सोमवार, 28 सप्टेंबर 2026
फोटो सौजन्य सोशल मीडिया
इमरान खान आजारी असल्याचे कळल्यापासून पाकिस्तानमध्ये त्यांच्याबद्दल सहानभूती वाढत चालली आहे . यात भर म्हणून गेल्या काही काळात जगभरातील ठराविक खेळाडूंनी इमरान खान यांना व्यवस्थित उपचार आणि वागणूक मिळावी यासाठी पाकिस्तान सरकारला पत्र पाठवले होते . इमरान खान यांनी स्थापन केलेल्या पार्टीने वारंवार इमरान खान वरील आरोप फेटाळले असून त्यांच्या सुटकेसाठी आंदोलने , लॉन्ग मार्च काढले आहेत .
पण या सगळ्याचा सरकारवर काहीच फरक पडला नसून , इमरान यांना सोडण्यात आलेले नाही . याच पार्श्वभूमीवर त्यांच्या पक्षाने पुन्हा एकदा मोठा लॉन्ग मार्च काढणार असल्याचे जाहीर केले . आणि पाकिस्तानमध्ये वातावरण गरम व्हायला सुरवात झाली . या आगीत भर पडली ती इम्रान खान यांच्या बहिणीची ,अलीमा खान यांनी आपण मोर्च्यात सहभागी होणार असल्याचे जाहीर केले .
यानंतर लगेच अलीमा खान यांना अटक केली . पाकिस्तानमध्ये इमरान खान यांच्या PTI या पक्षाच्या कार्यकर्त्यांना ताब्यात घ्यायला सुरवात केली ,यामुळे पाकिस्तान सरकार आणि PTI यांच्यात गरमा गरमी झाली . यामुळे संभाव्य मोर्चा पुढे ढकलण्यात आला आहे .
Britain News : फेअरफोर्ड हवाई तळावरील ५ अटक प्रकरणाशी संबंध नाही; इराणचा स्पष्ट इन्कार
मोठ्या प्रमाणात झालेल्या कार्यकर्त्यांच्या धरपकडीमुळे PTI ला इमरान खान यांच्या समर्थनार्थ इस्लामाबादमध्ये नियोजित आंदोलन काही काळासाठी पुढे ढकलले आहे . त्यामुळे पाकिस्तानच्या राजधानीतील राजकीय वातावरणात तणाव कायम असला तरी आंदोलनाची तीव्रता फक्त थोडीच कमी झाली आहे .
पण PTI च्या कार्यकर्त्यांनी सरकारने कितीही दबाव आणला तरी इमरान खान यांना फुकटचा बळी जाऊन देणार नाही , त्यासाठी काहीही करण्याची तयारी दाखवल्याचे सूत्रांच्या माहितीवरून समजते आहे .
प्लास्टिकचे , लोखंडाचे छोटे बॅरेकेट्स सहज आंदोलनकर्त्यांकडून लांब फेकून दिले जातील . अश्रू धूर चा सुद्धा बंदोबस्त केला जाईल म्हणून पाकिस्तान सरकार ने मोठमोठे कार्गो कंटेनर इस्लामाबादच्या महत्वाच्या रस्त्यांवर आणून ठेवले आहेत . त्याची रचना एखाद्या भिंतीसारखी करून ठेवलेली आहे .
यासाठी सुमारे ३५०० कंटेनर तैनात केले आहेत . वाहतूक आणि आंदोलनकर्त्यांच्या हालचालीवर नियंत्रण ठेवण्यासाठी सुरक्षा व्यवस्था मोठ्या प्रमाणात वाढवण्यात आली आहे . हे कंटेनर लावत असताना कार्यकर्तेही लांबून बघून अंदाज घेत आहेत . असे समजते आहे .
SpaceX Starship: ची ऐतिहासिक झेप! महाकाय रॉकेट पहिल्यांदाच पृथ्वीच्या कक्षेत
जणू काही पाकिस्तानमध्ये आणीबाणीची वेळ आल्यासारखे पाकिस्तान सरकार तुफान तयारीत रमले आहे . शहरात तब्बल १८ हजार सुरक्षा कर्मचारी तैनात केले असून , या मोठ्या सुरक्षा बंदोबस्तासाठी प्रशासनाला दररोज ३ लाख डॉलरहून अधिकचा खर्च येत असल्याचे सांगितले जात आहे . पाकिस्तानात आता मोर्चा कधी निघतोय आणि धुमचक्री सुरु होतेय याकडे जगाचे लक्ष लागले आहे .
