मोठी बातमी! ‘प्रशस्त २.०’साठी शिक्षकांना ३१ ऑगस्टची डेडलाइन; १०० टक्के विद्यार्थ्यांचे…

Pune News: १ सप्टेंबर २०२६पासून प्रत्येक विद्यार्थ्याचे ‘प्रशस्त २.०’ अॅपद्वारे स्क्रीनिंग करण्यात येणार आहे. या प्रक्रियेसाठी शिक्षकांना अॅपचा वापर, स्क्रीनिंगची पद्धत आणि विद्यार्थ्यांची आवश्यक माहिती भरण्याबाबत अचूक माहिती असणे गरजेचे आहे.

• ‘प्रशस्त २.०’साठी शिक्षकांना ३१ ऑगस्टची डेडलाइन
• १०० टक्के विद्यार्थ्यांचे स्क्रीनिंग बंधनकारक
• पुणे जिल्ह्यातील शाळांना शिक्षण विभागाचे निर्देश

पुणे/Pune News: विद्यार्थ्यांमधील विशेष गरजा आणि विविध अडचणींचे प्राथमिक स्तरावरच निदान करून त्यांना आवश्यक शैक्षणिक मदत उपलब्ध करून देण्यासाठी राबविण्यात येणाऱ्या ‘प्रशस्त अॅप २.०’ची अंमलबजावणी आता अधिक काटेकोरपणे करण्याचे निर्देश पुणे जिल्हा परिषदेच्या शिक्षण विभागाने दिले आहेत. जिल्ह्यातील सर्व व्यवस्थापनांच्या आणि सर्व माध्यमांच्या (Career) शाळांमधील प्रवेशित १०० टक्के विद्यार्थ्यांचे स्क्रीनिंग पूर्ण करण्याचे आदेश देण्यात आले आहेत.

याबाबत पुणे जिल्हा परिषदेचे शिक्षणाधिकारी (माध्यमिक) डॉ. भाऊसाहेब कारेकर यांनी प्रसिद्धीपत्रकाद्वारे माहिती दिली आहे. त्यानुसार, ३१ ऑगस्ट २०२६ पर्यंत सर्व शिक्षकांनी ‘प्रशस्त २.०’ अॅपवरील १० प्रशिक्षणात्मक व्हिडीओ पाहणे बंधनकारक करण्यात आले आहे. विशेष म्हणजे, जिल्ह्यातील आतापर्यंत केवळ ४.४६ टक्के शिक्षकांनीच हे १० व्हिडीओ पाहिले असल्याचे निदर्शनास आले आहे. त्यामुळे शिक्षण विभागाने याबाबत गांभीर्याने कार्यवाही करण्याचे मुख्याध्यापक, वर्ग शिक्षकांसह विशेष शिक्षकां दिले निर्देश आहेत.

NITI Aayog Report: पदवी घेतल्यानंतरही नोकरी मिळणे कठीण का? नीती आयोगाच्या अहवालात झालेला खुलासा एकदा वाचाच

१ सप्टेंबर २०२६पासून प्रत्येक विद्यार्थ्याचे ‘प्रशस्त २.०’ अॅपद्वारे स्क्रीनिंग करण्यात येणार आहे. या प्रक्रियेसाठी शिक्षकांना अॅपचा वापर, स्क्रीनिंगची पद्धत आणि विद्यार्थ्यांची आवश्यक माहिती भरण्याबाबत अचूक माहिती असणे गरजेचे आहे. त्यामुळे स्क्रीनिंग सुरू होण्यापूर्वी शिक्षकांनी प्रशिक्षण पूर्ण करून स्वतःला अद्ययावत करावे, असे शिक्षण विभागाने स्पष्ट केले आहे.

१० व्हिडीओ मिळून प्रशिक्षणाचा कालावधी ५५ मिनिटे

‘प्रशस्त २.०’ अॅपवरील शिक्षकांसाठी उपलब्ध करून देण्यात आलेले १० व्हिडीओ पाहणे आवश्यक आहे. एका व्हिडीओचा कालावधी साधारण पाच मिनिटांचा असून सर्व १० व्हिडीओ मिळून सुमारे ५५ मिनिटांचा प्रशिक्षणात्मक भाग आहे. त्यामुळे शिक्षकांनी हे प्रशिक्षण पूर्ण करण्यास टाळाटाळ करू नये, असे निर्देश देण्यात आले आहेत.

Vidya Saathi App : विद्यार्थ्यांसाठी खूशखबर! ‘विद्या साथी ॲप’ लाँच; २४ तास लाईव्ह टीचर आणि AI टूल्सची मिळणार मदत!

१०० टक्के स्क्रीनिंगचे आव्हान

पुणे जिल्ह्यातील सर्व व्यवस्थापनांच्या आणि सर्व माध्यमांच्या शाळांमध्ये प्रवेशित प्रत्येक विद्यार्थ्याचे स्क्रीनिंग पूर्ण करण्याचे उद्दिष्ट शिक्षण विभागाने ठेवले आहे. त्यामुळे ३१ ऑगस्टपर्यंत शिक्षकांचे प्रशिक्षण आणि १ सप्टेंबरपासून विद्यार्थ्यांचे स्क्रीनिंग, अशा पद्धतीने पुढील कार्यवाही होणार आहे. आतापर्यंत प्रशिक्षण व्हिडीओ पाहणाऱ्या शिक्षकांचे प्रमाण अत्यल्प असल्याने उर्वरित शिक्षकांनी तातडीने प्रशिक्षण पूर्ण करण्याचे आवाहन शिक्षण विभागाने केले आहे.