France Protest: अश्रुधुराने वाचवली मॅक्रॉन यांची खुर्ची; काय घडले आंदोलक एलिसी पॅलेसपासून अवघ्या 300 मीटरवर पोहोचल्यावर?

France Protest : फ्रान्सचे राष्ट्राध्यक्ष इमॅन्युएल मॅक्रॉन हे आपले पद गमावण्यापासून थोडक्यात बचावले. रविवारी (१८ ऑक्टोबर), शिक्षणविषयक मुद्द्यांवर निदर्शने करणारे हजारो आंदोलक राष्ट्रपती भवन, एलिसी पॅलेसच्या जवळ पोहोचले.

• एलिसी पॅलेसजवळ तणाव
• अश्रुधुराचा वापर आणि सुरक्षा दल
• शिक्षण व्यवस्थेविरुद्ध संताप आणि हिंसाचार

जगभरात लोकशाही देश म्हणून ओळखल्या जाणाऱ्या फ्रान्समध्ये (France Protest) सध्या अशांततेचे वातावरण पाहायला मिळत आहे. फ्रान्सचे राष्ट्राध्यक्ष इमॅन्युएल मॅक्रॉन (Emmanuel Macron) यांना एका मोठ्या राजकीय संकटाचा सामना करावा लागला आहे. रविवारी (१८ ऑक्टोबर) शिक्षणविषयक सुधारणांच्या मागणीसाठी रस्त्यावर उतरलेले हजारो संतप्त आंदोलक थेट राष्ट्रपतींचे अधिकृत निवासस्थान असलेल्या ‘एलिसी पॅलेस’ (Élysée Palace) जवळ येऊन धडकले. आंदोलक राष्ट्रपती भवनापासून अवघ्या ३०० मीटर अंतरावर पोहोचल्याने फ्रान्सच्या सुरक्षा यंत्रणांची दाणादाण उडाली होती.

परिस्थिती एवढी गंभीर बनली होती की, आंदोलकांचा तोल आणि त्यांची संख्या पोलिसांच्या नियंत्रणाबाहेर गेली होती. खुद्द फ्रान्सच्या गृहमंत्र्यांनी हे मान्य केले की, या प्रचंड जनसमुदायासमोर पोलीस हतबल झाले होते आणि कायदा व सुव्यवस्थेवरील त्यांचे नियंत्रण पूर्णपणे सुटले होते. या संपूर्ण घटनेमुळे फ्रान्सच्या राजकारणात खळबळ उडाली असून इमॅन्युएल मॅक्रॉन यांचे सरकार आणि त्यांची सत्ता धोक्यात आल्याची चर्चा रंगली होती.

पोलीस हतबल झाल्यानंतर अश्रुधुराचा वापर

‘ले माँद’ (Le Monde) वृत्तपत्राने दिलेल्या सविस्तर वृत्तानुसार, डाव्या विचारसरणीच्या विद्यार्थी आणि नागरिकांच्या या मोर्चाने सुरक्षेसाठी उभारलेले सर्व अडथळे (Barricades) तोडून टाकले. ते एलिसी पॅलेसमध्ये घुसण्याच्या तयारीत होते. परिस्थिती नियंत्रणाबाहेर जात असल्याचे पाहून अखेर सुरक्षा दलांना अश्रुधुराचा (Tear Gas) वापर करावा लागला.

जागतिक घडामोडी संबंधित बातम्या वाचण्यासाठी येथे क्लिक करा : US-India Trade Deal: ‘आम्ही कराराच्या अगदी जवळ…’ अमेरिकेच्या परराष्ट्र सचिव मार्को रुबियो यांचे भारताबद्दल मोठे सूचक विधान

अश्रुधुराच्या नळकांड्या सोडल्यानंतर जमाव पांगण्यास सुरुवात झाली आणि याच संधीचा फायदा घेऊन त्वरित उजव्या विचारसरणीच्या विशेष दंगल नियंत्रण पथकाला (RIOT Police) घटनास्थळी तैनात करण्यात आले. राष्ट्रपतींच्या निवासस्थानाभोवती सुरक्षा कवच अनेक पटींनी कडक करण्यात आले, ज्यामुळे मोठा अनर्थ थोडक्यात टळला. या संपूर्ण गोंधळानंतर गृहमंत्री यांनी आपल्या पदाचा राजीनामा देण्याची तयारी दर्शवली होती, परंतु राष्ट्राध्यक्ष मॅक्रॉन यांनी तो राजीनामा फेटाळून लावला आणि देशात कठोर पोलीस सुधारणांची गरज असल्याचे स्पष्ट केले.

🇫🇷 FRANCE ERUPTS IN RIOTS AS NATIONWIDE PROTESTS TURN VIOLENT! France was rocked by widespread protests and violent clashes on Saturday, October 17, 2026, as thousands of demonstrators took to the streets to protest the rising cost of living, expensive fuel, economic inequality, and declining public services. The demonstrations spread across major cities, including Paris, Marseille, Lyon, Toulouse, and other parts of the country. 🔥 Fires, Looting, and Violent Clashes In Paris, masked protesters clashed with riot police as tear gas filled the streets. Cars and other objects were set on fire, shop windows were smashed, and some businesses were reportedly looted. Police used tear gas and water cannons to disperse groups involved in violent confrontations. The unrest also spread to Lyon, where a tourist office was set on fire, while protesters in Marseille damaged public buildings and targeted municipal facilities. Authorities reported at least 272 arrests nationwide as officials struggled to contain the disorder. 🚨 Why Are People Protesting? The demonstrations involve students, labor unions, former Yellow Vest protesters, and other citizens frustrated by rising prices, fuel costs, inadequate school conditions, and concerns over government spending and public services. Many demonstrators say ordinary families are struggling financially and want the government to take action. Although many people participated in peaceful marches, violent incidents involving smaller groups overshadowed parts of the demonstrations. The unrest has renewed memories of France’s Yellow Vest movement, which began in 2018 over fuel taxes and the cost of living. ⚠️ What Happens Next? The protests are putting additional pressure on President Emmanuel Macron’s government as France approaches its 2027 presidential election. Officials have condemned the violence, while demonstrators continue demanding economic relief and improvements to public services. France now faces growing questions about whether the government can calm public anger before the unrest spreads further. #FranceRiots #FranceProtests #BreakingNews #WorldNews #MightyNews — Mighty News (@Mighty__News) October 17, 2026

credit – social media and Twitter

१,५०० हून अधिक दुकानांवर हल्ले आणि लुटालूट

हे आंदोलन केवळ शांततापूर्ण मोर्च्यापुरते मर्यादित राहिले नाही, तर काही ठिकाणी त्याला हिंसक वळण लागल्याचे दिसून आले. ‘फ्रान्स २४’ (France 24) च्या अहवालानुसार, आंदोलकांनी देशातील वेगवेगळ्या भागांत १,५०० हून अधिक दुकानांवर हल्ले केले आणि मोठ्या प्रमाणावर लुटालूट केली. सोशल मीडियावर अनेक व्हिडिओ व्हायरल झाले आहेत, ज्यामध्ये आंदोलक मोठ्या मॉल्स आणि दुकानांच्या काचा फोडून सामान लुटताना दिसत आहेत.

या हिंसक प्रकारानंतर राष्ट्राध्यक्ष इमॅन्युएल मॅक्रॉन यांनी एक कडक संदेश देणारा व्हिडिओ जारी केला. यामध्ये त्यांनी आंदोलकांचा निषेध करत त्यांना ‘लुटारू’ (Plunderers) म्हटले. मॅक्रॉन यांनी स्पष्ट शब्दांत चेतावनी दिली की, फ्रान्सच्या प्रजासत्ताकाला लुटण्याचा आणि देशामध्ये अराजकता माजवण्याचा प्रयत्न करणाऱ्या कोणालाही माफ केले जाणार नाही. फ्रेंच पोलिसांच्या आकडेवारीनुसार, या हिंसक निदर्शनांच्या पार्श्वभूमीवर आतापर्यंत जवळपास २,५०० हून अधिक आंदोलकांना अटक करण्यात आली असून सरकार या संपूर्ण नुकसानीचे मूल्यांकन करत आहे.

जागतिक घडामोडी संबंधित बातम्या वाचण्यासाठी येथे क्लिक करा : VIDEO VIRAL: कॅमेऱ्यासमोर घडला थरार! ‘एक दिवस सर्वांना जायचे आहे’ असे धर्मगुरूनी सांगताच क्रूस अंगावर पडला आणि…

मॅक्रॉन सरकारविरोधात विद्यार्थ्यांचा संताप का भडकला?

या सर्व प्रचंड रोषामागे फ्रान्समधील शिक्षण प्रणालीची खालावत चाललेली स्थिती हे मुख्य कारण आहे. डाव्या विचारसरणीच्या विद्यार्थी संघटनांनी आणि राजकीय पक्षांनी उघडपणे सांगितले की, फ्रान्सच्या शाळांमध्ये सध्या शिक्षकांची तीव्र कमतरता जाणवत आहे. विद्यार्थ्यांना दर्जेदार शिक्षण मिळण्यात अनंत अडचणी येत आहेत.

जरी फ्रेंच सरकारच्या आकडेवारीनुसार देशात प्रत्येक २४ मुलांमागे एक शिक्षक असल्याचे सांगितले जात असले, तरी प्रत्यक्षात परिस्थिती वेगळी आहे. जीर्ण झालेल्या शाळांच्या इमारती, विद्यार्थ्यांने खचाखच भरलेले वर्ग आणि शिक्षणाच्या वाढत्या समस्यांमुळे विद्यार्थी वर्गात तीव्र संताप उसळला आहे. याच असंतोषाचा स्फोट या आंदोलनाच्या रूपाने पाहायला मिळाला, ज्याने थेट राष्ट्राध्यक्षांच्या खुर्चीला हादरे दिले आहेत.