एकीकडे इस्रायल-हमास (Israel Hamas War) युद्धादरम्यान एक वाईट बातमी येत आहे. वृत्तानुसार, रशियाचे राष्ट्राध्यक्ष व्लादिमीर पुतिन यांना हृदयविकाराचा झटका(Heart Attack) आला आहे. ही बातमी टेलिग्राम ग्रुप जनरल एसव्हीआरने शेअर केली आहे. या गटाचा दावा आहे की ते रशियामधील सेवानिवृत्त गुप्तचर अधिकारी आणि क्रेमलिन अधिकाऱ्यांकडून माहिती मिळवली आहे.
[read_also content=”‘या’ राज्यात केलं जात देशातील सर्वात मोठं रावणदहन, महाकाय रावणासाठी 18 लाख रुपये खर्च! https://www.navarashtra.com/india/worlds-biggest-171-feet-ravana-effigy-for-dussehra-celebration-18-lakh-rupee-nrps-473501.html”]
काही ब्रिटीश वृत्तवाहिन्यांनीही दिलेल्या माहितीनुसर, रविवारी रात्री ९.०५ वाजण्याच्या सुमारास त्यांच्या सुरक्षा रक्षकांनी काहीतरी जमिनीवर आदळल्याचा आवाज ऐकला तेव्हा ते खोलीत धावले. जेव्हा पुतिन हे त्यांच्या बेडरूममध्ये फरशीवर पडलेले आढळले.
जनरल एसव्हीआर टेलिग्राम ग्रुपच्या म्हणण्यानुसार, जेव्हा राष्ट्राध्यक्ष व्लादिमीर पुतिन हृदयविकाराच्या झटक्याने पडले तेव्हा त्यांच्या हाताने टेबलावर ठेवलेल्या भांड्यांना स्पर्श केला असावा, ज्याचा आवाज ऐकून त्यांचे सुरक्षा अधिकारी खोलीत धावत आले. जेव्हा त्याने तिथे येऊन पुतिन यांना जमिनीवर पडलेले पाहिले. यानंतर पुतिन यांना त्यांच्या घरी तयार करण्यात आलेल्या एसआयसीयूमध्ये दाखल करण्यात आले, जिथे सर्व उपचार सुविधा उपलब्ध आहेत.
टेलिग्राम चॅनेलच्या दाव्यांनुसार, व्लादिमीर पुतिन सध्या त्यांच्या अधिकृत निवासस्थानी विशेष अतिदक्षता विभागात (SICU) आहेत. हृदयविकाराच्या झटक्याने आल्यानंतर त्यांना येथे आणण्यात आले. चॅनलचा दावा आहे की डॉक्टरांनी वेळेत त्यांच्यावर हृदय शस्त्रक्रिया केली आणि त्यानंतर पुतिन शुद्धीवर आले. गेल्या काही महिन्यांपासून रशियाचे राष्ट्राध्यक्ष व्लादिमीर पुतिन स्वादुपिंडाच्या कर्करोगाने ग्रस्त असून त्यांची प्रकृती ठीक नसल्याच्या बातम्या सातत्याने येत आहेत. मात्र, काही दिवसांपूर्वी पुतिन चीनच्या दौऱ्यावर गेले होते, तिथे ते आजारी असल्याचे अजिबात दिसत नव्हते.
