Swiggy CREW ची ट्रॅव्हल क्षेत्रात एन्ट्री; भारतातील पहिले ‘Always-On Travel Concierge’ App लॉन्च

Swiggy CREW Travel Concierge App: Swiggy इकोसिस्टममधील प्रीमियम कंसीयर्ज प्लॅटफॉर्म CREW ने वैयक्तिक आणि एंड-टू-एंड ट्रॅव्हल सेवा देण्यासाठी प्रवास क्षेत्रात प्रवेश केला आहे.

• Swiggy CREW ची ट्रॅव्हल इंडस्ट्रीत एन्ट्री
• ‘Always-On’ Concierge App सादर
• प्लॅनिंगपासून प्रवासापर्यंत मिळणार मदत

Swiggy इकोसिस्टममधील प्रीमियम कंसीयर्ज प्लॅटफॉर्म CREW ने आज ट्रॅव्हल क्षेत्रात प्रवेश करण्याची घोषणा केली. वैयक्तिक ट्रॅव्हल कंसीयर्ज सेवा म्हणून विकसित करण्यात आलेले CREW हे उत्साही प्रवाशांसाठी तयार करण्यात आले आहे. डेस्टिनेशन एक्सपर्ट म्हणून CREW प्रवासाची पहिली प्रेरणा मिळाल्यापासून ते प्रवासाचे नियोजन, बुकिंग आणि प्रत्येक अनुभवाचे क्युरेशन करण्यापासून शेवटच्या आठवणीपर्यंत प्रवाशांसोबत राहते. छोट्या किंवा मोठ्या प्रवासादरम्यान ऑन-साइट सहाय्यही उपलब्ध करून दिले जाते.

PayPal Layoffs in India: PayPalचा भारताला मोठा धक्का! तब्बल 25% कर्मचाऱ्यांवर नोकरीवर टांगती तलवार

CREW ने व्यापक वैयक्तिक कंसीयर्ज सेवा म्हणून पदार्पण केल्यानंतर मिळालेल्या एका वर्षाच्या अनुभवावर आणि शिकवणीवर ही सेवा आधारित आहे. या अनुभवातून सातत्याने असे दिसून आले की, अखंड आणि एंड-टू-एंड सुविधेची सर्वाधिक मागणी असलेले क्षेत्र म्हणजे ट्रॅव्हल. त्यामुळे CREW च्या पुढील वाटचालीसाठी ट्रॅव्हल हे एक स्वाभाविक पाऊल ठरले.

बहुतांश ऑनलाइन ट्रॅव्हल प्लॅटफॉर्म जिथे थांबतात, तिथून CREW ची सेवा पुढे सुरू होते. बुकिंग निश्चित झाल्यानंतर अनेकदा प्रवाशांना पुढील सर्व गोष्टी स्वतःच हाताळाव्या लागतात. मात्र CREW विविध टाइम झोनमध्ये 24/7 उपलब्ध राहते आणि प्रवासी घरापासून दूर असताना त्यांच्या गरजा रिअल-टाइममध्ये सोडवण्यास मदत करते. प्रवासाच्या कार्यक्रमात बदल, स्थानिक शिफारसी आणि दैनंदिन सहाय्य यांसारख्या सुविधा CREW देते. जलद, सातत्यपूर्ण आणि वैयक्तिक प्रतिसाद देण्यासाठी मानवी कंसीयर्जना AI ची साथ मिळते.

Linkedin वर हा अपडेट शेअर करताना, Swiggy Food Marketplace चे CEO रोहित कपूर म्हणाले, “समस्या कधीच डेस्टिनेशनची नव्हती. समस्या नेहमीच बुकिंग आणि प्रत्यक्ष अनुभवामधील अंतराची होती. हेच अंतर भरून काढण्यासाठी आम्ही CREW तयार केले. एक वैयक्तिक ट्रॅव्हल कंसीयर्ज, जो प्रवासापूर्वी, प्रवासादरम्यान आणि ठरलेली योजना बदलून नव्याने आखण्याची वेळ आली तरी तुमच्यासोबत राहतो. सुरुवातीसाठी उत्तम किमती आणि त्यानंतरच्या प्रत्येक गरजेसाठी प्रत्यक्ष मदत.”

नियमित प्रवास करणाऱ्या आणि CREW च्या वापरकर्त्या रिया सेठी वाधवानी म्हणाल्या, “या उन्हाळ्यात मी माझ्या आई-वडिलांसह आणि लहान मुलांसोबत युरोपला प्रवास केला आणि CREW सोबतचा प्रवास खरोखरच गेम चेंजर ठरला. योग्य किमतीत योग्य फ्लाइट्स आणि हॉटेल्स निवडण्यास मदत करण्यापासून, संपूर्ण प्रवासादरम्यान WhatsApp वर आमच्या संपर्कात राहण्यापर्यंत आणि डेस्टिनेशनवर पोहोचल्यानंतर स्थानिक पर्यटनाच्या काही बुकिंगमध्ये बदल करायचा असल्यास उपलब्ध राहण्यापर्यंत, CREW ने सुरुवातीपासून शेवटपर्यंत आमचा प्रवासाचा अनुभव अधिक चांगला केला. आमच्या प्रवासाच्या गरजांकडे इतक्या बारकाईने लक्ष दिल्यानंतर, आम्ही पूर्वी ज्या पद्धतीने प्रवास करायचो त्याकडे पुन्हा जाणे मला शक्य वाटत नाही.”

CREW काय करते

• केवळ सदस्यांसाठी विशेष हॉटेल दर: CREW च्या पार्टनर नेटवर्कद्वारे प्राधान्य दर उपलब्ध करून दिले जातात, जे केवळ CREW सदस्यांसाठी असतात.
• नियोजनापासून परतीच्या प्रवासापर्यंत: हॉटेल्स, फ्लाइट्स, कॅब्स, व्हिसा, फॉरेक्स, आंतरराष्ट्रीय तिकीट बुकिंग, आरक्षणे, ट्रॅव्हल अॅक्टिव्हिटीज आणि क्युरेटेड अनुभवांचा शोध यांसह प्रवासाच्या प्रत्येक टप्प्यावर मदत.
• CREW तुमच्यासोबत प्रवास करते: आधीच काय बुक करणे आवश्यक आहे याचा अंदाज घेणे, प्रवाशांच्या वतीने आरक्षणे करणे आणि प्रत्येक ठिकाणाचा सर्वोत्तम अनुभव घेण्यासाठी मदत करणे. विविध टाइम झोनमध्ये 24/7 कंसीयर्ज सेवा उपलब्ध.
• शहरनिहाय स्थानिक तज्ज्ञता: सर्वसाधारण लिस्टिंग फीडऐवजी आंतरराष्ट्रीय ठिकाणांमधील स्थानिक पार्टनर नेटवर्क आणि स्थानिक तज्ज्ञांच्या शिफारसी उपलब्ध करून दिल्या जातात.

CREW च्या सेवेमध्ये कंसीयर्ज-फर्स्ट दृष्टिकोनाला केंद्रस्थानी ठेवण्यात आले आहे. हा दृष्टिकोन सक्रिय आणि विश्वासार्ह सहाय्यावर आधारित आहे. प्रवाशांच्या गरजांचा आधीच अंदाज घेणे, विश्वासू संपर्काप्रमाणे संवाद साधणे आणि सर्वाधिक प्रमोट केल्या जाणाऱ्या पर्यायांऐवजी प्रवाशांसाठी सर्वाधिक उपयुक्त पर्यायांची शिफारस करणे, हा यामागील उद्देश आहे.

CREW आपल्या ट्रॅव्हल सेवांचा विस्तार करत असताना, हा कंसीयर्ज-आधारित दृष्टिकोन अधिक मजबूत करत आहे. त्यामुळे ग्राहकांना अधिक महत्त्वाच्या आणि गुंतागुंतीच्या प्रवासविषयक निर्णयांमध्ये अधिक आत्मविश्वास आणि सुविधा मिळू शकते. Swiggy च्या टेक्नॉलॉजी इकोसिस्टमच्या पाठबळावर CREW मानवी तज्ज्ञता आणि AI यांचा मिलाफ करते. त्यामुळे प्रवासाच्या प्रत्येक टप्प्यावर वैयक्तिकृत ट्रॅव्हल सहाय्य अधिक सहज उपलब्ध होते.CREW पेड सब्सक्रिप्शन किंवा केवळ आमंत्रणाच्या माध्यमातून उपलब्ध आहे.

Ambani House Antilia: अंबानींच्या अँटिलियालाही टक्कर! ‘या’ उद्योगपतीच्या घराची किंमत ऐकून व्हाल थक्क