3 ऑक्टोबरला Kia कडून ‘या’ 2 नवीन कार मार्केटमध्ये होणार लाँच, जाणून घ्या किंमत

भारतात 3 ऑक्टोबरपासून नवरात्रीला सुरुवात होणार आहे. हे लक्षात घेऊन अनेक ऑटो कंपनीज आपल्या आगामी कार्स लाँच करण्यास सज्ज झाले आहे. नवरात्री सुरू होताच नवीन वाहनांची लाँचिंग सुरू होईल. 3 ऑक्टोबर रोजी Kia कडून देशात दोन कार लाँच होणार आहेत.

फोटो सौजन्य: Social Media

Follow Us:

Follow Us:

भारतीय ऑटोमोबाईल क्षेत्रात रोज नवनवीन कार्स लाँच होत आहे. आता याला अधिकच जोर येणार आहे, याचे कारण म्हणजे आता सणासुदीचा काळ समीप आला आहे. या सणासुदीच्या काळात अनेक जण आपल्याला नवीन गोष्टी खरेदी करताना दिसतात. तर कित्येक जण नवीन कार विकत घेताना दिसतात. अशावेळी जर तुम्ही सुद्धा नवीन कार घेण्याच्या विचारात असाल तर ही बातमी तुमच्यासाठीच आहे.

SUV सोबत, MPV सेगमेंटमधील वाहनांची मागणी देखील भारतीय बाजारपेठेत सातत्याने वाढताना दिसत आहे. हे लक्षात घेऊन किया सणासुदीच्या काळात दोन नवीन कार लाँच करण्याच्या तयारीत आहे. चला या नवीन कार आणि त्यांच्या किंमतीबद्दल जाणून घेऊया.

किया कार्निव्हल (Kia Carnival)

Kia Carnival MPV येत्या 3 ऑक्टोबरला सहा आणि सात सीट पर्यायांसह लाँच होईल. या कारची नवीन जनरेशन भारतीय बाजारपेठेत आणली जाणार आहे. यापूर्वी, कंपनी कार्निव्हलची जुनी जनरेशन भारतात विक्रीसाठी उपलब्ध करून देत होती, जी 2023 च्या मध्यात बंद करण्यात आली होती.

हे देखील वाचा: बॉलिवूडची क्वीन Kangana Ranaut कडून ‘ही’ आलिशान कार खरेदी, किंमत ऐकाल तर बेशुद्ध व्हाल

किया ईव्ही 9 (Kia EV9)

Kia Carnival सोबतच कंपनी 3 ऑक्टोबरला आणखी एक कार लाँच करणार आहे. Kia EV9 सहा आणि सात सीट पर्यायांसह लाँच होणार आहे, जी एक इलेक्ट्रिक कार असणार आहे. यामध्ये अनेक उत्कृष्ट फीचर्स देखील देण्यात येणार आहेत. तसेच, हे प्रीमियम इलेक्ट्रिक एसयूव्ही सेगमेंटमध्ये लाँच केले जाईल. कंपनी ते CBU म्हणून भारतात आणणार आहे.

किती असेल किंमत?

या दोन्ही कारच्या किमतींची माहिती कंपनीकडून लाँचच्या वेळीच दिली जाईल. परंतु नवीन जनरेशन किया कार्निव्हलची एक्स-शोरूम किंमत सुमारे 50 लाख रुपये असू शकते अशी अपेक्षा आहे. तर लाँचच्या वेळी, Kia EV9 इलेक्ट्रिक SUV ची अपेक्षित किंमत सुमारे 80 लाख रुपये असू शकते.

हे देखील वाचा: बाईक ठीक सुरु असेल तर; मॅकेनिकच्या कितीही सांगण्याने उघडू नका कार्बोरेटर, उघडल्यास ठरेल डोकेदुखी

कसा आहे कंपनीचा पोर्टफोलीओ?

Kia ने Kia Sonet ही भारतीय बाजारपेठेत सर्वात स्वस्त कार म्हणून ऑफर केली आहे. यानंतर, Kia Seltos मध्यम आकाराच्या SUV सेगमेंटमध्ये विक्रीसाठी उपलब्ध करून देण्यात आली आहे. बजेट MPV सेगमेंटमध्ये Kia Carens तर Kia EV6 प्रीमियम EV म्हणून विकली जात आहे.

Web Title: 2 new cars from kia will be launched in the market on october 3 know the price

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com