POK News : JAAC चा नवा एल्गार; विधानसभेतील १२ राखीव जागा रद्द करण्याची मागणी

POK News : पाकव्याप्त काश्मीरमध्ये JAAC ने आता आर्थिक प्रश्नांसोबत राजकीय मुद्द्यांवरही आक्रमक भूमिका घेतली आहे. विधानसभेतील पाकिस्तानात स्थायिक काश्मिरी निर्वासितांसाठीच्या १२ राखीव जागा रद्द करण्याची मागणी JAAC कडून करण्यात आली आहे. या जागांमुळे इस्लामाबादचा स्थानिक राजकारणावर प्रभाव वाढतो, असा समितीचा दावा आहे .

• बारा जागा रद्द करण्याची मागणी
• आंदोलनाला आंतरराष्ट्रीय स्वरूप देण्याचा प्रयत्न
• पाकिस्तान सरकार विरुद्ध तीव्र संघर्ष

POK News : गेल्या काही महिन्यांपासून JAAC ( जॉईंट आवामी ऍक्शन कमिटी ) या POK मधील संघटनेने पाकिस्तान सरकार विरोधात एक मोठे आंदोलन उभे केले आहे . बरीच वर्ष चाललेली पिळवणूक आणि आर्थिक , सामाजिक , शैक्षणिक , स्थरावर झालेली POK ची पीछेहाट या सारख्या असंख्य गोष्टींमुळे हा उद्रेक झाला आहे .

पाकिस्तानने जबरदस्ती POK तर आपल्या ताब्यात ठेवला पण तोच POK आता पाकिस्तानच्या सरकारला नाकी नऊ आणत आहे . आणि का म्हणून आणू नये . फक्त धर्म धर्म आणि भारता विरोधी राग आवळल्याने तुम्ही एकदा दोनदा जनतेला मूर्ख बनवू शकाल पण तेच तेच मुद्दे पुन्हा पुन्हा तुमच्या कामाला येणार नाहीत . सरते शेवटी माणसाला लागणाऱ्या मूलभूत गरजाही लोकांना मिळाल्या नाहीत जीवन अवघड झालं तर बंड हे होणारच .

बारा जागा रद्द करण्याची मागणी

POK मधील विधान सभेत १२ जागा या राखीव आहेत . या जागा पाकिस्तानमधील स्थायिक झालेल्या निर्वासित काश्मिरींसाठी राखीव आहेत . JAAC यांचा असा आरोप आहे कि या जागांचा वापर हा इस्लामाबादकडून POK मध्ये सरकारवर वर्चस्व ठेवण्यासाठी केला जातोय . त्यामुळे आंदोलन आता राजकीय स्वायत्तता ,स्थानिक प्रतिनिधित्व , आणि पाकिस्तानच्या हस्तक्षेपाला विरोध या मुद्द्यांवर गेले आहे .

पाकिस्तान कडून प्रत्येक मार्गाने होणारी गळचेपी आता POK मधील नागरिकांनी ओळखली असून ते आता त्याला कडाडून विरोध करत आहेत . त्यासाठी त्यांनी राखीव १२ जागा रद्द करण्याची मागणी केली आहे .

Donald Trump: अमेरिका-कॅनडा व्यापारयुद्ध भडकणार? ट्रम्प यांची 1 जानेवारीपासून 50 टक्के टॅरिफची धमकी

आंदोलनाला आंतरराष्ट्रीय स्वरूप देण्याचा प्रयत्न

पाकिस्तानच्या स्वातंत्रदिनाच्या दिवशी POK मध्ये आंदोलन सुरूच होते . त्या दिवसानिमित्त तरी जगभरात JAAC च्या आंदोलनाची दखल घेतली जाईल असा त्यांचा हेतू होता . त्यासाठी त्यांनी जगभरात राहणाऱ्या काश्मिरी लोकांना आवाहन करून जगभरात वेगवेगळ्या ठिकाणी आंदोलन करायला सांगितले होते . त्याप्रमाणे जगभरात छोट्या मोठ्या प्रमाणात आंदोलनं झाली सुद्धा , पण त्याची चर्चा मात्र जागतिक पटलावर तीव्रतेने झाली नाही . असे राजकीय जाणकार सांगतात . पण या निमित्ताने आंदोलन आंतरराष्ट्रीय करण्यासाठीचा प्रयत्न झाला हे नाकारता येत नाही .

Hardeep Singh Nijjar: तीन वर्षांनंतर गोल्डी ब्रारची ऑडिओ क्लिप व्हायरल; ‘या’ कारणासाठी केली खलिस्तानी दहशतवाद्याची हत्या

पाकिस्तान सरकार विरुद्ध तीव्र संघर्ष

पाकिस्तान सरकारला आपल्या जनतेची काळजी घेणे व्यवस्थित जमत नसताना POK ताब्यात घेऊन तेथील लोकांची सुद्धा ससेहोलपट केली . किंबहुना सुरु आहे . पाकिस्तानवर वाढते कर्ज , गरिबी , बेरोजगारी , महागाई , अधून मधून होणारे बॉम्बस्फोट यावर सरकार त्रस्त असताना POK मधील आंदोलने , संघर्ष चिंतेचा विषय बनले आहेत .

या संघर्षात बऱ्याचदा हिंसा देखील घडली आहे . अमानुष असा सैन्याचा वापर सुद्धा केला गेला आहे . पण आता POK मधील नागरिक पाकिस्तानपासून वेगळे झाल्याशिवाय हा संघर्ष थांबेल असे सध्या तरी राजकीय विश्लेषकांना वाटत असल्याचे बोलले जात आहे .