गणेशोत्सवात 2024 Hyundai Alcazar facelift चे लॉंचिग, Tata Safari, Mahindra XUV700 ला मिळणार जबरदस्त टक्कर

गणेशोत्सवात अनेक ऑटो कंपन्यांकडून कार लॉंचिग अथवा सवलतीच्या मोठ्या ऑफर्स दिल्या जात आहेत. भारतातील सर्वाधिक कार विक्री करणाऱ्या 1 Hyundai कडून नव्या 2024 Hyundai Alcazar facelift  SUV  आवृत्ती भारतात लॉन्च झाली आहे. जाणून घ्या कारची वैशिष्ट्ये आणि किंमत.

फोटो सौजन्य- X

Follow Us:

Follow Us:

सणासुदीच्या काळात ऑटो क्षेत्रामध्ये  कार कंपन्याकडून कार  किंवा कारच्या एडिशन लॉंच केले जात आहे. दरम्यान, Hyundai कडून नव्या 2024 Hyundai Alcazar facelift  SUV  आवृत्ती भारतात लॉन्च झाली आहे. अद्ययावत Alcazar SUV ची एक्स-शोरूम  किंमत 14.99 लाख रुपये पासून सुरू होते. नवीन अल्काझर ही कार ह्युंदाईच्या क्रेटा  कारप्रमाणेच डिझाइन आणि वैशिष्ट्य अद्यतनासह बाजारात आली आहे. जाणून घेऊया कारची वैशिष्ट्ये

कारची बाह्यरचना (Exterior)

Hyundai कंपनी कडून  Alcazar चे बाह्य भाग नवीन लोखंडी जाळी, हेडलॅम्प्स आणि नवीन अलॉय व्हील डिझाइनसह अपडेट केले आहे. Alcazar मध्ये आता इतर Hyundai मॉडेल्सप्रमाणे कनेक्टेड टेललॅम्प्स असणार आहेत. Alcazar ही कार  ॲटलस व्हाईट, ॲबिस ब्लॅक पर्ल, रेंजर खाकी, फायरी रेड, रॉबस्ट एमराल्ड पर्ल, स्टाररी नाइट, टायटन ग्रे मॅट आणि ॲटलस व्हाइट विथ ॲबिस ब्लॅक रूफ या  आठ रंगांमध्ये बाजारात उपलब्ध झाली आहे.

हे देखील वाचा- सकाळी कार स्टार्ट केल्यानंतर फक्त 40 सेकंदासाठी करा ‘हे’ काम, इंजिन लाइफ होईल दुप्पट

Alcazar ची  वैशिष्ट्ये

Alcazar कारच्या अंतर्गतरचना आणि वैशिष्ट्यांबद्दल बोलायचे झाल्यास,   Hyundai कंपनीने मोठे ड्युअल डिजिटल डिस्प्ले, हवेशीर मागील सीट, 360-डिग्री कॅमेरा, पॅनोरॅमिक सनरूफ, ड्युअल-झोन क्लायमेट कंट्रोल, मागील सीटवरील प्रवाशासाठी बॉस मोड फंक्शन तसेच लेव्हल 2 ADAS यांसारख्या वैशिष्ट्यांसह केबिन अपडेटेड केले आहे. कारचे सहा सीट्स आणि सात सीट्स पर्याय  जुन्या मॉडेलप्रमाणे उपलब्ध करुन दिले आहेत . कारचे व्हेरिएंट ट्रिममध्ये देखील विभागले गेले आहेत.

Hyundai Alcazar पॉवरट्रेन पर्याय

Hyundai Alcazar ही कार   1.5-लीटर GDi टर्बो पेट्रोलसह असणार आहे.  जे 158bhp/253Nm उत्पादन करते. तसेच  1.5-लीटर डिझेलवर 113bhp/250Nm उत्पादन करते. सहा-स्पीड एमटी ( Automated Manual Transmission) दोन्हीसाठी पर्याय म्हणून येतो, तर पूर्वीसाठी सात-स्पीड डीसीटी ( Dual-Clutch Transmission) आणि नंतरच्या मॉडेलसाठी  सहा-स्पीड एटी ( Automated  Transmission) आहे. ते या पॉवरट्रेन्स क्रेटा, किया सेल्टोस आणि अगदी किआ केरेन्ससारखे आहे.

हे देखील वाचा- लॉंचिंगपूर्वी Kia कडून carnival चा टिझर प्रदर्शित, सनरुफ ठरतंय प्रमुख वैशिष्ट्य

कारची  किंमत आणि कारचे स्पर्धक

Hyundai ने  Alcazar फेसलिफ्ट कार पेट्रोल आणि डिझेलच्या दोन पॉवरट्रेन पर्यायांमध्ये सादर केली आहे ज्याची एक्स शोरुम  किंमत  14.99 लाख रुपये आणि रु. 15.99 लाख रुपये आहे. ही कार  Tata Safari, Mahindra XUV700 आणि  MG Hector Plus या सहा सीटर आणि सात सीटर्स कार्सना जबरदस्त टक्कर देणार आहे.  या कारमुळे ग्राहकांनाही नवीन अपडेटेड पर्याय उपलब्ध झाला आहे. तसेच Hyundai कंपनीही ही कार बाजारात चांगली कामगिरी करेल असा विश्वास आहे.

Web Title: Hyundai alcazar facelift 2024 launched on the ganesh festival will give tough competition to tata safari mahindra xuv700

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com