भारतात खिशाला परवडणारी सर्वात स्वस्त 350cc बाईक कोणती? किंमत फक्त 1.37 लाखांपासून सुरु

भारतात 350cc सेगमेंटमधील बाईक्सना चांगली मागणी मिळताना दिसते. मात्र, या सेगमेंटमधील सर्वात स्वस्त बाईक्स कोणत्या? चला जाणून घेऊयात.

• 350cc सेगमेंटमधील बाईक्स मार्केटमध्ये विशेष लोकप्रिय
• कोपणत्या बाईक्स आहेत स्वस्त
• जाणून घ्या संपूर्ण यादी

जर तुम्ही दमदार परफॉर्मन्स, आकर्षक स्टाइल आणि परवडणाऱ्या किमतीत बाइक शोधत असाल, तर भारतातील 350cc सेगमेंट तुमच्यासाठी उत्तम पर्याय ठरतो. Royal Enfield Hunter 350 पासून Triumph Speed T4 पर्यंत, 2 लाख रुपयांच्या आत मिळणाऱ्या 5 बाइक्सबद्दल जाणून घेऊया.

रॉयल एन्फिल्ड हंटर 350 (Royal Enfield Hunter 350)

Hunter 350 ही भारतातील Royal Enfield ची सर्वाधिक विक्री होणारी बाईक आहे. यात 349cc इंजिन असून 20.2hp पॉवर आणि 27Nm टॉर्क मिळतो. यामध्ये 5-स्पीड गिअरबॉक्स देण्यात आला आहे. कंपनीने नुकताच याचा एक नवीन प्रीमियम बेस व्हेरिएंटही सादर केला आहे. या बाईकची सुरुवातीची किंमत सुमारे 1.37 लाख रुपये (एक्स-शोरूम) आहे.

कार चालवताना तिसरा गिअर कधी वापराल? जाणून घ्या योग्य पद्धत, स्पीड आणि महत्वाच्या टिप्स

ट्रायम्फ स्पीड टि4 (Triumph Speed T4)

Triumph ने अलीकडेच Speed T4 ही नवीन बाईक लाँच केली आहे. 2 लाख रुपयांच्या आत मिळणारी ही कंपनीची एकमेव 350cc बाईक आहे. यात 350cc लिक्विड-कूल्ड इंजिन असून 29hp पॉवर आणि 31Nm टॉर्क निर्माण करते. दमदार परफॉर्मन्स आणि प्रीमियम लुकसाठी ही बाईक ओळखली जाते. याची किंमत सुमारे 1.95 लाख रुपये (एक्स-शोरूम) आहे.

होंडा सीबी350 (Honda CB350 H’ness)

Honda CB350 H’ness मध्ये 348.36cc इंजिन दिले असून 30Nm टॉर्क जनरेट करते. ही बाईक स्मूथ राइडिंग अनुभवासाठी प्रसिद्ध आहे. याची सुरुवातीची किंमत 1.92 लाख रुपये (एक्स-शोरूम) आहे.

रॉयल एन्फिल्ड क्लासिक 350 (Royal Enfield Classic 350)

Classic 350 मध्ये 349cc इंजिन असून 20.2hp पॉवर आणि 27Nm टॉर्क मिळतो. ही बाईक दमदार परफॉर्मन्स आणि क्लासिक डिझाइनसाठी ओळखली जाते. याची सुरुवातीची किंमत सुमारे 1.85 लाख रुपये (एक्स-शोरूम) आहे.

रॉयल एनफील्ड Meteor 350 (Royal Enfield Meteor 350)

Meteor 350 मध्ये Hunter आणि Classic प्रमाणेच 349cc इंजिन दिले आहे, जे 20.2hp पॉवर आणि 27Nm टॉर्क देते. ही एक क्रूझर बाईक असून लांब पल्ल्याच्या प्रवासासाठी विशेषतः डिझाइन करण्यात आली आहे. याची सुरुवातीची किंमत सुमारे 1.99 लाख रुपये (एक्स-शोरूम) आहे.