(फोटो सौजन्य: सोशल मीडिया)
जेव्हा तुम्ही नोकरी सोडता, तेव्हा नवीन कंट्रीब्यूशन बंद होतं. तुमचे जुने ईपीएफ खाते बंद होत नाही. पैसे तसेच राहतात. जर ३६ महिन्यांपर्यंत म्हणजेच ३ वर्षांपर्यंत कोणतंही नवीन ट्रान्सझेशन झालं नाही तर मग ते खाते निष्क्रिय घोषित केले जाते. पण खाते निष्क्रिय झाले याचा अर्थ असा नाही की व्याज जमा होणे थांबलं.
होय, तुम्हाला व्याज मिळत राहतं. ईपीएफओच्या नियमांनुसार, तुम्ही वयाच्या ५८ व्या वर्षात पोहोचेपर्यंत, नवीन अमाउंट जमा न केल्याससुद्धा तुमच्या ईपीएफ खात्यावर व्याज मिळत राहतो. २०१६ आणि २०१७ मध्ये सरकारने स्पष्ट केले होतं की, तुम्ही वयाच्या ५८ व्या वर्षापर्यंत सर्व खात्यांवर व्याज मिळत राहील. वयाच्या ५८ वर्षांनंतर, खाते निष्क्रिय मानले जाते आणि त्यानंतर कोणतेही व्याज दिले जात नाही. काही प्रकरणांमध्ये, पैसे न काढल्यास तुम्हाला अतिरिक्त तीन वर्षे व्याज मिळू शकते. तुमचे वय ३५ वर्षे आहे आणि तुम्ही नुकतीच नोकरी सोडली आहे. तुमच्या ईपीएफमध्ये ५ लाख रुपये आहेत. पुढील २३ वर्षांसाठी म्हणजे तुम्ही ५८ वर्षांचे होईपर्यंत या रकमेवर दरवर्षी सुमारे ८.२५% दराने व्याज मिळेल. हे व्याज चक्रवाढ पद्धतीने आकारले जाते, म्हणजेच तुम्हाला व्याजावरही व्याज मिळत राहतं.
व्याज वर्षाला ठरवला जातो. सामान्यतः वर्षाच्या शेवटी खात्यात जमा केले जाते. त्याची गणना मासिक शिल्लकीवर केली जाते. व्याज करमुक्त असते.
अकाउंट ट्रांसफर करणं – तुम्हाला नवीन नोकरी मिळाल्यास, तुमचे जुने ईपीएफ खाते नवीन कंपनीत हस्तांतरित करा. यामुळे सर्व काही एकाच खात्यात राहते आणि व्यवस्थापन करणे सोपे होते.
पैसे काढण्याचे नियम – बेरोजगारीच्या परिस्थितीत, तुम्ही ७५% रक्कम त्वरित काढू शकता. उर्वरित २५% रक्कम एका वर्षानंतर काढता येईल. पण मुदतपूर्व पैसे काढल्यास व्याजाचा लाभ कमी होतो. पैसे तसेच ठेवणे चांगले आहे, जेणेकरून व्याज वाढत राहील.
५८ वर्षांनंतर – तुम्ही सेवानिवृत्तीनंतर संपूर्ण रक्कम काढू शकता. पैसे न काढल्यास, व्याज मिळणे थांबू शकते.
ऑनलाइन तपासा – तुमचे खाते उमंग ॲपवर किंवा ईपीएफओच्या वेबसाइटवर (epfindia.gov.in) तपासा. पासबुक डाउनलोड करा आणि व्याज पहा.
लहान खाती – ईपीएफओ लहान निष्क्रिय खाती स्वयंचलितपणे निकाली काढण्यासाठी एक योजना चालवत आहे.
ईपीएफमध्ये तुमचे पैसे ठेवणे सुरक्षित आहे. यात बँक एफडीपेक्षा चांगले व्याजदर मिळतात आणि सरकारची हमी असते. तुम्ही बेरोजगार असलात तरीही तुमचे पैसे वाढत राहतात. मुदतीपूर्वी पैसे काढल्यास चक्रवाढीचा फायदा कमी होतो. तुम्ही नोकरी करत नसलात तरीही तुमचे खाते सक्रिय ठेवा. तसेच, तुमचे पासबुक नियमितपणे तपासा. तुम्हाला काही समस्या आल्यास, EPFO हेल्पलाइन किंवा तुमच्या जवळच्या कार्यालयाशी संपर्क साधा. नवीन नोकरी मिळताच तुमचा UAN ताबडतोब लिंक करा.
.png "Videos"){kind=small}
