(फोटो सौजन्य-सोशल मीडिया)
हुंडई बेयॉनचा हा नवीन अंदाज मुख्य म्हणजे अशा लोकांसाठी आहे जे स्टाईल आणि हाय-टेक फीचर्सचं क्रेझ ठेवतात. कंपनीने सध्या तरी त्यांच्यापुरतं ‘Hyundai BC4i CUV’ असं कोडनेम ठेवलं आहे. विशेष म्हणजे, ही नवीन SUV हुंडईची प्रसिद्ध प्रीमियम हॅचबॅक i20 च्या प्लॅटफॉर्मवर आधारित असणार आहे. तज्ज्ञांच्या मते, कंपनी ही गाडी यावर्षी दिवाळीच्या मुहुर्तावर शोरूममध्ये उतरवण्याची शक्यता आहे. ही गाडी केवळ दिसायलाच स्पोर्टी नसणार, तर नवीन जनरेशनच्या वेन्यूच्या तुलनेत अधिक ॲडव्हान्स्ड आणि डायनॅमिक असणार आहे. त्यामुळे ती दिसायला दमदार असणार आहे.
फीचर्स आणि परफॉर्मन्सच्या बाबतीत हुंडई बेयॉन अजिबात मागे राहणार नाही. कंपनी या गाडीची निर्मिती तामिळनाडूतील श्रीपेरंबदूर प्लांटमध्ये करणार आहे. या कारचं इंजिनवर विशेष काम करण्यात आलं आहे. नवीन वेन्यूमधील १.०-लीटर टर्बोचार्ज्ड पेट्रोल इंजिन मिळण्याची अपेक्षा आहे, जे सुमारे ११८ bhp पॉवर जनरेट करणारी आहे.कदाचित नवीन पर्याय ही दिले जाऊ शकतात. एक पूर्णपणे नवीन १.२-लीटर टर्बोचार्ज्ड पेट्रोल इंजिन देखील दिलं जाऊ शकतं. डिझेल इंजिनबाबत अद्याप कोणतीही अधिकृत माहिती समोर आलेली नाही त्यामुळे याबाबत साशंका आहे. व्हील्सबाबत बोलायचं झालं तर सर्वात खास गोष्ट म्हणजे हुंडई यामध्ये १७-इंचचे मोठे अलॉय व्हील्स देऊ शकतं यामुळे कारचा परफॉर्मन्स दमदार असणार आहे यात कोणतीच शंका नाही.
जर केबिन आणि तंत्रज्ञानाबद्दल बोलायचे झाले तर, बेयॉनमध्ये फीचर्सची लांबच लांब यादी पाहायला मिळणार आहे. सगळ्यात महत्त्वाची म्हणजे सुरक्षा. ऑल-एलईडी लाइटिंग, फ्रंट आणि रिअर डिस्क ब्रेक्स आणि इलेक्ट्रॉनिक पार्किंग ब्रेक यांसारखे सेफ्टी फीचर्समुळे ही कार दमदार ठरते. डॅशबोर्डबाबत बोलायचं तर डॅशबोर्डवर १२.३-इंचचे दोन मोठे डिस्प्ले दिले जातील, जे कारचा लूक पूर्णपणे बदलून टाकतील. ज्यामुळे कारला वेगलाच अंदाज मिळतो. विशेष म्हणजे यात लक्झरी फीचर्स मिळणार आहेत. यामध्ये ड्युअल-पेन पॅनोरॅमिक सनरूफ, व्हेंटिलेटेड सीट्स आणि लेव्हल २ ADAS सारखे हाय-एंड फीचर्स देखील समाविष्ट असू शकतात.
