India US Relations : भारत-अमेरिका संबंध पुन्हा सुधारणार! विक्रम मिसरी-रुबियो भेटीनंतर चर्चांना वेग, जाणून घ्या दौऱ्यात काय घडलं?

India US Relations : अमेरिका आणि भारताचे संबंध पुन्हा रुळावर येताना दिसत आहे. भारताचे परराष्ट्र सचिव विक्रम मिसरी यांनी नुकतेच अमेरिकेचे परराष्ट्र मंत्री मार्को रुबियो यांची भेट घेतली. ही भेट अत्यंत सकारात्मक झाली आहे.

• भारत-अमेरिका संबंध पुन्हा सुधारणार
• विक्रम मिसरी-रुबियो भेटीनंतर चर्चांना वेग
• जाणून घ्या दौऱ्यात काय घडलं?

India US Relatiosn : नवी दिल्ली/वॉशिंग्टन :  पाकिस्तानमध्ये अमेरिका आणि इराण यांच्यामध्ये शांतता बोलणी (US Iran Peace Talks) सुरू असताना भारताचे परराष्ट्र सचिव विक्रम मिसरी यांनी त्यांचा अमेरिका दौरा पूर्ण केला. टॅरिफच्या वाढविण्यात आलेल्या दरांमुळे निर्माण झालेला तणाव कमी करण्याच्या दृष्टिने या द्विपक्षीय चर्चेसाठी हा दौरा अत्यंत महत्वाचा आहे. मिसरी यांनी अमेरिकन परराष्ट्रमंत्री मार्को रूबियो यांची भेट घेऊन त्यांच्याशी चर्चा केली. यानंतर आता पुढील महिन्यात रूबियो भारताच्या दौऱ्यावर येण्याची शक्ता वर्तविण्यात येत आहे.

Rising India: जगाला हवी S Jaishankar यांची दुर्बिण! प्रसिद्ध अमेरिकन अर्थतज्ज्ञाकडून त्यांच्या ‘या’ 3 मंत्रांची मोठी प्रशंसा

यामध्ये भारत, अमेरिका, ऑस्ट्रेलिया आणि जपान या देशामध्ये ‘क्वाड’ संघटना मजबूत करण्याचाबत भर देण्यात येणार आहे. मिसरी यांच्यासोबतच्या चर्चेनंतर असे वाटू लागले आहे की, अमेरिका भारतासोबत अधिक चांगले संबंध प्रस्थापित करण्यासाठी इच्छुक आहे. या चर्चेदरम्यान अमेरिकेचे राजदूत सार्जियो गोर सुद्धा उपस्थित होते. यावेळी एच-१ बी व्हिसाचा मुद्दा सुद्धा चर्चेला आला होता. अमेरिकेच्या सर्वोच्च न्यायालयाने ट्रम्प प्रशासनाने वाढविलेले टैरिफ दर रद्द केले आहे. यामुळे ट्रम्प प्रशासनाला मोठा धक्का बसला आहे.

परिणामी भारत-अमेरिका व्यापार करारासंबंधीची चर्चा थांबलेली आहे. व्यापार कराराच्या वेळी ही सावधानता बाळगावी लागेल की, अमेरिकेचे कृषी उत्पादने, तसेच दुग्ध उत्पादने आणि औषधी भारतात येता कामा नये. तथापि असे पाऊल उचलू नये की, ज्यामुळे भारतीय शेतक-यांना ते धोकादायक ठरतील. मिसरी आणि रूबियो यांची भेट अत्यंत योग्यवेळी झालेली आहे. अमेरिका आणि इराणच्या युद्धाबाबत ट्रम्प भारताच्या भूमिकेशी चांगलेच अवगत आहेत. युद्धादरम्यान ट्रम्प यांनी पंतप्रधान मोदी यांच्यासोबत दूरध्वनीद्वारे चर्चा केली.

अमेरिकेच्या परराष्ट्र मंत्र्यांच्या भारत दौ-वाव्या वेळी उभय देशांमध्ये जे व्यापार करार व्हायचे आहेत, त्यावरसुद्धा चर्चा होण्याची शक्यता आहे. भारत आणि अमेरिकादरम्यान असलेली मैत्री अधिक सुदृढ होणे हे दोन्ही देशांच्या हितासाठी अत्यंत महत्वाचे आहे. ट्रम्प यांच्या पहिल्या कार्यकाळात भारत-अमेरिका संबंधात अत्यंत जवळीक पाहायला मिळाली, परंतु सध्या मात्र यामध्ये काहीसा दुरावा आलेला दिसून येतो. ‘नमस्ते ट्रम्प आणि ‘हाऊडी मोदी यासारख्या बाबी आत्ता इतिहासजमा झालेल्या आहेत.

India China Tension : चीनने पुन्हा डिवचंल! अरुणाचल प्रदेशातील ठिकाणांची बदलली नावे; भारताने ‘असं’ सुनावलं की ड्रॅगनची बोलतीच बंद

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.