Video Viral : कोटाच्या ALLEN कोचिंगमध्ये विद्यार्थ्यांमध्ये राडा! बॅगेतून काढली 'पिस्तुल'; विद्यार्थिनीवरून पेटला होता वाद
मिळालेल्या माहितीनुसार, दोन्ही विद्यार्थी एकाच वर्गात शिकत होते. व्हायरल व्हिडिओत दावा केला आहे की, ते दोघे एका विद्यार्थिनीवरून वाद घालत होते. पुढे या वादाचे रुपांतर हिंसक हाणामारीत झाले. या घटनेमुळे तिथे उपस्थित इतर विद्यार्थ्यांमध्ये घबराट पसरली आणि घटनास्थळी एकच गोंधळ सुरु झाला. या घटनेनंतर सोशल मिडियावर अनेक व्हिडिओज व्हायरल झाले ज्यात दावा केला गेला की, या हाणामारीत एका विद्यार्थ्यांने बॅगेतून पिस्तूल काढून दुसऱ्या विद्यार्थ्यावर गोळीबार केला. या घटनेमुळे आता कोचिंग सेंटरच्या व्यावस्थापनेवर प्रश्न उपस्थित केले जात आहेत. प्रशासन व कोचिंग व्यवस्थापनाकडून उत्तरांची मागणी करण्यात आली असून इंटरनेटवर हे प्रकरण जोरदार चर्चेत आहे.
पोलिसांनी काय सांगितलं?
स्थानिक पोलिसांनी प्राथमिक तपासाच्या आधारावर गोळीबाराच्या वृत्तांचे खंडन केले आहे. पोलिसांनुसार, घटनेवेळी कोणत्याही प्रकारचा गोळीबार झाला नाही. तपासात समोर आले की, संंबंधित विद्यार्थ्याजवळ धातूपासून बनवलेली एक एअर गन होती, दिसताना ती एका हत्यारासारखी दिसते पण ती खरी नसून खोटी पिस्तून आहे. विद्यार्थ्याने पिस्तुलाच्या मागच्या बाजूने दुसऱ्या विद्यार्थ्याला मारलं ज्यात तो जखमी झाला आहे. दरम्यान पोलिस आता संपूर्ण प्रकरणाचा तपास करत असून फेक पिस्तूलाला अधिकाऱ्यांनी आपल्या ताब्यात घेतले आहे. दोन्ही विद्यार्थ्यांमधील मतभेद नक्की कोणत्या कारणावरुन सुरु होता याची चाैकशीही पोलिस करत आहेत.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
.png "Videos"){kind=small}
