तो अनेक वेळा गायब झाला आणि बेशुद्ध अवस्थेतही आढळला होता; एका अहवालानुसार एफबीआय संचालक काश पटेल नेहमी दारूच्या नशेत असतात. ( फोटो सौजन्य : सोशल मीडिया )
The Atlantic report Kash Patel drinking : जगातील सर्वात शक्तिशाली तपास संस्था समजल्या जाणाऱ्या एफबीआय (FBI) मध्ये सध्या एक अभूतपूर्व गोंधळ सुरू आहे. संस्थेचे संचालक काश पटेल यांच्या वैयक्तिक सवयी आणि त्यांच्या नेतृत्वावर एका नव्या अहवालाने (The Atlantic Report) प्रश्नचिन्ह उपस्थित केले आहे. सुमारे ३८,००० कर्मचारी असलेल्या या महाकाय संस्थेचा प्रमुख इतका ‘पॅरानॉइड’ (संशयी) कसा असू शकतो, यावर आता व्हाईट हाऊसमध्येही चर्चा सुरू झाली आहे.
या प्रकरणाची सर्वात विचित्र घटना १० एप्रिल रोजी घडली. सुट्टीचा दिवस असल्याने कार्यालयातून निघताना पटेल यांनी त्यांच्या अंतर्गत संगणक प्रणालीत लॉगिन करण्याचा प्रयत्न केला, पण तांत्रिक त्रुटीमुळे ते यशस्वी झाले नाही. एका सामान्य लॉगिन एररला पटेल यांनी “मला कामावरून काढले आहे” असे समजले. ते इतके घाबरले की त्यांनी सहकाऱ्यांना आणि निकटवर्तीयांना फोन करून आपल्याला बडतर्फ केल्याचे सांगायला सुरुवात केली. नंतर ती केवळ तांत्रिक अडचण असल्याचे समोर आले, पण या घटनेने पटेल यांच्या मानसिक स्थितीबद्दल संशय निर्माण केला.
जागतिक घडामोडी संबंधित बातम्या वाचण्यासाठी येथे क्लिक करा : Paris Summit: ‘मॅक्रॉन यांनी मेलोनींना मारली मिठी अन् Kiss…’ पॅरिस शिखर परिषदेतील ‘तो’ VIDEO VIRAL; मेलोनींची खास प्रतिक्रिया
अहवालातील सर्वात गंभीर आरोप त्यांच्या दारूच्या सवयीबद्दल आहेत. अधिकाऱ्यांच्या दाव्यानुसार, पटेल अनेकदा प्रमाणापेक्षा जास्त मद्यपान करतात. वॉशिंग्टन डीसीमधील ‘नेड्स’ (Ned’s) सारख्या खाजगी क्लबमध्ये किंवा लास वेगासमध्ये ते नशेत धुंद अवस्थेत आढळले आहेत. धक्कादायक म्हणजे, एकदा ते एका खोलीत बंद झाले होते आणि सुरक्षा पथकाचा त्यांच्याशी संपर्क होऊ शकला नाही. शेवटी, ते जिवंत आहेत की नाही हे पाहण्यासाठी सुरक्षा रक्षकांना दरवाजा तोडण्यासाठी ‘ब्रिचिंग इक्विपमेंट’ (Breaching Equipment) मागवावे लागले. त्यांच्या या सवयीमुळे महत्त्वाच्या बैठका रद्द कराव्या लागतात किंवा तपासाचे निर्णय लांबणीवर पडतात.
“I’m gonna believe the nine sources in the Atlantic over the liars in this administration, but to each their own.”@Timodc gives his take on reports that Kash Patel has alarmed colleagues with episodes of excessive drinking and unexplained absences. pic.twitter.com/YaaCVuZQVP — The Bulwark (@BulwarkOnline) April 18, 2026
credit – social media and Twitter
पटेल यांच्या कार्यकाळात अनेक अनुभवी अधिकाऱ्यांना कामावरून काढून टाकण्यात आल्याचा दावा अहवालात करण्यात आला आहे. यामुळे एफबीआयमध्ये अनुभवाची मोठी पोकळी निर्माण झाली असून राष्ट्रीय सुरक्षेवर त्याचे गंभीर परिणाम होऊ शकतात, अशी भीती तज्ज्ञांनी व्यक्त केली आहे. काही अधिकाऱ्यांनी तर व्हाईट हाऊसला फोन करून नेतृत्वात बदल करण्याची मागणीही केली आहे.
जागतिक घडामोडी संबंधित बातम्या वाचण्यासाठी येथे क्लिक करा : Russia Oil : युद्धाचा फटका की रणनीती? ट्रम्प प्रशासनाचा रशियन तेलाबाबत मोठा निर्णय; भारतासह जगाला मोठा दिलासा
मात्र, हे सर्व आरोप काश पटेल यांनी पूर्णपणे फेटाळून लावले आहेत. “हे आरोप खोटे आणि मला बदनाम करण्यासाठी रचलेले षडयंत्र आहे,” असे त्यांनी म्हटले आहे. ट्रम्प प्रशासनातील काही सदस्यांनीही त्यांचे समर्थन केले असून, त्यांच्या काळात गुन्हेगारी कमी झाल्याचा दावा केला आहे. पण, ‘द अटलांटिक’च्या या वृत्ताने अमेरिकन राजकारणात मोठा भूकंप घडवून आणला आहे, हे निश्चित.
Ans: पटेल यांच्यावर दारूचे अतिसेवन, कामात निष्काळजीपणा, आणि तांत्रिक बिघाडामुळे नोकरी गेल्याच्या भीतीने अफवा पसरवल्याचे गंभीर आरोप आहेत.
Ans: अहवालानुसार, पटेल अनेकदा नशेत असताना गायब होतात आणि त्यांच्या सुरक्षा पथकाला त्यांना शोधण्यासाठी मोठी कसरत करावी लागते.
Ans: पटेल यांनी हे सर्व आरोप फेटाळून लावले असून ते पूर्णपणे असत्य आणि राजकीय प्रेरित असल्याचे म्हटले आहे.
