गुरुवार, 13 ऑगस्ट 2026
फोटो सौजन्य AI
ग्रहणाचे दुर्मिळ दृश्य सोशल मीडियावरही मोठ्या प्रमाणात शेअर करण्यात आले. वैज्ञानिकांनी मात्र सूर्यग्रहण पाहताना डोळ्यांच्या सुरक्षिततेची विशेष काळजी घेण्याचा सल्ला दिला. प्रमाणित सोलर फिल्टरशिवाय थेट सूर्यकडे पाहणे टाळण्याचे आवाहन करण्यात आले.
चंद्र सूर्य आणि पृथ्वीच्या मध्ये आल्याने सूर्याचा प्रकाश काही काळ झाकोळला गेला. यामुळे अनेक भागांत दिवसाच्या उजेडात अचानक अंधाराची अनुभूती निर्माण झाली. हे अद्भुत दृश्य पाहण्यासाठी हजारो लोक मोकळ्या मैदानांपासून समुद्रकिनाऱ्यांपर्यंत जमले होते.
स्पेन आणि आइसलँडमध्ये या खगोलीय घटनेचा सर्वाधिक प्रभाव पाहायला मिळाला. उत्तर स्पेनमधील काही भागांत काही मिनिटांसाठी सूर्य पूर्णपणे चंद्रामागे लपला. पोर्तुगालच्या काही भागांतही पूर्ण सूर्यग्रहणाचा अनुभव घेता आला.
युरोपातील इतर भागांमध्ये मात्र आंशिक सूर्यग्रहण दिसले. ब्रिटन, फ्रान्स, जर्मनी आणि इटलीसह अनेक देशांमध्ये सूर्याचा मोठा भाग चंद्रामुळे झाकला गेला.
युरोपच्या मुख्य भूभागावर १९९९ नंतर पुन्हा पूर्ण सूर्यग्रहण पाहण्याची संधी मिळाल्याने या घटनेबाबत विशेष उत्सुकता होती. खगोलशास्त्रप्रेमी आणि सर्वसामान्य नागरिकांनी हे दृश्य कॅमेऱ्यात कैद केले.
सूर्यग्रहण पाहताना नागरिकांनी प्रमाणित सोलर फिल्टर किंवा ग्रहण चष्म्यांचा वापर केला. सूर्याच्या दिशेने थेट पाहणे डोळ्यांसाठी धोकादायक असल्याने विशेष काळजी घेण्याचे आवाहन करण्यात आले.
या दुर्मिळ खगोलीय घटनेमुळे युरोपातील अनेक भागांत विज्ञान आणि खगोलशास्त्राचा उत्साह पाहायला मिळाला. सूर्यग्रहणाची छायाचित्रे आणि व्हिडिओ सोशल मीडियावरही मोठ्या प्रमाणात व्हायरल झाले.
