गुरुवार, 8 ऑक्टोबर 2026
Buldhana Soybean Harvest
खरीप हंगाम संपल्यानंतर हे मजूर पुन्हा मध्य प्रदेशात परततील मात्र, स्थानिक – मजुरांसमोर रोजगाराचा प्रश्न राहील एवढे मात्र निश्चीत..! यंदाच्या हंगामात अत्यल्प झालेल्या पर्जन्यमानाचा फटका रब्बी – हंगामावर होणार असल्याने सहाजिकच रब्बीच्या पेऱ्यात घट होणार आहे, मजुराच्या हाताला काम मिळेल किंवा नाही याची शाश्वती, राहिली नाही. पर्यायाने रोजगाराच्या शोधात जिल्ह्यातील मजुरांना स्थलांतर व्हावे लागणार ? की प्रशासनाच्या वतीने त्यांना येथे रोजगार उपलब्ध करून दिल्या जाईल, हे पाहणे महत्त्वाचे ठरणार आहे.
जिल्ह्यातील रोजगाराच्या मर्यादित संधी आणि शेतीवर अवलंबून असलेली अर्थव्यवस्था यामुळे सोयाबीन काढणीचा हंगाम संपल्यानंतर स्थानिक मजुराचे मोठ्या शहरांकडे स्थलांतर वाढण्याची शक्यता आहे. पुणे, मुंबई आणि छत्रपती संभाजीनगर यांसारख्या शहरांकडे रोजगाराच्या शोधात मजुरांची पावले वळण्याची शक्यता आहे.
खरीप हंगामातील काम संपल्यानंतर मात्र स्थानिक मजुरांसमोर रोजगाराचा प्रश्न निर्माण होण्याची शक्यता आहे. जिल्ह्यात यंदा पावसाचे प्रमाण कमी राहिल्याने रब्बी हंगामातील शेतीची कामेही मर्यादित राहण्याची शक्यता आहे. त्यामुळे स्थानिक पातळीवर सर्व मजुरांच्या हाताला सातत्याने काम मिळेल, याची शाश्वती कमी झाली आहे. साधारणतः नोव्हेंबर-डिसेंबरनंतर जिल्ह्यात बांधकाम क्षेत्रातील गवंडी आणि मजुरांना कामाची संधी उपलब्ध होते. मात्र कमी पावसामुळे यंदा घरबांधणी आणि बांधकामांची संख्या कमी राहण्याची शक्यता व्यक्त होत आहे. परिणामी स्थानिक रोजगाराच्या संधी आणखी कमी होण्याची शक्यता आहे.
