Mahindra: महिंद्रा BE6 Sporteq १५ ऑगस्टला होणार लाँच; ट्रिपल स्क्रीनसह मिळणार जबरदस्त लूक

महिंद्रा कंपनी १५ ऑगस्ट रोजी आपली नवीन 'BE6 Sporteq' ही इलेक्ट्रिक कार लाँच करत आहे. यात ट्रिपल-स्क्रीन डॅशबोर्ड, मॅट ब्लॅक एक्स्टेरियर आणि ६८३ किमीपर्यंतची दमदार रेंज मिळणार असून, ही कार हाय-टेक फीचर्स आणि स्पोर्टी केबिनसह बाजारात दाखल होईल.

(फोटो सौजन्य-AI एआय)

Follow Us:

Follow Us:

• महिंद्रा BE6 Sporteq मध्ये फ्रंट पॅसेंजरसाठी १२.३-इंचाचा नवीन तिसरा स्क्रीन डॅशबोर्डवर जोडण्यात आला आहे.
• कारच्या ७९ kWh बॅटरी व्हेरियंटमध्ये एका पूर्ण चार्जवर तब्बल ६८३ किलोमीटरपर्यंतची रेंज मिळण्याचा दावा केला आहे.
• या इलेक्ट्रिक कारमध्ये लेव्हल २+ ADAS, ५G कनेक्टिव्हिटी आणि हाय-टेक क्वालकॉम प्रोसेसरची उत्तम सुविधा देण्यात आली आहे.

महिंद्रा कंपनीने आपल्या आगामी ‘BE6 Sporteq’ या नवीन इलेक्ट्रिक कारचा टीझर रिलीज केला असून, १५ ऑगस्ट रोजी भारतात ही कार अधिकृतपणे लाँच केली जाणार आहे. या नव्या मॉडेलमध्ये ट्रिपल-स्क्रीन डॅशबोर्ड, डार्क एक्स्टेरियर आणि अधिक प्रीमियम व स्पोर्टी केबिन थीम पाहायला मिळणार आहे.

केबिन आणि डिझाइनमधील मुख्य बदल

• ट्रिपल स्क्रीन डॅशबोर्ड: BE6 Sporteq मधील सर्वात मोठा बदल म्हणजे यात फ्रंट पॅसेंजरसाठी extra १२.३-इंचाचा नवीन डिस्प्ले जोडण्यात आला आहे. यापूर्वी ड्रायव्हर इन्फोर्मेशन आणि इन्फोटेन्मेंटसाठी दोन १२.३-इंच स्क्रीन होत्या, आता या तिसऱ्या स्क्रीनमुळे डॅशबोर्डला पूर्ण रुंदीचा आकर्षक लूक मिळाला आहे.
• प्रीमियम लूक: टीझरनुसार, कारच्या बाहेरच्या बाजूला ‘मॅट ब्लॅक’ फिनिश आणि आतमध्ये ब्राऊन अपहोल्स्ट्रीसह इल्युमिनेटेड अ‍ॅक्सेंट्स देण्यात आले आहेत. सोबतच स्पोर्टी फील देण्यासाठी लाल रंगाचे टच-अप्स वापरण्यात आले आहेत.

आकारमान आणि स्टोरेज

कारची रचना महिंद्राच्या ‘INGLO’ इलेक्ट्रिक प्लॅटफॉर्मवर आधारित आहे.

• लांबी x रुंदी x उंची: ४,३७१ मिमी x १,९०७ मिमी x १,६२७ मिमी
• व्हीलबेस: २,७७५ मिमी
• ग्राउंड क्लिअरन्स: २०७ मिमी ते २२२ मिमी
• बूट स्पेस: ४५५ लीटरची मागील बूट स्पेस आणि समोर ४५ लीटरचा ‘फ्रंक’ स्टोरेज मिळतो.

बॅटरी, इंजिन आणि रेंज

BE6 मध्ये ५९ kWh आणि ७९ kWh असे दोन LFP बॅटरी पॅक पर्याय उपलब्ध आहेत.

• पॉवर: लहान बॅटरीसह १७० kW ची इलेक्ट्रिक मोटर (३८० Nm टॉर्क) मिळते. तर ७९ kWh बॅटरी पॅकमध्ये १७० kW किंवा २१० kW चा पर्याय उपलब्ध आहे. सर्व व्हर्जन ‘रियर-व्हील ड्राईव्ह’ (RWD) आहेत.
• रेंज आणि स्पीड: ५९ kWh व्हर्जन एका चार्जमध्ये ५४८ किमी, तर ७९ kWh व्हर्जन ६८३ किमी पर्यंतची MIDC रेंज देते. यातील टॉप व्हर्जन अवघ्या ६.७ सेकंदात ० ते १०० किमी/तास वेग पकडू शकते.
• चार्जिंग: यात डीसी फास्ट चार्जिंगद्वारे अवघ्या २० मिनिटांत बॅटरी २०% वरून ८०% पर्यंत चार्ज होते.

या कारमध्ये ‘MAIA’ सॉफ्टवेअर प्लॅटफॉर्म, क्वालकॉम स्नॅपड्रॅगन ८२९५ प्रोसेसर, २४ GB रॅम, ५G कनेक्टिव्हिटी आणि वायरलेस अपडेट्स दिले आहेत. सुरक्षेसाठी यात लेव्हल २+ ADAS (Level 2+ ADAS), ८ MP कॅमेरा आणि अनेक ड्रायव्हर असिस्टन्स फीचर्स देण्यात आले आहेत.

Web Title: Mahindra be6 sporteq with triple screens to launch on august 15

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com