फातिमा जिना ते इम्रान खान… पाकिस्तानचे नेते ज्यांच्यावर लष्कराने लादला देशद्रोहाचा ठपका, जाणून घ्या

Pakistan Politics : पाकिस्तानमध्ये गेल्या अनेक दशकांपासून सत्तेसाठी लष्कर आणि लोकशाहीवादी नेत्यांमध्ये संघर्ष सुरु आहे. आतापर्यंत लष्कराने अनेक नेत्यांना देशासाठी धोकादायक ठरवले आहे. जाणून घ्या कोणते नेते?

• पाकिस्तानमध्ये परिस्थिती अधिक बिकट
• फातिमा जिना ते इम्रान खान या नेत्यांना लष्कराने देशासाठी ठरवले धोकादायक
• जाणून घ्या संपूर्ण इतिहास

Pakistan News in Marathi : इस्लामाबाद : सध्या पाकिस्तानमध्ये परिस्थिती अजूनही बिकट आहे. पाकिस्तानचे (Pakistan) माजी पंतप्रधान इम्रान खान (Imran Khan) रावळपिंडीच्या अदियाला तुरुंगात कैद असून त्यांच्या समर्थकांनी सरकारविरोधात मोर्चा काढला आहे. खान यांच्या सुटकेची मागणी केली जात आहे. तसेच शाहबाज सरकारवर आणि लष्करावर अनेक गंभीर आरोप लादले जात आहे. याच वेळी खान यांच्या बहिणी ही परिस्थिती लष्करप्रमुख असीम मुनीर (Asim Munir) यांच्यामुळे उद्भवली असल्याचे म्हटले आहे.

पाकिस्तानमध्ये हिंदू मंदिराची अवस्था पाहून येईल डोळ्यात पाणी; हजारो देवस्थानं झाली खंडर

लष्कर आणि सरकारने मधील संघर्ष

लष्कराने इम्रान खान यांना देशासाठी धोका ठरवले आहे. पण लष्कराने एखाद्या नेत्याला देशासाठी धोकादायक ठरवण्याची ही पहिलीच वेळ नाही. पाकिस्तानमध्ये सत्ता संघर्ष हा देशाच्या स्थापनेपासूनच सुरु आहे. लोकशाही वादी नेते आणि लष्करामध्ये अनेक दशकांपासून वर्चस्वाची लढाई सुरु आहे. यापूर्वी पाकिस्तानच्या लष्कराने फातिमा जिन्ना, बेनजीर भुट्टो आणि सध्याच्या घडीला इम्रान खान यांना राष्ट्रीय सुरक्षेसाठी धोकादायाक ठरवले आहे. या नेत्यांच्या लोप्रियतेते जेव्हा जेव्हा वाढ झाली, तेव्हा लष्कराने त्यांच्याविरोधात खेळी खेळली आहे. अशा लोकशाही वादी नेत्यांना देशद्रोही घोषित करणे ही पाकिस्तानमध्ये एक परंपराच बनली आहे.

फातिमा यांच्यावर देशद्रोहाचा आरोप

फातिमा जिन्ना यांच्या काळात लष्करप्रमुख अय्यूब खानने सत्ता ताब्यात घेतल्यानंतर त्यांच्याविरोधात जनतेमध्ये विष पेरण्याचा प्रयत्न केला होता.राष्ट्रीपती निवडणुकांमध्ये त्यांना देशद्रोही म्हटले गेले होते. फातिमा यांच्या चारित्र्यावर अनेक गंभीर आरोप करण्यात आले होते. तसेच त्यांना पाकिस्तानला तोडण्याचा प्रयत्न केल्याचा आरोपही करण्यात आला होता. त्यावेळी पाकिस्तानचे संस्थापक मुहम्मद अली जिन्ना यांनी अय्यूब खानच्या राजकीय हेतूंबद्दल चिंता व्यक्त केली होती.

बेनजिर भुट्टो देशाच्या सुरक्षेसाठी धोकादायक

असेच काहीसे जुल्फिकार अली भुट्टो यांच्या सोबतही घडले होते. पाकिस्तानच्या संविधानाची रचना भुट्टो यांनी केली होती. पंरतु त्यांना लष्कराने देशद्रोही ठरवले आणि फाशीची शिक्षा दिली. त्यांची मुलगी बेनजीर भुट्टो यांना देखील लष्कराने राष्ट्रीय सुरक्षेला धोका ठरवत होते. बेनजिर यांच्या कारकिर्दीतही सत्तेसाठी लष्कर आणि सरकारमध्ये संघर्ष कायम राहिला.

सध्या देखील पाकिस्तानचे माजी पंतप्रधान इम्रान खान यांच्या बाबतीत हीच परिस्थिती आहे. इम्रान खान २०२३ पासून तुरुंगात कैद आहेत. त्यांच्यावर तुरुंगहात अत्याचाराच्या, एकाकीकरणाच्या आणि भेटींवर निर्बंधाच्या तक्रारी आल्या आहेत. त्यांच्या कुटुंबीयांच्या मते, खान यांना जाणूनबुजून त्रास दिला जात आहे. त्यांची लोकप्रियता कमी करण्यासाठी मुनीरने त्यांच्यावर देशद्रोहाचा लेबल लावले आहे. सध्या परिस्थिती अधिक बिकट झाली आहे.

माजी पाक PM इम्रान खानवरुन पाकिस्तानमध्ये गोंधळ सुरुच; सरकारने बोलवली आपत्कालीन बैठक, नेमकं कारण काय?