बांगलादेशात हिंदू तरुणीवर लैंगिक अत्याचार ; खालिदा जिया यांच्या पक्षाच्या बीएनपी नेत्यावर आरोप

सध्या बांगलादेशात मोठा राजकीय गोंधळ सुरु आहे. अंतरिम सरकारचे मुख्य सल्लागार मोहम्मद युनूस यांच्या एप्रिल २०२६ मध्ये सार्वत्रिक निवडणूका घेण्यावरुन तीव्र विरोध सुरु आहे. अशातच आणखी एक धक्कादायक वृत्त समोर आले आहे.

बांगलादेशात हिंदू तरुणीवर लैंगिक अत्याचार ; खालिदा जिया यांच्या पक्षाच्या बीएनपी नेत्यावर आरोप (फोटो सौजन्य: सोशल मीडिया)

Follow Us:

Follow Us:

Bangladesh News Marathi : ढाका : सध्या बांगलादेशात मोठा राजकीय गोंधळ सुरु आहे. अंतरिम सरकारचे मुख्य सल्लागार मोहम्मद युनूस यांच्या एप्रिल २०२६ मध्ये सार्वत्रिक निवडणूका घेण्यावरुन तीव्र विरोध सुरु आहे. अशातच आणखी एक धक्कादायक वृत्त समोर आले आहे. बांगलादेशात पुन्हा एक हिंदू समुदायावर हल्ला झाला आहे. बांदलादेशात एका हिंदू तरुणीचे लैंगिक शोषण करण्यात आले आहे. या घटनेवर देशभर हिंदू समुदायात संताप व्यक्त केला जात आहे. हिंदू समुदायाकडून न्यायाची मागणी केली जात आहे.

मिळालेल्या माहितीनुसार, बांगलादेशाच्या कुमिल्ला जिल्ह्यातील मुरादनगर भागात ही संतापजनक घटना घडली आहे. एका २१ वर्षीय हिंदू तरुणीवर लैंगिक अत्याचार करण्यात आला आहे. २१ वर्षीय तरुणी आपल्या वडिलांना भेटण्यासाठी हरिसेवा च्या धार्मिक उत्सावानिमित्त बांगलादेशात आली होती. या उत्सवादरम्यान ही घटना घडली.

चाकूचा धाक दाखवत तरुणीवर अत्याचार

पोलिसांनी दिलेल्या माहितीनुसार, आरोपीने तरुणीला चाकूचा धाक दाखवत तिच्या घरात घुसून जबरदस्तीने लैंगिक शोषण केले. याचा व्हिडिओ देखील आरोपीने बनवला. तसेच पीडीतेला व्हिडिओ व्हायरल करण्याची धमकी दिली. तिला पोलिसांमध्ये तक्रार केले तर ठार मारले जाईल अशीही धमकी पीडीतेला देण्यात आली.

जागतिक घडामोडी संबंधित बातम्या- Bangladesh News : शेख हसीनांना मोठा झटका! पिलखाना हत्याकांडावर स्वत:च्या लोकांनी दिली विरोधात साक्ष

बीएनपी पक्षाच्या नेत्याला अटक

ढाकाच्या पोलिसांनी दिलेल्या माहितीनुसार, या प्रकरणामध्ये बांगलादेश नॅशनलिस्ट पार्टी (बीएनपी) पक्षाच्या एका नेत्याला ताब्यात घेण्यात आले आहे. त्याने केवळ पीडीतेचे शोषण केले नाही, तर या घटनेचा व्हिडिओ देखील बनवला होता असे पोलिसांनी म्हटले. पीडीतेचा व्हिडिओ रेकॉर्ड करुन व्हायरल केल्याच्या आरोपाखाली आतापर्यंत तीन जणांना पोलिसांनी अटक केली आहे.

या घटनेने बांगलादेशाच्या कुमिल्लात लोकांमध्ये तीव्र संताप आहे. लोक रसत्यावर उतरले आहेत. तसेच आरोपींवरोधात कठोर कारवाईची मागणी केली जाते. संपूर्ण देशात संतापाचे वातावरण असून न्यायाची मागणी होता आहे.

हिंदू समुदायात संतापाचे वातावरण

काही दिवसांपूर्वीच पुन्हा एक हिंदू समुदायाच्या मंदिरांची तोडफोड करण्यात आली होती. यावरुन हिंदू समुदायामध्ये तीव्र संतापाचे वातावरण होते. अशात लैंगिक शोषणाच्या या घटनेने हा संताप अधिक तीव्र झाला आहे. यामुळे पुन्हा एकदा बांगलादेशात भारतीय समुदायाच्या सुरक्षिततेवर प्रश्न उभारले जात आहे. हिंदूंसोबतच, अहमदिया, मुस्लिम, बौद्ध धर्माच्या लोकांवरही अत्याचाराच्या घटनांमध्ये वाढ झाली आहे. यामुळे सध्या बांगलादेशात मोहम्मद युनूस यांच्या सरकारविरोधात तीव्र आंदोलन सुरु आहे.

जागतिक घडामोडी संबंधित बातम्या- ढाकामध्ये दुर्गा मंदिराची तोडफोड; भारताने बांगलादेश सरकारला फटकारले, हिंदू सुरक्षेचा प्रश्न ऐरणीवर

Web Title: Hindu women allegedly assaulted in bangladesh

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com