ठरला आहे. २८ सप्टेंबर रोजी झालेल्या भव्य समारंभानंतर हा पूल अधिकृतपणे जनतेसाठी खुला करण्यात आला.
हा पूल कॅन्यनवरून तब्बल ६२५ मीटर (२,०५० फूट) उंचीवर आहे. तुलना करायची झाली तर ही उंची पॅरिसच्या सुप्रसिद्ध आयफेल टॉवरच्या जवळजवळ दुप्पट आहे. त्यामुळे पुलावरून प्रवास करणाऱ्यांना एक रोमांचक, थरारक आणि विस्मयकारक अनुभव मिळणार आहे. मात्र, उंचीची भीती असणाऱ्यांसाठी हा प्रवास थोडासा धाडसाचा ठरेल, असे म्हणावे लागेल.
या पुलाच्या आधी स्थानिकांना या प्रचंड कॅन्यनमधून जाण्यासाठी जवळजवळ दोन तासांचा वेळ लागत होता. मात्र पुलाचे बांधकाम पूर्ण झाल्यानंतर आता हा प्रवास फक्त दोन मिनिटांत पूर्ण होतो. या बदलामुळे स्थानिक लोकांच्या जीवनमानात प्रचंड सुधारणा होणार आहे. वाहतुकीतील ही झपाट्याची प्रगती हा पूल बांधण्यामागील सर्वात मोठा हेतू होता.
Today, the tallest bridge in the world was opened. The craziest thing is the coffee shop on the bridge.😲 pic.twitter.com/rDfybmtat3 — Sharing Travel (@TripInChina) September 28, 2025
credit : social media
जागतिक घडामोडी संबंधित बातम्या वाचण्यासाठी येथे क्लिक करा : Navratri 2025: शिवनगरी वाराणसीतील माँ कालरात्री मंदिराची अद्भुत कहाणी; जिथे आईने शेकडो वर्षे केली कठोर तपश्चर्या
या पुलाच्या बांधकामासाठी तब्बल तीन वर्षे लागली, पण आश्चर्य म्हणजे अभियंत्यांनी तो वेळेआधीच पूर्ण केला. यामध्ये ड्रोन, उपग्रह नेव्हिगेशनसारख्या आधुनिक तंत्रज्ञानाचा मोठ्या प्रमाणावर वापर करण्यात आला. पूल जनतेसाठी खुला करण्यापूर्वी त्याची काटेकोर चाचणी घेण्यात आली. लोड टेस्टिंगसाठी पुलावर एकाच वेळी ९६ ट्रक उभे करण्यात आले होते.
The world’s tallest bridge opened to traffic Sunday morning in southwest China’s Guizhou Province, slashing travel time across a deep canyon from two hours to just two minutes after three years of construction. #GLOBALink pic.twitter.com/NL05A6FgWn — China Xinhua News (@XHNews) September 28, 2025
credit : social media
उद्घाटनाच्या दिवशी राज्य माध्यमांनी थेट ड्रोन फुटेज प्रसारित केले. विशाल पुलावरून वाहने जाताना दिसताच प्रेक्षकांनी कौतुकाची दाद दिली. उद्घाटनाला अभियंते, अधिकारी आणि स्थानिक नागरिक मोठ्या संख्येने उपस्थित होते. स्थानिकांसाठी हा पूल फक्त एक रस्ता नसून विकासाचा नवा मार्ग आहे.
🇨🇳 VIDEO: The world’s highest bridge opens in China China’s Huajiang Grand Canyon Bridge — the world’s highest from ground level — officially opens to traffic in southern Guizhou province. Previously recorded footage shows the bridge towering 625 metres (2,051 feet) above a… pic.twitter.com/4tMPXqTckv — AFP News Agency (@AFP) September 28, 2025
credit : social media
या पुलाने एकाचवेळी दोन जागतिक विक्रम प्रस्थापित केले आहेत. पहिला म्हणजे हा जगातील सर्वात उंच पूल आहे. दुसरा म्हणजे हा डोंगराळ भागात बांधलेला सर्वात मोठा पूल आहे. या दोन विक्रमांमुळे चीनच्या अभियांत्रिकी क्षमतेची पुन्हा एकदा जगभरात दखल घेतली जात आहे.
जागतिक घडामोडी संबंधित बातम्या वाचण्यासाठी येथे क्लिक करा : Mansa Devi : जाणून घ्या भगवान महादेवांच्या शरीरातून हलहल विष काढणाऱ्या शिवकन्या मनसा देवीची गूढ पौराणिक कथा
हा पूल केवळ प्रवास सोपा करणारा नाही, तर तो लवकरच पर्यटनाचेही एक प्रमुख आकर्षण ठरणार आहे. पुलाच्या परिसरात २०७ मीटर उंचीची साइटसीइंग लिफ्ट, स्काय कॅफे, आणि दरीचे चित्तथरारक दृश्य पाहण्यासाठी खास व्ह्यूइंग प्लॅटफॉर्म तयार करण्यात आले आहेत. त्यामुळे पर्यटकांना येथे साहस, निसर्गसौंदर्य आणि तांत्रिक भव्यता सगळे काही एकत्र अनुभवता येणार आहे.
हुआइजियांग ग्रँड कॅन्यन ब्रिज फक्त उंचीचा विक्रम नसून चीनच्या दूरवरच्या प्रदेशात विकासाची गती आणणारा एक ऐतिहासिक टप्पा आहे. स्थानिक लोकांना मिळालेली वाहतुकीची सुविधा, पर्यटनातून येणारा आर्थिक विकास आणि चीनच्या नावावर लागलेले जागतिक विक्रम या सर्व गोष्टी एकत्रितपणे या पुलाला २१व्या शतकातील अभियांत्रिकीचा खरा चमत्कार ठरवतात.
