गोटाबाय राजपक्षे मायदेशी परतले; कोलंबो विमानतळावर पक्षाकडून स्वागत

गोटाबाय राजपक्षे यांनी १३ जुलै रोजी पत्नी आणि दोन अंगरक्षकांसह पलायन केले होते. श्रीलंकन हवाई दलाच्या विमानातून त्यांनी देश सोडला. त्यापूर्वी जनतेकडून राजपक्षे यांच्या राजीनाम्याची मागणी होत होती. थायलंडला जाण्याआधी राजपक्षे यांनी सिंगापूरला आश्रय घेतला. तिथे आपले राजकीय उत्तराधिकारी रनिल विक्रमसिंघे यांची भेट घेत श्रीलंकेच्या राष्ट्राध्यक्षपदाचा राजीनामा दिला. या सर्व घडामोडींनंतर राजपक्षे बँकॉकमधून सिंगापूर हवाईमार्गे एका व्यावसायिक विमानातून मायदेशी परतले आहेत.

कोलंबो : श्रीलंकेचे (Shrilanka) माजी राष्ट्राध्यक्ष गोटाबाय राजपक्षे (Gotabaya Rajapaksha) सात आठवड्यांनंतर शुक्रवारी मायदेशी परतले. आर्थिक अडचणींवरून (Financial Difficulties) श्रीलंकन नागरिकांनी उग्र आंदोलन करीत थेट राष्ट्रपती भवनात (President House) प्रवेश केला. त्यानंतर गोटाबाय यांनी कुटुंबासह थायलंडला पलायन केले. काल कोलंबो विमानतळावर (Colombo Airport) दाखल होताच पक्षातील नेत्यांनी त्यांचे स्वागत केले.

गोटाबाय राजपक्षे यांनी १३ जुलै रोजी पत्नी आणि दोन अंगरक्षकांसह पलायन केले होते. श्रीलंकन हवाई दलाच्या विमानातून त्यांनी देश सोडला. त्यापूर्वी जनतेकडून राजपक्षे यांच्या राजीनाम्याची मागणी होत होती. थायलंडला जाण्याआधी राजपक्षे यांनी सिंगापूरला आश्रय घेतला. तिथे आपले राजकीय उत्तराधिकारी रनिल विक्रमसिंघे यांची भेट घेत श्रीलंकेच्या राष्ट्राध्यक्षपदाचा राजीनामा दिला. या सर्व घडामोडींनंतर राजपक्षे बँकॉकमधून सिंगापूर हवाईमार्गे एका व्यावसायिक विमानातून मायदेशी परतले आहेत.

देश सोडल्यापासून ५२ दिवस थायलँडमधील एका हॉटेलमध्ये राजपक्षे राहत होते. रनिल विक्रमसिंघे यांनी एकेकाळच्या राजकीय दृष्ट्या शक्तीशाली असलेल्या राजपक्षे कुटुंबीयांना संरक्षण दिल्याचा आरोप श्रीलंकेतील विरोधी पक्षांनी केला आहे. दरम्यान, राष्ट्रपतीपदाचा राजीनामा दिल्यानंतर राजपक्षे यांची राजकीय कारकीर्द धोक्यात असून प्रसिद्ध वृत्त संपादक लसंथा विक्रममाटुंगे यांच्या हत्येच्या आरोपानंतर त्यांना अटक व्हावी, यासाठी पत्रकारांचा दबाव वाढत आहे.