शुक्रवार, 16 ऑक्टोबर 2026
(फोटो सौजन्य: सोशल मीडिया)
या शेअर्सच्या वाटपानंतर, पूर्णतः सौम्य (fully diluted) आधारावर श्रीराम फायनान्समध्ये MUFG बँकेचा सुमारे २०% इक्विटी हिस्सा असेल. हा व्यवहार भारताच्या वित्तीय सेवा क्षेत्रातील आतापर्यंतचा सर्वात मोठा सीमापार (cross-border) गुंतवणूक व्यवहार मानला जातो. या गुंतवणुकीमुळे MUFG ची भारतातील उपस्थिती अधिक मजबूत होणार असून, श्रीराम फायनान्सला MUFG च्या जागतिक कौशल्य, नेटवर्क आणि क्षमतांचा लाभ घेत आपल्या दीर्घकालीन वाढीच्या धोरणाला गती देता येईल. हा व्यवहार MUFG आणि SFL या दोन्ही संस्थांसाठी एक महत्त्वाचा टप्पा ठरला असून, त्यांच्या दीर्घकालीन धोरणात्मक भागीदारीला अधिक बळकटी देणारा आहे. तसेच, भारतातील शाश्वत विकास आणि आर्थिक समावेशनाला चालना देण्याच्या त्यांच्या सामायिक वचनबद्धतेलाही यामुळे बळ मिळेल.
“हा व्यवहार केवळ एक ऐतिहासिक टप्पा नाही, तर MUFG सोबतच्या दीर्घकालीन धोरणात्मक सहकार्याची सुरुवात आहे. या भागीदारीमुळे नवनिर्मितीच्या नव्या संधी उपलब्ध होतील, विविध आणि किफायतशीर निधी मिळेल, तसेच जोखीम व्यवस्थापन आणि प्रशासनातील जागतिक सर्वोत्तम पद्धतींचा अवलंब करण्यास मदत होईल. या गुंतवणुकीमुळे आमचा भांडवली पाया अधिक मजबूत झाला असून, आम्हाला आमच्या प्रमुख व्यवसाय क्षेत्रांमध्ये वेगाने विस्तार करता येईल. पुढे जाताना, सातत्यपूर्ण आणि जबाबदार वाढ साध्य करत सर्व भागधारकांसाठी दीर्घकालीन मूल्य निर्माण करण्यावर आमचा भर राहील, असं मत SFL चे कार्यकारी उपाध्यक्ष उमेश रेवणकर यांनी मांडलं.
“श्रीराम फायनान्ससोबत आमचे धोरणात्मक सहकार्य सुरू करताना आम्हाला अत्यंत आनंद होत आहे. SFL ही भारतातील एक सक्षम आणि विश्वासार्ह वित्तीय संस्था असून, MSME आणि रिटेल क्षेत्रात मोठ्या वाढीची क्षमता तिच्याकडे आहे. ही गुंतवणूक भारताच्या बाजारपेठेबाबत MUFG च्या दीर्घकालीन वचनबद्धतेचे प्रतीक आहे. आम्हाला विश्वास आहे की या सहकार्यामुळे भारताच्या शाश्वत आर्थिक विकासात आणि आर्थिक समावेशनाच्या प्रक्रियेत सकारात्मक योगदान मिळेल. भविष्यात, आमच्या जागतिक अनुभव, नेटवर्क आणि व्यवस्थापन कौशल्यांचा उपयोग करून आम्ही SFL च्या शाश्वत वाढीस सक्रिय पाठबळ देऊ.”, असं मत ग्रुप CEO, आणि अध्यक्ष जुनिची हान्झावा यांनी मांडलं आहे.
