इस्रायलच्या शत्रूंनी व्हावे सावध! नेतन्याहूंच्या सैन्यात सामील होणार ‘हे’ धोकादायक शस्त्र

Israel News in Marathi : जगात इस्रायलच्या हवाई संरक्षणाला सर्वात जास्त ताकदवार मानले जाते. मात्र आता या हवाई संरक्षण यत्रंणेत आणखी एक शस्त्र तैनात केले जाणार आहे. यामुळे शत्रूचा थरकाप उडले. नेमकं काय आहे हे शस्त्र?

• इस्रायलच्या शत्रूंनी व्हावे सावध
• नेतन्याहूंच्या सैन्यात सामील होणार धोकादायक शस्त्र
• जाणून घ्या कोणते शस्त्र?

Israel News in Marathi : जेरुसेलम : सध्याच्या जागतिक राजकारणात तंत्रज्ञान हे केवळ विकासाचे साधन नव्हे, तर राष्ट्रीय सुरक्षेचे सर्वात मोठे शस्त्र आहे. याच पार्श्वभूमीवर इस्रायलची (Israel) हवाई संरक्षण यंत्रणा सध्या जगभरात चर्चेचा विषय बनली आहे. नुकतेच इराण आणि इस्रायल युद्धादरम्यान या संरक्षण प्राणालीची ताकद संपूर्ण जगाला पाहायला मिळाली आहे. पण आता इस्रायल आपल्या ताफ्यात असे शस्त्र अॅड करणार आहे, ज्यामुळे त्यांच्या सुरक्षा कवच आणखी मजबूत होईल.

PM नेतन्याहूंचा भारत दौरा स्थगित; सुरक्षेचा मुद्द्यांवरून उठल्या अफवा, इस्रायलने म्हटले…

इस्रायलच्या संरक्षण मंत्रालयाने दिलेल्या माहितीनुसार, ३० डिसेंबर रोजी ही प्रणाली त्यांच्या ताफ्यात सामील होणार आहे. इस्रायलच्या संरक्षण अधिकाऱ्यांनी दिलेल्या माहितीनुसार, इस्रायली सैन्याला लेजर सज्ज हवाई संरक्षण प्रणाली आयर्न बीम ने सुसज्ज केले जाणार आहे. यामुळे त्यांच्या हवाई संरक्षणात अधिक वाढ होईल. इस्रायलच्या संरक्षण मंत्रालयाचे प्रमुख निवृत्त ब्रिगेडियर डॅनियल गोल्ड यांनी याची माहिती दिली आहे. त्यांनी दिलेल्या माहितीनुसार, ३० डिसेंबर २०२५ रोजी इस्रायल संरक्षण दलाला आयर्न बीम दिले जाणार आहे. यामुळे भविष्यात इस्रायलला कोणताही धोका सहज रोखता येणे सोपे होईल.

काय आहे आयर्न बीम सीस्टम

• आयर्न बीम सिस्टम ही लेझर-सक्षम प्रणाली असून खास करुन हवाई संरक्षण प्रणालीसाठी विकसित करण्यात आली आहे.
• आयर्न बीम एक हाय-एनर्जी लेसर इंटरसेप्शन वेपन आहे. हे वेपन स्वस्त पण अत्यंत जीवघेणे आहे.
• हे वेपन रॉकेट, ड्रोन किंवा मोर्टार यांसारख्या धोकादायक आणि अत्यंत जलद, अचूक प्रहार करणाऱ्या क्षेपणास्त्रांचा मारा करु शकते.
• ही प्रणाली २०१४ मध्ये सिंगापूर एअर शोमध्ये प्रदर्शित करण्यात आली होती. तेव्हा इस्रायली संरक्षण कंपनी ‘राफेल अ‍ॅडव्हान्स्ड डिफेन्स सिस्टीम्स’ ने याला जगासमोर आणले.
• याचा उद्दिष्ट शत्रूच्या स्वस्त व झपाट्याने होणाऱ्या हल्ल्यांना कमी खर्चात अटकाव करणे. ही प्रणाली युद्धभूमीवर मोठा बदल घडवून आणू शकते.

काय आहे इस्रायलसाठी याचे महत्त्व?

इस्रायल सध्या अनेक आघाड्यांवर युद्ध लढत आहे. शिवाय इस्रायलच्या सीमाभागांमध्ये अनेक दहशतवादी गट आहे, शेजारी देशांकडून येणारे धोके आहे. तसेच वारंवर होणार रॉकेट आणि ड्रोन हल्ले आहे. यापासून सुरक्षा करण्यासाठी आयर्न बीम हे इस्रायलसाठी अत्यंत खास मानले जात आहे. यामुळे देशाच्या संरक्षणासाठी इस्रायलला हे तंत्रज्ञान अत्यंत योग्य आणि ताकदवार आहे. यामुळे इस्रायलच्या संरक्षण खर्चात बचत होईल. युद्ध तंत्रज्ञानातील ही प्रगती एकीकडे इस्रायलसाठी सुरक्षिततेचा कवच आहे, परंतु दुसरीकडे शेजारील देशांमध्ये अस्वस्थता वाढवणारी ठरते.

मध्य पूर्वेत पुन्हा युद्धाचे सावट! लेबनाॅनवरील हल्ल्यात हिजबुल्लाहच्या प्रमुखाचा खात्मा केल्याचा इस्रायलचा दावा