बुधवार, 7 ऑक्टोबर 2026
(फोटो सौजन्य-AI एआय)
‘पुन्हा तोच सागर, पुन्हा त्याच लाटा’ने सुरुवात
या अविस्मरणीय-अभूतपूर्व अशा मैफलीची सुरुवात प्रसिद्ध ‘पुन्हा तोच सागर, पुन्हा त्याच लाटा’ या कवितेने झाली. कवी आणि गायक अविनाश काठवटे यांच्या सादरीकरणाने कार्यक्रमाला सुरुवातीलाच भावनिक उंची मिळाली. त्यांच्या आवाजातील भावपूर्ण सादरीकरण आणि कवितेतील आशय यामुळे उपस्थित रसिकांनी उत्स्फूर्त दाद दिली. नाट्यगृहातील वातावरण काही क्षणांतच कवितेच्या भावविश्वात रंगून गेले.
नऊ रसांमधील प्रेमभावनांचा सुरेल आविष्कार
कार्यक्रमात कवी अपूर्व राजपूत, सारंग पंपटवार आणि नैनेश तांबे यांनीही
आपल्या स्वरचित कवितांचे प्रभावी सादरीकरण केले. मानवी मनातील प्रेम, विरह, आनंद, आठवणी आणि नात्यांमधील हळवे क्षण अशा विविध भावनांना कवितांमधून सुंदर शब्दरूप देण्यात आले. नऊ रसांमधील प्रेमभावनांचा हा काव्यात्मक आविष्कार रसिकांसाठी विशेष आकर्षण ठरला. प्रत्येक कवितेनंतर मिळणारी टाळ्यांची दाद कलाकारांचा उत्साह वाढवत होती.
तीन जिल्ह्यांमधून रसिकांची उपस्थिती
‘अक्षर अक्षर तुझेच आहे’ या कार्यक्रमासाठी सांगली, सातारा आणि कोल्हापूर जिल्ह्यातूनही मोठ्या संख्येने रसिक तासगावमध्ये दाखल झाले होते. तासगाव नगरपरिषदेच्या विद्यमान नगराध्यक्षा विजयाताई पाटील, उपनगराध्यक्ष प्रसाद भैय्या पैलवान, तसेच बाबासो पाटील आणि किशोर गायकवाड यांचीही उपस्थिती होती.
Kolhapur : कोल्हापुरातील अंबाबाई मंदिर नवरात्रासाठी सज्ज; स्वच्छता मोहिमेला सुरुवात
नभांत नाट्य संस्थेच्या टीमचे नियोजन
कार्यक्रम यशस्वी करण्यासाठी नभांत नाट्य संस्थेचे पियुष मिर्लेकर, सई येडेकर, प्रतिक गोसावी, श्रीकुमार माळी, ओमकार वजरिणकर, चैतन्य कदम, अंकित स्वामी, गायत्री नांदवडेकर, प्रतिक मिर्लेकर, अभिषेक माळी, अथर्व जोशी आणि गणेश इंगवले यांनी नियोजनबद्ध मेहनत घेतली. तसेच डॉ. प्रतिक जाधव, आनंदबाबू औताडे, अभिजीत पवार, सुधीर पाटील, चेतन माळी, सागर जगताप, आयुब येणापुरे, राणा दादा उर्फ आदित्य पवार, राहुल चव्हाण आणि विघ्नहर्ता नाश्ता सेंटरचे रोहितकुमार मोरे यांचे सहकार्य लाभले. उत्कृष्ट कविता, भावपूर्ण सादरीकरण आणि टीमच्या नियोजनामुळे ‘अक्षर अक्षर तुझेच आहे’ ही मैफल तासगावच्या सांस्कृतिक विश्वात लक्षात राहणारा अनुभव ठरली.
