सुरक्षा हमीच्या बदल्यात अमेरिकेकडून तब्बल ८ लाख कोटींची शस्त्रे खरेदी करणार युक्रेन? काय आहे करार?

America Ukraine Arms Deal : अमेरिकेने युक्रेनला सुरक्षेची हमी दिली आहे. तर या बदल्यात युक्रेनने अमेरिकेसोबत १०० अब्ज डॉलर्सचा शस्त्र खरेदी करार केला आहे.

सुरक्षा हमीच्या बदल्यात अमेरिकेकडून तब्बल ८ लाख कोटींची शस्त्रे खरेदी करणार युक्रेन? काय आहे करार? (फोटो सौजन्य: सोशल मीडिया)

Follow Us:

Follow Us:

• डोनाल्ड ट्रम्प आणि वोलोडिमिर झेलेन्स्की बैठक यशस्वी
• अमेरिकेकडून सुरक्षेच्या हमीच्या बदल्यात युक्रेनचा शस्त्र खरेदी प्रस्ताव
• लवकरच पुतिन आणि झेलेन्स्कींची होणार भेट

Trump Zelensky Meet : वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) आणि युक्रेनचे अध्यक्ष वोलोडिमिर झेलेनस्की (Volodymir Zelensky) यांच्यात व्हाइट हाउसमध्ये बैठक पार पडली. यावेळी युरोपीय देश आणि नाटो प्रमुखही उपस्थित होते. रशिया युक्रेनमध्ये सुरु असलेले युद्ध थांबवण्यावर चर्चा करणे हा या भेटीचा उद्देश होता. ही बैठक यशस्वी झाली असल्याचे ट्रम्प यांनी म्हटले आहे. या बैठकीनंतर युरोपीय नेत्यानीही आनंद व्यक्त केला आहे.

तसेच या बैठकीनंतर ट्रम्प यांनी रशियाचे राष्ट्राध्यक्ष व्लादिमिर पुतिन (Vladimir Putin) यांना देखील याची माहिती दिली आहे. यामुळे आता रशिया आणि युक्रेनच्या राष्ट्राध्यक्षांमध्ये लवकरच शांतता बैठक होईल असे ट्रम्प यांनी म्हटले आहे.

हमासने टेकले गुडघे? युद्धबंदी आणि ओलिसांना सोडण्याची इस्रायलची अट केली मान्य; पण…

अमेरिका युक्रेन शस्त्र खरेदी करार 

• या बैठकीमध्ये युक्रेनला अमेरिकेकडून सुरक्षेची हमी डोनाल्ड ट्रम्प यांनी दिली आहे.
• या बदल्यात युक्रेनने अमेरिकेला १०० अब्ज डॉलर्सची शस्त्रे खरेदी आणि ५० अब्ज डॉलर्सच्या ड्रोन खरेदीचा प्रस्ताव मांडला आहे.
• या खरेदीसाठी युरोपीय देश युक्रेनला पैस उभारण्यात मदत करणार आहेत.
• पण ट्रम्प यांनी ही शस्त्रे थेट युक्रेनला न देता नाटो देण्याचे म्हटले आहे. यानंतर नाटो हवे असल्यास ही शस्त्रे युक्रेनला देऊ शकतो असे ट्रम्प यांनी म्हटले आहे.

बैठकीपूर्वी युरोपीय देशांपुढे मांडण्यात आला होता प्रस्ताव

झेलेन्स्की आणि ट्रम्प यांच्या बैठकीपूर्वी या करारावर युरोपीय देशासोबत चर्चा करण्यात आली होती. यामध्ये अमेरिकेकडून कोणती शस्त्रे आणि ड्रोन खरेदी केली जातील याची सर्व माहिती युरोपीय देशांना देण्यात आली. यानंतर बैठकीमध्ये हा प्रस्ताव मांडण्यात आला. या बदल्यात युक्रेनच्या अधिकाऱ्यांनी त्यांच्या संरक्षणासाठी अमेरिका निर्मित पॅट्रियट हवाई संरक्षण प्रणालीची मागणी आणि पायाभूत सुविधांच्या संरक्षणाची मागणी केली आहे.

पुतिन झेलेन्स्की भेट

या बैठकीनंतर पुतिन आणि झेलेन्स्की यांच्या परस्पर भेट होणार असल्याचे ट्रम्प यांनी सांगितले. सध्या यावर चर्चा सुरु असून यासाठी वेळ आणि जागा निश्चित केली जात आहे. येत्या १५ दिवसांत ही भेट होण्याची शक्यता असल्याचे जर्मन चान्सलर फ्रेडरिक मर्झ यांनी म्हटले आहे. तसचे या बैठीनंतर आणकी एक बैठक होणार असून यामध्ये राष्ट्राध्यक्ष डोनाल्ड ट्रम्प देखील उपस्थित राहणार आहेत.

चीनचे परराष्ट्र मंत्री आज पंतप्रधान मोदींना भेटणार; दोन्ही देशांमधील संबंध सुधारण्यावर देणार भर

Web Title: Ukraine signed a 100 billion dollars arms deal with america for security

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com