बुधवार, 4 नोव्हेंबर 2026
भारत आणि न्यूझीलंड यांच्यात सध्या पाच सामन्यांची एकदिवसीय मालिका सुरु आहे. आज खेळलेल्या पहिल्या सामन्यात स्टार फलंदाज विराट कोहलीने शानदार फलंदाजी करत ७४ धावा केल्या. काही धावांमुळे कोहली शतक हुकले. कोहलीने नुकतेच वेस्टइंडिज विरुद्धच्या एकदिवसीय मालिकेत शतक ठोकून सचिनचा विक्रम मोडला होता. परंतु तुम्हाला माहितीये का, एकदिवसीय सामन्यांमध्ये भारताकडून सर्वाधिक शतक करणारे फलंदाज कोणते आहेत, जाणून घ्या. (Top 5 Indian batters with most century)
Top 5 Indian batters with most century
विराट कोहली- भारतासाठी एकदिवसीय क्रिकेटमध्ये सर्वाधिक शतके करणाऱ्या फलंदाजांच्या यादीत विराट कोहली अव्वल स्थानी आहे. त्याने आतापर्यंत या फॉरमॅटमध्ये ५५ शतके झळकावली आहेत. तो केवळ भारताचाच नव्हे, तर जगातीलही सर्वाधिक एकदिवसीय शतक करणारा फलंदाज आहे.
सचिन तेंडुलकर- या यादीत सचिन तेंडुलकर ४९ शतकांसह दुसऱ्या क्रमांकावर आहे. तो भारतातील आणि जगातील दुसरा सर्वाधिक एकदिवसीय शतक करणारा खेळाडू देखील आहे.
रोहित शर्मा- रोहित शर्माने आतापर्यंत एकदिवसीय क्रिकेटमध्ये एकूण ३५ शतक झळकावली आहेत. शतकांच्या बाबतीत तो विराट कोहलीपेक्षा मागे आहे. रोहित आणि विराट यांच्यामध्ये २० शतकांचा फरक आहे.
सौरव गांगुली - एकदिवसीय सामन्यांमध्ये भारतासाठी सर्वाधिक शतक करणाऱ्यांच्या यादीत सौरव गांगुली २२ शतकांसह चौथ्या क्रमांकावर आहे.
शिखर धवन- शिखर धवन १७ शतकांसह या यादीत पाचव्या क्रमांकावर आहे. त्याने २०१० ते २०२२ या काळात एकदिवसीय क्रिकेटमध्ये भारताचे प्रतिनिधित्व केले.
