तरुणाने छेडछाड करताच भडकला रोबोट! रागाच्या भरात घेतला असा बदला; VIDEO पाहाल तर तुम्हीही हादराल
काय घडलं व्हिडिओत?
व्हायरल होत असलेला हा प्रकार रशियातील एका दुकानात घडून आल्याचे दावा करण्यात आला आहे. इथे एका रोबोटला ग्राहकांची मदत करण्यासाठी ठेवण्यात आलेले असते. सांगितले जात आहे की, रोबोटचे नाव ‘स्योमा’ होते आणि तांत्रिक सल्लागार म्हणून त्याला दुकानात ठेवण्यात आले होते. सुरुवातील व्हिडिओत सर्वकाही ठिक असतं पण काही सेकंदातच परिस्थिती पूर्णपणे बिघडते. घडतं असं की, दुकानातील एक ग्राहक रोबोटच्या बाजूने त्याला चिडवण्याचा प्रयत्न करतो. तो रोबोटला धक्का देतो जे पाहून रोबोट पुढच्याच क्षणी रागाने पेटून उठतो. व्यक्तीने धक्का दिल्यानंतर तो कुंग फूची पोझिशन पकडतो आणि मी लढण्यासाठी तयार आहे असा संकेत देतो.
व्हिडिओमध्ये पुढे रोबोट व्यक्तीवर हल्ला करण्यासाठी सज्ज होताना दिसतो जे पाहून दुकानात उपस्थित दोन लोक धाव घेतात आणि रोबोटला थांबवण्याचा प्रयत्न करतात. रोबोट काही केल्या शांत व्हायला तयार नसतो, अशात तिथे उपस्थित व्यक्ती रोबोटच्या मागील स्वीच ऑफ बटण चालू करतो ज्यानंतर रोबोट बंद होतो. या व्हिडिओमुळे रोबोटच्या सुरक्षिततेवर आणि तांत्रिक विश्वासार्हतेवर प्रश्नचिन्ह निर्माण झाले असून, हा प्रकार नेमका तांत्रिक बिघाडामुळे घडला की अन्य कारणामुळे, हे अद्याप स्पष्ट झालेले नाही.
व्हिडिओला @moneycontrol.com नावाच्या फेसबुक अकाऊंटवर शेअर करण्यात आले आहे. अनेक यूजर्सने या घटनेवर कमेंट्स करत व्हिडिओतील दृष्यांवर आपले मत मांडले. यात एका यूजरने म्हटले की, “रोबोटलाही आता राग येतोय वाटतं!”, दुसऱ्या युजरने लिहिले आहे, “AI आणि रोबोट्ससोबत खेळणं आता महागात पडू शकतं”, आणखी एका यूजरने लिहिले आहे, “भविष्यात रोबोट्सपासून सावध राहावं लागणार बहुतेक”.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
.png "Videos"){kind=small}
