आरबीआयने एसबीआय, एचडीएफसी, आयसीआयसीआय बॅंकांचा केला ‘या’ सुचीमध्ये समावेश!

बँकिंग क्षेत्रातील नियामक रिझर्व्ह बँक ऑफ इंडियाने (आरबीआय) एसबीआय, आयसीआयसीआय बँक आणि एचडीएफसी बँकेचा (डी-एसआयबी) श्रेणीमध्ये समावेश केला आहे.

उद्यापासून देशातील सर्व बॅंकांची खाती बंद होणार; पहा... तुमचे तर बॅंक खाते नाही ना?

Follow Us:

Follow Us:

सार्वजनिक क्षेत्रातील सर्वात मोठी बँक स्टेट बँक ऑफ इंडिया (एसबीआय) आणि दोन खासगी क्षेत्रातील दिग्गज बॅंका आयसीआयसीआय बॅंक आणि एचडीएफसी बँक यांची पुन्हा महत्त्वाच्या देशांतर्गत बँका म्हणून निवड करण्यात आली आहे. बँकिंग क्षेत्रातील नियामक रिझर्व्ह बँक ऑफ इंडियाने (आरबीआय) एसबीआय, आयसीआयसीआय बँक आणि एचडीएफसी बँकेचा (डी-एसआयबी) श्रेणीमध्ये समावेश केला आहे.

डी-एसआयबीच्या यादीत समाविष्ट होण्यासाठी बँकांना काही अटी पूर्ण कराव्या लागतात. ज्या पातळीद्वारे या बँकांचे वर्गीकरण केले गेले आहे. त्यानुसार, भांडवल संवर्धन बफरसह उच्च सामान्य इक्विटी टियर 1 (सीईटी1) राखणे आवश्यक आहे. एसबीआय बकेट 4 मध्ये समाविष्ट आहे आणि बँकेला यादीनुसार 0.80 टक्के अतिरिक्त सामान्य इक्विटी टियर 1 राखावे लागेल.
(फोटो सौजन्य – iStock)

हे देखील वाचा – सोन्याचे दर 8000 रुपयांनी कमी होणार; ‘हे’ आहे कारण…; वाचा… आजचे सोन्या-चांदीचे दर!

एचडीएफसी बँक बकेट 2 मध्ये समाविष्ट केली गेली असून, बँकेला 0.40 टक्के सामान्य इक्विटी टियर 1 राखावी लागेल. आयसीआयसीआय बँक बकेट 1 मध्ये समाविष्ट आहे. बँकेला 0.20 टक्के सीईटी 1 बफर ठेवावा लागेल. रिझर्व्ह बँक ऑफ इंडियाने सांगितले आहे की, एसबीआय आणि एचडीएफसी बँकेसाठी उच्च डी-एसआयबी अधिभार 1 एप्रिल 2025 पासून लागू होईल.

एसआयबी अशा बँका आहेत ज्या टू बिग टू फेल (टीबीटीएफ) च्या श्रेणीत येतात. या बँकांच्या अपयशाचा मोठा परिणाम होऊ शकतो. टीबीटीएफ स्थितीमुळे अयशस्वी झाल्यास सरकार अशा बँकांना मदत करते. रिझर्व्ह बँक ऑफ इंडियाने (आरबीआय) 2023 मध्ये या तीन बँकांचा डी-एसआयबी श्रेणीमध्ये समावेश केला होता. सध्याचे अपडेट 31 मार्च 2024 पर्यंत बँकांकडून गोळा केलेल्या डेटावर आधारित आहे.

रिझर्व्ह बँक ऑफ इंडियाने डी-एसआयबीबाबत 2014 साली फ्रेमवर्क तयार केले होते. आणि वर्ष 2015 मध्ये एसबीआय आणि वर्ष 2016 मध्ये, आयसीआयसीआय बँक त्यात सामील झाली. 2017 मध्ये या दोन बँकांसह एचडीएफसी बँकेचाही या यादीत समावेश करण्यात आला होता.

हे देखील वाचा – आनंदाची बातमी… रिलायन्स कंपनी ‘या’ राज्यात 65000 कोटींची गुंतवणूक करणार; 250000 बेरोजगारांना रोजगार मिळणार!

स्टेट बँक ऑफ इंडिया – भारतीय स्टेट बँक ही भारतातील सर्वात मोठी बँक आहे. सन १९२१ मध्ये स्थापन झालेल्या इंपीरियल बँक ऑफ इंडियाचे नाव बदलून स्टेट बँक ऑफ इंडिया झाले. भाग भांडवल आणि गंगाजळी याचा विचार करता जगातील सर्वात मोठ्या १०० बँकांत या बँकेचा २०१२ साली ६०वा क्रमांक लागतो.

आयसीआयसीआय बँक – आयसीआयसीआय बँकेचे पूर्वीचे नाव भारतीय औद्योगिक पत आणि गुंतवणूक महामंडळ (इंडस्ट्रीयल क्रेडीट अँड इन्व्हेसमेंट कॉर्पोरेशन ऑफ इंडिया) असे होते. या डेव्हलपमेंट फायनान्स संस्थेच्या संपूर्ण भारतात 5,900 शाखा आणि 16,650 एटीएमचे जाळे आहे आणि 17 देशांमध्ये तिचे अस्तित्त्व आहे. बँकेच्या युनायटेड किंग्डम आणि कॅनडामध्ये उपकंपन्या आहेत.

युनायटेड स्टेट्स, सिंगापूर, बहारीन, हाँगकाँग, कतार, ओमान, दुबई इंटरनॅशनल फायनान्स सेंटर, चीन आणि दक्षिण आफ्रिका तसेच संयुक्त अरब अमिराती, बांगलादेश, मलेशिया आणि इंडोनेशियामधील प्रतिनिधी कार्यालयांमध्ये शाखा आहेत. कंपनीच्या युके उपकंपनीने बेल्जियम आणि जर्मनीमध्येही शाखा स्थापन केल्या आहेत

एचडीएफसी बँक – एच.डी.एफ.सी. बँक ही एक गृहनिर्मितीसाठी इच्छुकांना कर्ज देणारी संस्था आहे. या संस्थेने एच.डी.एफ़.सी नावाची बँक काढली आहे. तिची माहिती http://www.hdfcbank.com या संकेतस्थळावर उपलब्ध आहे.

Web Title: Rbi update systemaically important bank rbi entered sbi hdfc icici banks in this list

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com