पुन्हा वाढल्या… LPG सिलिंडरच्या किमती दुप्पट; जानेवारीपासून 7 वेळा दरवाढ, जाणून घ्या ताजे दर

मेरिका आणि इराण यांच्यातील संघर्षा दिवसेंदिवस अधिकच तीव्र होत चालला आहे. तेल आणि वायू संकटांमुळे देशभरात एलपीजीचा तुटवडाही आता तीव्र स्वरुप घेतो आहे. पण वाढत्या किमतींच्या बोज्यापासून घरगुती ग्राहकांचे संरक्षण करण्यासाठी सरकारने विविध उपाययोजना केल्या आहेत. या सगळ्यात तरिही दरवाढ होतच आहे.

LPG Price Hike 1st June: अमेरिका आणि इराण यांच्यातील संघर्षा दिवसेंदिवस अधिकच तीव्र होत चालला आहे. तेल आणि वायू संकटांमुळे देशभरात एलपीजीचा तुटवडाही आता तीव्र स्वरुप घेतो आहे. पण वाढत्या किमतींच्या बोज्यापासून घरगुती ग्राहकांचे संरक्षण करण्यासाठी सरकारने विविध उपाययोजना केल्या आहेत; या उपाययोजनांमध्ये उत्पादनात वाढ करणे, तसेच बुकिंगशी संबंधित नियमांमध्ये सुधारणा करणे या सगळ्याचा समावेश आहे. पण या सगळ्यांमध्येही सिलेंडरच्या किंमती मात्र आटोक्यात नाही. आताही सिलेंडरच्या किंमतीत वाढ करण्यात आली आहे. नेमकी किती वाढ झाली आहे. जाणून घेऊयात.

Virat Kohli एका Instagram पोस्टमधून कमावतो तब्बल ‘इतके’ कोटी रुपये! आकडा ऐकून थक्क व्हाल

किंमतींमध्ये अविरत वाढ

घरगुती सिलेंडरमध्ये ही वाढ न होता व्यावसायिक एलपीजी सिलिंडर्सना मात्र किमतींमधील अविरत वाढ झाली आहे. त्यामुळे व्यावसायिकांना याचा जोरदार फटका बसताना दिसत आहे. जानेवारी महिन्यापासून १९ किलोच्या व्यावसायिक सिलिंडरची किंमत जवळपास दुप्पट झाली आहे. दर महिन्याला या सिलेंडरच्या किमतींमध्ये वाढ होत असल्याचं दिसून येत आहे.

किंमतींमध्ये किती प्रमाणात वाढ?

१ जून २०२६ रोजी किमतींमध्ये पुन्हा एकदा वाढ करण्यात आली, ज्यामुळे दिल्लीमध्ये व्यावसायिक सिलिंडर्स प्रत्येकी ४२ रुपयांनी अधिक महाग झाले. व्यावसायिक गॅस सिलिंडर्सच्या किमतींमधील या वाढीमुळे हॉटेल्स, रेस्टॉरंट्स आणि इतर व्यवसायांवर अतिरिक्त आर्थिक बोजा पडला आहे; हे व्यवसाय आधीच गॅसच्या तुटवड्याशी झुंज देत असताना त्यात होणारी दरवाढ ही दुष्काळात तेरावा महिना अशी परिस्थिती उभी करत आहे. असे असले तरी, १४ किलोच्या घरगुती एलपीजी सिलिंडर्सच्या किमती स्थिर ठेवून तेल कंपन्यांनी सर्वसामान्य कुटुंबांचे बजेट संतुलित राखण्यास मदत केली आहे.

किमतींमध्ये सलग सातव्यांदा वाढ

२०२६ च्या सुरुवातीपासून, व्यावसायिक गॅस सिलिंडर्सच्या किमतींमध्ये सलग सातव्यांदा वाढ झाली आहे. जून महिन्याच्या पहिल्याच दिवशी महागाईचा झटका देत, तेल विपणन कंपन्यांनी दिल्लीपासून कोलकातापर्यंतच्या विविध शहरांमध्ये १९-किलोच्या एलपीजी सिलिंडर्सच्या किमतींमध्ये ₹४२ ते ₹५३.५० दरम्यान वाढ केली आहे. या दरवाढीनंतर, नवी दिल्लीमध्ये एका व्यावसायिक एलपीजी सिलिंडरची किंमत वाढून ₹३,११३.५० झाली आहे; तर कोलकातामध्ये ही किंमत आता ₹३,२५५.५० वर पोहोचली असून, या शहरात ₹५३.५० ची वाढ नोंदवली गेली आहे.

जानेवारीपासून किमती जवळपास दुप्पट

या वर्षाच्या सुरुवातीपासून व्यावसायिक गॅस सिलिंडरच्या किमतींमध्ये होत असलेल्या सततच्या वाढीमुळे, १९ किलोच्या LPG सिलिंडरची किंमत जवळपास दुप्पट झाली आहे. हे या गोष्टीवरून स्पष्ट होते की, डिसेंबर २०२५ मध्ये म्हणजेच मागील वर्षाच्या शेवटच्या महिन्यात दिल्लीमध्ये एका सिलिंडरची किंमत ₹१,५८०.५० इतकी होती; १ जूनपर्यंत ही किंमत वाढून ₹३,११३.५० पर्यंत पोहोचली.

हा कल अधिक चांगल्या प्रकारे समजून घेण्यासाठी, या किंमतवाढीचा महिना-दर-महिना झालेला क्रम पाहूया.

Credit Card धारकांनो Alert! ‘या’ चुकीमुळे तुमचे कार्ड होईल कायमस्वरुपी ब्लॉक; पाहा काय आहे नवीन नियम?