सणासुदीत Second Hand कार खरेदी करायचा विचार आहे का? ‘या’ 7 गोष्टी ठेवा ध्यानात

सणासुदीच्या काळात अनेकजण कार खरेदी करण्याचा विचार करतात. त्यापैकी बरेच लोक सेकंड हँड कार सुद्धा खरेदी करतात. परंतु अनेक वेळा, सेकंड हँड कार खरेदी करताना कित्येक जण फसवणुकीचे बळी ठरतात. हे लक्षात घेऊनच आज आपण सेकंड हँड कार खरेदी करताना कोणत्या गोष्टी लक्षात ठेवल्या पाहिजेत याबद्दल जाणून घेणार आहोत.

फोटो सौजन्य: iStock

Follow Us:

Follow Us:

सणासुदीचा काळ आता खऱ्या अर्थाने चालू होणार आहे. या काळात अनेक जण नवनवीन गोष्टी खरेदी करताना दिसतात. तसेच कित्येक जण या काळात नवीन कार्स विकत घेताना दिसतात याचे कारण म्हणजे अनेक ऑटो कंपनीजकडून आपल्या कार्सवर विशेष सूट देण्यात येते.

कित्येक जण असेही असतात जे नवीन कार घेण्यापेक्षा सेकंड हँड कार घेणं पसंत करतात. सेकंड हँड कार घेण्याचे अनेक फायदे आहेत. त्यातील सर्वात मोठा फायदा म्हणजे पैश्याची बचत. जर तुम्ही सुद्धा या सणासुदीच्या काळात सेकंड हँड कार घेणार असाल तर पुढील गोष्टी लक्षात ठेवा.

कारची कंडिशन तपासा

जेव्हा तुम्ही सेकंड हँड कार खरेदी करणार असाल, तेव्हा अंतिम करार करण्यापूर्वी तिची कंडिशन नीट तपासा. जर तुम्हाला तांत्रिक बाबींचे योग्य ज्ञान नसेल तर तुम्ही मेकॅनिकचीही मदत घेऊ शकता.

टायरची कंडिशन तपासा

जुनी कार खरेदी करताना, त्याच्या टायरची स्थिती निश्चितपणे चेक करा. जर टायर खूप खराब असतील तर ते त्वरित बदलून घ्या. अनेक लोक जुनी कार खरेदी केल्यानंतर लगेच टायर बदलतात.

हे देखील वाचा: अंबानी कुटुंबीयांकडे सुद्धा नाही आहे ‘ही’ महागडी नंबर प्लेट, जाणून घ्या सर्वात महागड्या नंबर प्लेट्सबद्दल

कारमधील डेंट्स किंवा डॅमेज नीट तपासा

सेकंड हँड कार विकत घेताना त्यात डेंट्स किंवा डॅमेज नाही आहे ना हे नक्की तपासा. कारचे दरवाजे उघडा आणि कारच्या A, B आणि C खांबांमध्ये डेंट्स आहेत का ते तपासा. समोरचे नुकसान तपासण्यासाठी, आपण इंजिन एरिया तपासू शकता.

मेंटेनन्स रेकॉर्ड तपासा

सेकंड हँड कार खरेदी करण्यापूर्वी तिची मेंटेनन्स हिस्ट्री नक्कीच तपासा. यामुळे तुम्हाला कळेल की कारची सर्व्हिस योग्य प्रकारे केली जात आहे की नाही. यामुळे कार किती मेंटेन आहे हे देखील तुम्हाला कळेल.

कार रजिस्ट्रेशन चेक करा

सेकंड हँड कार घेण्यापूर्वी तिचे रजिस्ट्रेशन नक्कीच तपासा. हे तुम्हाला कारची निर्मिती तारीख काय आहे आणि ती कधी खरेदी केली आहे याबद्दल माहिती देईल. यामुळे कार किती जुनी आहे हे देखील कळेल.

कारचा विमा चेक करा

जुनी कार खरेदी केल्यानंतर लगेचच तिचा विमा तुमच्या नावावर ट्रान्स्फर करावा. हे काम वेळेवर न केल्यास तुम्हाला कायदेशीर अडचणींना सामोरे जावे लागू शकते.

एकदा टेस्ट ड्राईव्ह घ्या

सेकंड हँड कार खरेदी करण्यापूर्वी, तुम्ही त्याची टेस्ट ड्राइव्ह घेणे आवश्यक आहे. या वेळी, तुम्ही हायवे, अरुंद रस्त्यावर किंवा रहदारी असलेल्या रस्त्यावर गाडी चालवून त्याची टेस्टिंग करू शकता.

Web Title: Keep these 7 things in mind while buying a second hand car this festive season

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com