सोमवार, 10 ऑगस्ट 2026
(फोटो सौजन्य-AI एआय)
टीव्हीएस मोटर कंपनीने आपल्या लोकप्रिय टिपिकल शहरी इलेक्ट्रिक स्कूटर ‘ऑर्बिटर’च्या किमतीत वाढ करण्याची घोषणा केली आहे. कंपनीने या स्कूटरच्या दोन्ही व्हेरियंट्सच्या किमतीत वाढ केली असून वेगवेगळ्या राज्यांनुसार ही वाढ ३,७०० रुपये ते ४,००० रुपयांपर्यंत आहे.
किमतीतील नेमका बदल काय?
१.TVS ऑर्बिटर V1
या एंट्री-लेव्हल मॉडेलच्या किमतीत ३,७०० रुपयांची वाढ झाली आहे. दिल्लीमध्ये याची प्रभावी एक्स-शोरूम किंमत आता ९१,५०० रुपये झाली आहे जी आधी ८७,८०० रुपये होती. कर्नाटक आणि तामिळनाडूमध्ये यासाठी ग्राहकांना ९५,५०० रुपये मोजावे लागतील. महाराष्ट्रात V1 मॉडेलच्या किमतीत कोणताही बदल झालेला नसून ते ९१,८०० रुपयांनाच उपलब्ध आहे.
२.TVS ऑर्बिटर V2
मोठ्या बॅटरी पॅकसह येणाऱ्या V2 मॉडेलच्या किमतीत दिल्ली, कर्नाटक आणि तामिळनाडूमध्ये ३,९०० रुपयांची वाढ झाली आहे. महाराष्ट्रात या व्हेरियंटच्या किमतीत सर्वाधिक ४,००० रुपयांची वाढ झाली आहे. या वाढीनंतर महाराष्ट्रात V2 ची एक्स-शोरूम किंमत १.०६ लाख रुपये, तर दिल्लीत १.१३ लाख रुपये झाली आहे. राज्यनिहाय ईव्ही सबसिडी आणि करांनुसार अंतिम किमतीत फरक पडू शकतो.
इंजिन आणि फीचर्समध्ये कोणताही बदल नाही
या किमतीच्या वाढीसोबत स्कूटरच्या टेक्निकल किंवा मेकॅनिकल स्पेसिफिकेशन्स आणि फीचर्समध्ये कोणताही बदल करण्यात आलेला नाही,
बॅटरी आणि रेंज
ऑर्बिटर V1 मध्ये १.८ kWh चा बॅटरी पॅक मिळतो, जो एका चार्जमध्ये ८६ किमीची रेंज देतो. तर V2 व्हेरियंटमध्ये ३.१ kWh चा मोठा बॅटरी पॅक असून तो १५८ किमीची क्लेम्ड रेंज देतो.
स्पीड आणि मोड्स
दोन्ही व्हेरियंट्सचा टॉप स्पीड ६८ किमी प्रतितास असून यात इको आणि सिटी असे दोन रायडिंग मोड्स मिळतात.
टीव्हीएसच्या ईव्ही पोर्टफोलिओमध्ये ऑर्बिटर ही प्रीमियम मॉडेल्सच्या तुलनेत एक परवडणारी आणि रोजच्या दैनंदिन प्रवासासाठी उपयुक्त ठरणारी इलेक्ट्रिक स्कूटर म्हणून ओळखली जाते.
