Mumbai Women Safety: ना टोमणे, ना त्रास… बाईकस्वार तरुणीसाठी (फोटो सौजन्य- सोशलमीडिया)
.png "Videos"){kind=small}
deewithwingss या तरुणीचा बाईक राइडिंगचा व्हिडिओ सोशल मीडियावर व्हायरल.deewithwingss या तरुणीने हा व्हिडिओ बनवला आणि तिने इंस्टा्ग्रामवर व्हिडिओ टाकला असून या व्हिडिओमध्ये ती स्वत:बाईक चालवत आहे. आपल्याकडे मुली सहसा स्कूटी चालवतात. कारण चालावयला आणि वजनाने स्कूटी हलकी असते. बाईक चालवणाऱ्या मुली खूप कमी दिसतात. त्यामुळे रस्त्यावर एखादी मुलगी बाईक चालवताना दिसली की लोक बघतच राहतात.
या तरुणीने नेमका हाच अनुभव कॅमेऱ्यात शूट केला आहे. ती बाईक चालवत असताना समोरून येणारे, बाजूने जाणारे पुरुष तिच्याकडे कसे बघतात, काय रिएक्शन देतात हे तिने हेल्मेटला लावलेल्या कॅमेऱ्यात कैद केलं आहे.
आपल्याकडे अजूनही पुरुषप्रधान संस्कृती आहे. मुलीकडे बघण्याचा दृष्टीकोन काय असतो हे सगळ्यांना माहीत आहे. बऱ्याच शहरात एखादी मुलगी बाईक चालवत असेल तर लोक वेगळ्याच नजरेने बघतात, काहीतरी कमेंट करतात.पण या व्हिडिओमध्ये असं काहीच नाहीये. मुंबईतली मुलं त्या मुलीकडे नाही तर तिच्या बाईककडे बघत आहेत. कोणी लांबूनच हात दाखवून छान आहे असं सांगतोय, कोणी बाईककडे बघून हसतोय, कोणी कौतुक करतोय. एकही जण तिला त्रास देत नाहीये किंवा घाणेरड्या नजरेने बघत नाहीये.
Viral Wedding Video: फायर गनची मस्ती पडली महागात! भर मंडपात नवरीच्या केसांना आग, Video Viral
यावरून एक गोष्ट समजते की मुंबईत मुलींनी बाईक चालवणं ही आता खूप कॉमन गोष्ट झाली आहे. लोकांना त्याचं आश्चर्य पण वाटत नाही. उलट ते तिच्या धाडसाचं कौतुक करतात. हाच तर मुंबईचा खरा चेहरा आहे.हा व्हिडिओ आतापर्यंत 11 लाखांपेक्षा जास्त लोकांनी बघितला आहे.
या व्हिडिओवर लोकांनी भरपूर कमेंट केल्या आहेत. एका मुलीने लिहिलंय, “छत्रपती शिवाजी महाराजांचा महाराष्ट्र आहे हा, इथे संस्कारच तसे आहेत, जय महाराष्ट्र.”दुसऱ्या एका ताईने लिहिलंय, “माझा जन्म मुंबईतच झाला. मी कित्येक वर्ष नाईट शिफ्ट केली, पण मला कधीच त्रास झाला नाही.
उलट काही लागलं तर पुरुषांनी मदतच केली. पहाटेपर्यंत पार्टी करून घरी जाताना कॅबवाला दारापर्यंत सुरक्षित सोडायचा. आमची मुंबईच भारी आहे.”आणखी एका मुलीने लिहिलंय, “मी मेरठ, दिल्ली, लंडन आणि मुंबई सगळीकडे राहिली आहे. पण मुंबईसारखं शहरच नाही. 100% सेफ नाही म्हणता येणार, पण दुसऱ्या शहरांच्या तुलनेत इथे खूपच कमी भीती वाटते.”एकूणच हा व्हिडिओ पाहून एकच वाटतं की मुंबई अजूनही महिलांसाठी एक चांगलं आणि सुरक्षित शहर आहे. इथली लोकं खरंच मनाने मोठी आहेत.
