ट्रम्प यांनी शेवटच्या क्षणी ‘ड्रॅगन’सोबत केला करार; टिकटॉकवरील बंदीपासून अमेरिकन तरुणांना दिलासा ( फोटो सौजन्य : सोशल मीडिया)
USA China Madrid talks : अमेरिका आणि चीनमधील संबंध कायमच तणावपूर्ण असतात. एकीकडे व्यापारयुद्ध, तर दुसरीकडे राष्ट्रीय सुरक्षेच्या कारणास्तव तंत्रज्ञान क्षेत्रात वाढणारा अविश्वास. पण या तणावाच्या वातावरणातही अमेरिकेचे राष्ट्राध्यक्ष डोनाल्ड ट्रम्प यांनी शेवटच्या क्षणी चीनसोबत केलेला ‘टिकटॉक डील’ हा मोठा दिलासा देणारा ठरला आहे.
१५ सप्टेंबर २०२५ रोजी डोनाल्ड ट्रम्प यांनी जाहीर केले की, अमेरिकन बाजारपेठेत टिकटॉक सुरू राहील. याआधी त्यांच्या प्रशासनाने चिनी ॲपला १७ सप्टेंबरपर्यंत अमेरिकन मालकीच्या अटी पूर्ण करण्याची डेडलाईन दिली होती. पण डेडलाईनपूर्वीच हा करार साधला गेला. अमेरिकेत जवळपास १७ कोटी वापरकर्ते टिकटॉकवर सक्रिय आहेत. त्यामुळे ही घोषणा लाखो तरुणांसाठी आनंदाची ठरली आहे. ट्रम्प यांनी सोशल मीडियावर लिहिले की, “युरोपमध्ये अमेरिका-चीनमधील व्यावसायिक बैठक खूप यशस्वी झाली! एका विशेष कंपनीवरही करार झाला, जी आपल्या देशातील तरुणांसाठी महत्त्वाची आहे. त्यांना खूप आनंद होईल! मी लवकरच राष्ट्राध्यक्ष शी जिनपिंग यांच्याशी बोलेन. आमचे संबंध अजूनही मजबूत आहेत.”
जागतिक घडामोडी संबंधित बातम्या वाचण्यासाठी येथे क्लिक करा : Gen-Z protest : नेपाळचे संपूर्ण राजकारण अवघ्या 3 दिवसांत बदलले; सुशीला कार्की यांच्या विरोधात Gen-Z मैदानात उतरले
१९ जानेवारी २०२५ रोजी अमेरिकेने औपचारिकरित्या बाईटडान्सच्या टिकटॉक ॲपवर बंदी घातली होती. मात्र, ॲप अजूनही अमेरिकेत उपलब्ध आहे. कारण, बाईटडान्सने आपला अमेरिकन हिस्सा विकण्यासंबंधी चर्चा सुरू ठेवली आहे. २०२४ मध्ये अमेरिकन संसदेने कायदा केला होता की, जर बाईटडान्सने अमेरिकन हिस्सा विकला नाही, तर टिकटॉकवर पूर्णपणे बंदी लागू होईल. यामुळे सततची अनिश्चितता निर्माण झाली होती. या पार्श्वभूमीवर ट्रम्प यांनी आता डील साधून वातावरणात दिलासा दिला आहे.
🚨DEVELOPING🚨 Trump appears to have reached a deal with China that will allow TikTok to continue operating in the US. What does this mean for the $VINE revival? Are you still bullish? pic.twitter.com/UdvFIXch2N — Drew Doss (@drew4worldruler) September 15, 2025
credit : social media
या निर्णयाच्या पार्श्वभूमीवर माद्रिदमध्ये अमेरिका आणि चीनचे उच्चस्तरीय अधिकारी चर्चेसाठी एकत्र आले. अमेरिकन शिष्टमंडळाचे नेतृत्व ट्रेझरी सेक्रेटरी स्कॉट बेसंट आणि व्यापार प्रतिनिधी जेमसन ग्रीर यांनी केले. तर चीनच्या बाजूने उपपंतप्रधान हे लाइफेंग उपस्थित होते. या बैठकीत द्विपक्षीय संबंध, व्यापार वाद आणि तंत्रज्ञान क्षेत्रातील तणाव या मुद्द्यांवर सखोल चर्चा झाली. दोन्ही देशांतील संवाद हा आंतरराष्ट्रीय व्यापारासाठी महत्त्वाचा टप्पा मानला जात आहे.
अमेरिका-चीनमधील संबंध फार गुंतागुंतीचे आहेत. व्यापारयुद्ध, तंत्रज्ञान कंपन्यांवरील मर्यादा, राष्ट्रीय सुरक्षेचे प्रश्न आणि भू-राजकीय स्पर्धा यामुळे दोन्ही देश एकमेकांवर दबाव आणत असतात. चीनने अमेरिकेच्या भूमिकेवर तीव्र प्रतिक्रिया दिली आहे. विशेषतः, अमेरिका जी७ आणि नाटो देशांना चीनवर शुल्क लादण्याचे आवाहन करत असल्याने बीजिंगने त्याला ‘धमकी’ आणि ‘आर्थिक दबाव’ असे म्हटले आहे. चीनने इशारा दिला आहे की, जर असे पाऊल उचलले गेले तर प्रत्युत्तरात्मक कारवाई होईल.
टिकटॉक हे केवळ एक मनोरंजन ॲप नाही, तर ते अनेक तरुणांच्या अभिव्यक्तीचे साधन बनले आहे. अमेरिकेतील १७ कोटी वापरकर्त्यांसाठी ही घोषणा महत्त्वपूर्ण आहे. करारामुळे त्यांच्या दैनंदिन वापरात कोणताही अडथळा येणार नाही.
जागतिक घडामोडी संबंधित बातम्या वाचण्यासाठी येथे क्लिक करा : Trump News : शांतीदूत बनण्याचे नाटक करून ट्रम्प स्वतःच युद्धाच्या तयारीत व्यस्त; ‘या’ देशावर करणार हल्ला?
तज्ज्ञांच्या मते, हा करार तात्पुरता दिलासा असला तरी अमेरिका-चीनमधील संबंध कायमस्वरूपी सुधारले आहेत असे म्हणता येणार नाही. दोन्ही देशांमध्ये विश्वास निर्माण होण्यासाठी आणखी पावले उचलावी लागतील.
