फोटो सौजन्य: @mahindraesuvs/ X.com
भारतात कार खरेदीदारांचा सर्वाधिक लोकप्रिय सेगमेंट म्हणजे एसयूव्ही. हीच बाब लक्षात घेत अनेक ऑटो कंपन्या भारतात दमदार एसयूव्ही ऑफर करत असतात. मात्र, आजही या सेगमेंटमध्ये Mahindra कंपनी एकतर्फी सत्ता गाजवत आहे. कंपनीच्या इलेक्ट्रिक एसयूव्ही देखील ग्राहकांच्या चांगल्याच पसंतीस उतरल्या आहेत. अशातच आता कंपनी त्यांची 7 सीटर इलेक्ट्रिक एसयूव्ही लाँच करण्याच्या तयारीत दिसत आहे.
महिंद्रा त्यांच्या नवीन इलेक्ट्रिक मॉडेल, XEV 9S लाँच करण्याची तयारी करत आहे. कंपनीने अलीकडेच एक टीझर आणि या SUV च्या इंटिरिअरचा पहिला लूक प्रदर्शित केला आहे, ज्यामुळे कारप्रेमी या कारची वाट पाहत आहे. महिंद्राने अधिकृतपणे घोषणा केली आहे की XEV 9S येत्या 27 नोव्हेंबर 2025 रोजी लाँच केली जाईल. चला याबद्दल अधिक माहिती जाणून घेऊयात.
Big Space for your Big Plans. Coming Soon! Spacious cabin, sliding second row seats, first-class comfort and a lot more. Here’s a glimpse into the interiors of the The Big New Electric XEV 9S.
Premiering at #ScreamElectric on 27th November 2025.… pic.twitter.com/rppYW81Tq7 — Mahindra Electric Origin SUVs (@mahindraesuvs) November 4, 2025
नवीन Hero Xtreme 160R लवकरच होणार लाँच? मिळणार धमाकेदार लूक
महिंद्राच्या नवीन टीझरवरून असे दिसून येते की XEV 9S चा इंटिरिअर डिझाइन मोठ्या प्रमाणात XEV 9e वरून प्रेरित आहे. SUV मध्ये तीन मोठ्या 12.3-इंच डिजिटल स्क्रीन आहेत – एक ड्रायव्हरसाठी, दुसरी इन्फोटेनमेंट सिस्टमसाठी आणि तिसरी समोरील प्रवाशासाठी. डॅशबोर्डमध्ये चमकदार इन्फिनिटी लोगोसह दोन-स्पोक स्टीअरिंग व्हील आहे. केबिनमध्ये लेदर अपहोल्स्ट्री, मेटल फिनिश आणि ॲम्बियंट लाइटिंगचे अत्याधुनिक कॉम्बिनेशन आहे, जे त्याला प्रीमियम फील देते. SUV मध्ये एक मोठे पॅनोरॅमिक सनरूफ देखील आहे, ज्यामुळे केबिन प्रशस्त आणि आलिशान वाटते.
महिंद्रा XEV 9S मध्ये XEV 9e सारखीच बॅटरी सिस्टम असण्याची अपेक्षा आहे. कंपनी ही कार दोन बॅटरी पॅक पर्यायांसह आणायची योजना आखत आहे. पहिल्या व्हर्जनमध्ये 79 kWh बॅटरी पॅक असेल, जो अंदाजे 656 किलोमीटरची रेंज देईल. त्यात DC फास्ट चार्जिंग सपोर्ट देखील असेल, जो लांब प्रवासासाठी उत्तम असेल. तर दुसऱ्या व्हर्जनमध्ये 59 kWh बॅटरी पॅक असेल, जो अंदाजे 542 किलोमीटरची रेंज देईल.
Royal Enfield Bullet 650 की Classic 650? कोणती बाईक तुमच्यासाठी आहे परफेक्ट?
महिंद्रा 27 नोव्हेंबर 2025 रोजी भारतात XEV 9S चे अधिकृत लाँचिंग करणार आहे. लाँचनंतर या SUV ची स्पर्धा Tata Harrier EV, Hyundai Ioniq 5, आणि MG ZS EV सारख्या प्रीमियम इलेक्ट्रिक SUVs सोबत होईल. कंपनी ही SUV आपल्या “Born Electric” ब्रँडअंतर्गत सादर करणार आहे. किंमतीबाबत बोलायचे झाल्यास, ही SUV सुमारे 40 लाख ते 45 लाख (एक्स-शोरूम) दरम्यान लाँच होण्याची अपेक्षा आहे.
