Iran Israel युद्धाच्या भडक्याचा शेअर बाजाराला मोठा फटका! अवघ्या एका आठवड्यात गुंतवणूकदारांचे 19 लाख कोटी पाण्यात

Iran Israel युद्धाच्या भडक्यामुळे जागतिक आणि भारतीय देशांतर्गत बाजारावर मोठा परिणाम झाला आहे. शेअर बाजारातील उलथापालथ आणि त्याचा इतर घटकांवरील परिणाम यामुळे आठवड्याच्या शेवटच्या व्यापार दिवशीही बाजारात मोठी घसरण दिसली.

• शेअर बाजारातील या परिस्थितीमुळे भीतीदायक वातावरण
• गुंतवणूकदारांचे मोठे नुकसान
• या क्षेत्रांमध्ये शेअरची विक्री जास्त

Indian Stock Market Weekly Loss : Iran Israel युद्धाच्या भडक्यामुळे जागतिक आणि भारतीय देशांतर्गत बाजारावर मोठा परिणाम झाला आहे. शेअर बाजारातील उलथापालथ आणि त्याचा इतर घटकांवरील परिणाम यामुळे आठवड्याच्या शेवटच्या व्यापार दिवशीही बाजारात मोठी घसरण दिसून आली. सेन्सेक्स 1470.50 अंकांनी घसरून 74,563.92 वर बंद झाला, तर एनएसई निफ्टी 50 488.05 अंकांनी घसरून 23,151.10 वर बंद झाला. शेअर बाजारातील या परिस्थितीमुळे भीतीदायक वातावरण निर्माण झालं आहे. गुंतवणूकदारांना मोठे नुकसान सहन करावं लागत आहे.

जगाच्या नजरेपासून दूर, भारताचा ‘एनर्जी मास्टरप्लॅन’! ‘या’ कारणामुळे संकटातही भारत निवांत…

गुंतवणूकदारांचे मोठे नुकसान

बाजारातील या सततच्या घसरणीमुळे गुंतवणूकदारांचे मोठे नुकसान झाले आहे. आकडेवारीनुसार, या आठवड्यात गुंतवणूकदारांना एकूण 19.86 लाख कोटींचे नुकसान झालं आहे. विचार केला असता फक्त शुक्रवारी गुंतवणूकदारांना 10.24 लाख कोटींचं नुकसान झालं आहे.
२८ फेब्रुवारीपासून सुरु झालेल्या इराण आणि इस्रायलमधील संघर्षाच्या परिणामामुळे युद्ध सुरू झाल्यापासून गुंतवणूकदारांना 33.68 लाख कोटी रुपयांचं नुकसान झाले आहे. यामुळे गुंतवणूकदारांमध्ये चिंता आणि भविष्याबद्दल अनिश्चितता निर्माण झाली आहे.

या क्षेत्रांमध्ये शेअरची विक्री जास्त

या आठवड्यात शेअर बाजारावर अनेक क्षेत्रांवर दबाव दिसून आला. ऑटो क्षेत्रात सर्वात मोठी घसरण दिसून आली. आठवड्यात ऑटो क्षेत्रात अंदाजे 10.64 टक्क्यांनी घसरण झाली. त्यामुळे ऑटो निर्देशांक 26,770 अंकांवरून अंदाजे 24,195 वर आला. बाजारातील उलथापालथ आणि त्यामुळे अस्थिरतेमुळे विक्रीकडे झुकाव दिसला. त्यामुळे विक्रीच्या दबावाचा सर्वात जास्त परिणाम ऑटो क्षेत्रावर झाला आहे.
ऑटो नंतर, सार्वजनिक क्षेत्रातील बँकिंग क्षेत्र घसरणीच्या बाबतीत दुसऱ्या क्रमांकाचे सर्वात मोठे क्षेत्र होते, ज्यामध्ये अंदाजे 7.27 टक्के घट झाली. शिवाय, धातू क्षेत्रात 5.90 टक्के, रिअल इस्टेटमध्ये 4.34 टक्के, तेल आणि वायूमध्ये 4.25 टक्के आणि आयटी क्षेत्रात अंदाजे 3.54 टक्के इतकी घट झाली.

परदेशी गुंतवणूकदार सतत अंतर ठेवून

अनिश्चित वातावरणामुळे परदेशी गुंतवणूकदार भारतीय बाजारपेठेपासून दूर राहण्याची शक्यता वाढत आहे. शुक्रवार, 13 मार्च रोजीही परदेशी गुंतवणूकदारांनी मोठ्या प्रमाणात विक्री केली. उपलब्ध आकडेवारीनुसार, त्या दिवशी एफपीआय आणि एफआयआयनी अंदाजे ₹10,716.64 कोटी किमतीचे शेअर्स विकले. ही गेल्या वर्षभरातील सर्वात मोठी एका दिवसाची विक्री असल्याचं मानलं जात आहे.

संपूर्ण आठवड्यात, परदेशी गुंतवणूकदार विक्रीच्या बाजूने राहिले. त्यांनी अंदाजे ₹36,071 कोटी किमतीचे इक्विटी शेअर्स विकले. तथापि, देशांतर्गत संस्थात्मक गुंतवणूकदारांनी (DIIs) बाजाराला काही आधार दिला, अंदाजे ₹37,740 कोटींची निव्वळ खरेदी केली.

Gold Rate: युद्ध सुरू असतानाही सोने-चांदी स्वस्त का? किमतींमध्ये घसरण का होतेय?

(टीपः येथे दिलेली माहिती केवळ माहितीच्या उद्देशाने आहे. हे लक्षात ठेवणे महत्त्वाचे आहे की बाजारात गुंतवणूक करणे हे बाजारातील जोखमींच्या अधीन आहे. गुंतवणूकदार म्हणून गुंतवणूक करण्यापूर्वी नेहमीच तज्ञांचा सल्ला घ्या. Navarashtra कधीही येथे गुंतवणूक करण्याची शिफारस करत नाही.)