Global Power Shift : दोघांच्या भांडणात तिसऱ्याचा लाभ! अमेरिका-इराण युद्धात रशियाची चांदीच चांदी; पुतिन ठरले खरे विजयी?

Russia Oil Export : पश्चिम आशियातील अमेरिका-इराण संघर्षा जागतिक राजकारण आणि अर्थव्यवस्थेत मोठा बदल होत आहे. या संघर्षाचा सर्वाधिक फायदा रशियाला होत आहे. रशियाच्या तेलाची निर्यात वाढली असून पुतिन यांची चांदी झाली आहे.

• अमेरिका-इराण युद्ध रशियासाठी ठरले गेमचेंजर
• होर्मुझ सामुद्रधुनी बंद अन् रशियन तेल खरेदीत वाढ
• पुतिन यांचा खिसा गरम

Iran VS US-Israel conflict Profits Russia : मॉस्को : मध्यपूर्वेतील अमेरिका-इस्रायल विरुद्ध इराण युद्धाने (US-Israel Iran War) जागतिक राजकारणाच्या समीकरणात आणि अर्थव्यवस्थेत मोठा बदल घडला आहे. २८ फेब्रुवारी २०२६ रोडी इराणविरोधी लष्करी मोहिम अमेरिका-इस्रायलने सुरु केली होती. या युद्धात इराणचे सर्वोच्च नेते अयातुल्ला अली खामेनेई (Ayatollah Ali Khamenei) यांचा मृत्यू झाला. त्यानंतर या युद्धाने रौद्र रुप धारण केले आहे. यामुळे मध्यपूर्वेत प्रचंड अस्थिरता पसरली असून होर्मुझ खाडी बंद झाल्याने जागतिक तेल बाजाराला आणि अर्थव्यवस्थेला मोठा फटला बसला आहे. मात्र या युद्धाच्या आगीत सर्वात जास्त लाभ हो रशियाचा झाला आहे.

World War : आता पाकिस्तान-इराणमध्ये युद्ध पेटणार? लष्करप्रमुख मुनीर यांची शिया धर्मगुरूंना ‘ती’ धमकी अन्…, जगभरात खळबळ

मध्यपूर्वत संघर्षामुळे रशियाला जॅकपॉट

पश्चिम आशियातील(Middle East) तणावामुळे स्ट्रेट ऑफ होर्मुझ मधील तेल पुरवठा विस्कळीत झाला आहे. याचा थेट परिणाम जागतिक बाजारपेठेवर होताना दिसत आहे. इंधन दर गगनाला भिडले आहेत परंतु ही परिस्थिती रशिया(Russia) साठी नफादायक ठरली आहे. पाश्चात्य देशांच्या रशियावरील निर्बंधांना न जुमानता रशियाने महागड्या दरात केल विकले आहे. ज्यामुळे अब्जावधीच डॉलर्स रशियाच्या तिजोरीत पडत आहे. भारतासह अनेक आशियाई देशांना पर्यायी पुरवठा म्हणून रशियाकडे मोर्चा वळवला आहे. तसेच अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी स्वत:रशियावरील निर्बंध कमी केले आहे. ज्यामुळे मोठा फायदा व्लादिमिर पुतिन (Vladimir Putin) यांना होत आहे.

युक्रेनची कोंडी

दुसरीकडे या संघर्षाचा सर्वाधिक फटका मात्र युक्रेनला बसण्याची शक्यता आहे. अमेरिकेने इराणच्या हल्ल्यांकडून बचावासाठी अचूक मारा करणारी शस्त्रे, पॅट्रियट इंटरसेप्टर मध्यपूर्वेच्या दिशेने वळवली आहेत. तसेच युक्रेनला दिल्या जाणाऱ्या शस्त्रास्त्रांचा पुरवठाही थांबला आहे. ज्याचा रशियाविरुद्धच्या युद्धात वापर होणार होता. परंतु अमेरिका इराणकडे वळली असल्याचे युक्रेनची संरक्षण क्षमता कमकुवत झाली आहे. यामुळे भविष्यात रशियाच्या हल्ल्यांना रोखणे युक्रेनला कठीण जाऊ शकते असे अध्यक्ष वोलोडिमिर झेलेन्स्की (Volodymir Zelensky) यांनी चिंता व्यक्त केली आहे.

रशिया इराण मैत्री

या युद्धामुळे रशिया आणि इराणची लष्करी आणि गुप्तचर सहकार्याला अधिक बळकटी मिळाली आहे. इराण सध्या शस्त्रास्त्रांसाठी रशियावर अवलंबून आहेत. यापूर्वी रशियाला इराणकडून ड्रोन मिळत होते आता याबदल्यात रशिया त्याला अमेरिकन तळांची गुप्तचर माहिती पुरवत आहे.

धोक्याची घंटा

पण सध्या रशियाला फायदा होत असला तरी यामध्ये मोठी जोखीम आहे. इराणची सत्ता कोलमडल्यास किंवा इराणने अमेरिकेशी तडजोड केल्यास रशियाला सर्वात मोठा मित्र गमावून बसेल. तसेच इराणच्या ड्रोन कारख्यान्यांचे नुकसान झाल्यास युक्रेन युद्धात रशियाचा शस्त्रपुरवठा खंडित होऊ शकतो. यामुळे सध्या मोठी अनिश्चितता निर्माण झाली आहे.

Israel Iran War : इस्रायलला मोठा दणका! ‘Iron Dome’ चा रक्षकच निघाला इराणी जासूस, जगभरात खळबळ